JEREMIA 51:46 - Pathien Lekhabu Inthieng (BSI)

⁴⁶ In lungrilhai chu thidang naw sienla, chu rama thuthang hriet ding lei khawm chun ṭi bawk naw ro; kum khat chu thuthang chu hung a ta, chu hnunga chun kum dangah thuthang bawk chu hung a tih, thawluina le, rorêltu le rorêltu inkalna dâm.

JEREMIA 51:46 ပူးပေါင်းရင်းမြစ်များ

2 LALHAI 19:7

Ngai ta, a sûnga chun thlarau inumtir ka ta, thuthang hrieng a ta, ama ramah fe nâwk a tih; chuongchun, ama ram ngeia chun kâwlhnâma sukthlûkin inumtir ka tih, a tih,’ tiin,” a ta.

2 CHANCHIN SUINA 20:23

Moab le Ammon mihai chu Seir tlâng khuo deltuhai chu that vawng a, anni sukbohmang dingin an hung tho ta a; chun, Seir tlâng hluotuhai an hung sukrêm hnunga khawm chun, mi tin chu mi dang dang insukbohmangtuo an tum seng ta a.

JOB LEKHABU (THE BOOK OF JOB) 23:16

Pathien chun ka lungril chu a sukchâuin, Iengkimthawthei chun a mi sukbuoi hlak.

THUVARHAI 24:10

Vângduoi nia i chau el chun, I hrâtna chu a tlâwm a nih.

ISAI 19:2

Chun, Aigupta mihai chu Aigupta mi vêk thaw dingin chawktho ka ta; chuongchun, mi tinin mâni unau thawin, mi tinin mâni tuolbâwmhai thawin, indo an tih; khuo le khuo inthâwng an ta, ram le ram inthâwng an tih.

ISAI 43:5

Ṭi naw ro, in kuomah ka um si a; in thlahai chu khawsak tienga inthawkin hung ṭhuoi ka ta, khawthlang tienga inthawkin ṭhuoi khâwm ka ti cheu a,

JEREMIA 46:27

Nisienlakhawm, aw Jakob ka siehlaw, ṭi naw rawh, aw Israel, beidawng bawk naw rawh, ngai ta, hlataka inthawkin nang le, i chithlahai chu sala an intângna rama inthawk chun ka sandam ding cheu a ni si a; Jakob chu hung kîr nâwk a ta, to ṭawk ṭawk a ta, muongtakin um a tih, tukhawma sukṭi ta naw ni hai.

JEREMIA 46:28

Aw ka siehlaw Jakob, ṭi naw rawh, Lalpa chun a tih; i kuomah ka um si a, nang ka hnawt hmangna che tienga hnamhai po po chu suktâwp vawng ka ta, nang ruok chu suktâwp letdêr naw ning che a; rorêlnain sukdik lem ka ti che a, ieng kawnga khawm hrem lovin mâksan naw ning che,” tiin.

LUKA 21:28

Chun, chuong thil chu a hung tlung hlimin, dâk suok unla, hang en ro; in intlanna ding a hnai ta leiin,” a ta.

RORELTUHAI 7:22

Chun, tawtawrâwt za thum chu an mût a, chun, Lalpa chun sipaihai po po chu anni le anni kâwlhnâmin ân dotir tâwl ta a; chuongchun, sipaihai chu Zerera tieng panga Betshittah chen, Tabbath kâwla Abel-meholah ramri chen an tlânsie a.