JEREMIA 51:42 - Pathien Lekhabu Inthieng (BSI)

⁴² Babulon chunga chun tuisuoriet chu a hung luong a, tuifâwn tamtakhai chun a hung inkhum ta a.

JEREMIA 51:42 ပူးပေါင်းရင်းမြစ်များ

INPÂKNA HLABU 18:16

Ama chun chungtienga inthawkin a hung ban a, a mi chel a; Tui tamtaka inthawk chu a mi kei suok ta a.

INPÂKNA HLABU 18:4

Thina hruihruolhai chun a mi zem a, Pathien ngaisak nawna tuilienhai chun a mi sukṭi bawk a.

INPÂKNA HLABU 42:7

I tui luong ri hum humhai hin tui inthûk le tui inthûk chu an inko a, I tuifâwn le i tui insawk po po chun a mi chîm tlum tah.

INPÂKNA HLABU 65:7

Tuisuoriet inri hum hum, a fâwn inri hum humhai le, Mi tin sa mur mur sukre hlaktu chu i nih.

INPÂKNA HLABU 93:3

Aw Lalpa, vadungpuihai chun an insuo a, Vadungpuihai chun an râwl an insuo a. Vadungpuihai chun an ri nasatak chu an insuo a.

ISAI 21:1

Tuipui thlalêr phurrik chu. Sim rama thlivirin hung mûthmât peiin, thlalêra inthawkin, ram ṭiumtaka inthawk chun, a hung ie.

JEREMIA 51:55

Lalpa chun Babulon chu a suksiet a, amaa inthawka râwl ropuitak chu a sukbohmang ta a; chun, an chângvêl chu tui tamtakhai angin an inri a, an râwl rihai chu insuoin a um a;

EZEKIEL 26:3

Lalpa Pathien chun hieng hin a tih: Ngai ta, aw Tura, nang ka dodâl che a nih; tuipuiin a fâwnhai chu a hung insuoktir angin, hnam tamtakhai chu nangma do ding chein ka siem ding a nih.

DANIEL 11:10

A naupasalhai chun sipai ropuitak tamtak el khâwm an ta, do an ta, chu chu hung an ta, a luongin hung luong liem an ta, fe thleng an tih; chun, hung kîr nâwk an ta, a kul ngei chu hung do an tih.

DANIEL 7:2

Daniel chun a hril a, “Zâna hin ka thil hmulâwkna chun, ngai ta, vân thli hai pali chu tuipui lien chunga an hrâng hi ka hmu a.

DANIEL 9:26

Chun, hapta sâwmruk pahni hnunga chun Messie chu sât thlâk nîng a ta, ama ta dingin ni lovin, chun, lal mihai hung dinghai chun khawpui le Hmun Inthiengtak chu suksieng an ta, a tâwpna chu tuilêt nîng a ta, a tâwpa chun indona nîng a tih; sukrêma umna ding chu ruot a ni ta si a.

LUKA 21:25

“Chun, nisaa dâm, thlaa dâm, arasia dâm inchikna um a tih; tuisuoriet inrûm le a fâwn leiin hnuoia khawm hin hnam tin rinumna le lunginzîngna tlung a tih;