JEREMIA 51:37 - Pathien Lekhabu Inthieng (BSI)

³⁷ Babulon chu hmun dêng pâwng el, sihalhai ta dinga chêngna hmun ding le, maktia um ding le, hluotu um lova inchek khum el ding nîng a tih.

JEREMIA 51:37 ပူးပေါင်းရင်းမြစ်များ

2 CHANCHIN SUINA 29:8

Chuleiin, Lalpa lunginsenna chu Jerusalem le Judahai chunga chun a um a, in mita in hmu ang hin, inhîpna ding le, makti ding le, inzak dingin a siem ta a.

ISAI 14:23

Saku ta dingin roah siem ka ta, tuihai ta dinga intling khâwmnaah siem bawk ka tih; sukbohmangna hmunphiin phît bawk ka tih, sipaihai Lalpain a tih.

JEREMIA 18:16

an ram chu makti dinga siem ding le, hahîpa siem dingin; mi tin chu fe khêl taphawt chun maktîng an ta, an lu thin an tih.

JEREMIA 19:8

Hi khawpui hi maktia le thuokdawngumah siem ka ta; mi tin a fe khêltuhai taphawt chun mak tîng an ta, an thuok dawng a tih, chu chu hmun po po a se ta lei chun.

JEREMIA 25:12

Chun, kum sâwmsari chu ân vawi pha chun, an suolna leiin, Babulon lal le, chu hnam le, Kaldaihai ram chu hrem ka ta; kumkhuoa rausanah siem ka tih, Lalpa chun a tih.

JEREMIA 25:18

Chuong chu hieng Jerusalem le Juda khawpuihai le a sûnga lalhai le rorêltuhai chu, vawisûn ni anga hi, anni chu râusan le maktia le, incheknaa le, ṭawngsephura siem dingin;

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 29:18

Chun, anni chu kâwlhnâm le ṭâm le hriin hnawt ka ta, anni ka tir hmangna tieng hnamhai po po laia chun thusekawk ding le, inchekna ding le, makti ding le, mi ṭawngdâwng dingin hnuoia lalram po po laia hnungtieng hmatienga nawrlênga um dingin pe suok ka tih;

JEREMIA 49:17

“Chun, Edom khawm chu maktia um ding el ni bawk a ta, mi a fe khêltu tinhai chun mak tîng an ta; a sietna po poa chun inchek an tih.

JEREMIA 49:33

Chun, Hazor chu sihalhai ta dinga chêngna hmuna le, kumkhaw râusan nîng a ta, chutaka chun tukhawm chêng naw ni hai a, mihriem nau tukhawm chutaka chun inzin khawm vân zin bawk naw ni” tiin.

JEREMIA 51:29

Ram chu ân thin a, a na a; Babu- lon chunga Lalpa thiltum, Babulon ram chu hluotu um lova râusana um dinga a tum chu a la um zing si a.

JEREMIA 9:11

Chun, Jerusalem chu hmun- hnawk intiengkhâwmna le, satenehai ta dinga chêngna hmunah siem ka tih; Juda khawpuihai khawm chu hluotu um lova râusanah siem bawk ka tih. Hi hi hrethiem thei dinga mi var tu am a um a?

MIKA 6:16

Omri thuruothai chu vawng zing a ni si a, Ahab sûngkuo thilthaw po pohai leh; an remruothaia chun in fe a nih; chuleiin, hmun râusanah ka siem ta ding che a nih, a sûnga chênghai hi nuizatbûr dingin; chun, ka mihai hmingsietna chu phur in tih.”

NAHUM 3:6

Hmunhnawk tirdakumtakin thêng ka ti che a, inzakumtakin siem ka ti che a, ennuom dingin sieng ka ti che.

ZEPHANIA 2:15

Hi hi khawpui hlim, fîmkhur lotaka khawsa a, a lungrila, “Kei ka nih, kei naw chu tu dang khawm an um nawh,” titu chu: iengtiziea râusana umin ran ruol riekna hmun a hung ni el am a ni ta leh aw! tukhawm a fe khêl taphawt chun inhlîp an ta, an kut thinkhum an tih.

THUPUONGSUO 18:2

Chun, ama chun rawl inringtakin, “Babulon khaw ropui chu a tlâwm tah, a tlâwm tah! khawhrihai umna le, thlarau inthiengnaw tinrêng kulbîng le, vate inthiengnaw le tirdakum tinrêng kulbîng a hung ni tah.