JEREMIA 51:33 - Pathien Lekhabu Inthieng (BSI)

³³ Sipaihai Lalpa Israel Pathien chun hieng hin a tih: “Babulon naunu chu hrizâwl bu chîl mêkna lai ang chu a nih; nakie sâwt nawtêah, ama ta dingin bu chil hun la hung tlung a tih,” tiin.

JEREMIA 51:33 ပူးပေါင်းရင်းမြစ်များ

ISAI 18:5

Grêp lo hun hmaa, a pâr a rêm a, a pâr chu grêp puoma a hung inchang pha chun, a kauhai tê chu theikûng ât bawngnain a ât bawng ding a ni si a; a kau inzâm darhai chu la hmangin ât bawng bawk a tih.

ISAI 21:10

Aw ka bu vuok sa, ka hrizâwla bu; sipaihai Lalpa Israelhai Pathiena inthawka ka hriet chu ka hril cheu a ni hi.

ISAI 47:1

Aw Babulon nau nunghâk, ṭum la, pilvutah ṭhung rawh; aw Kaldai naunu, lalṭhungpha boin hnuoiah ṭhung rawh; inno le ṭha an ti ta naw ding che a nih.

JEREMIA 51:32

fenahai chu khârin a um a, phairuonghai chu meiin an raw a, indo mihai khawm chu suklâuin an um ta a,” tiin.

HOSEA 6:11

Ka mihai sal intângnaa inthawka ka ṭhuoi kîr pha chun, Aw Juda, i ta ding khawma ra sîk ding ruot a nih.

JOEL 3:13

In kâwite kei dawk unla, bu sîk a hun ta si a: hung unla, hung sirsâwr ro; grêp sâwrna khur chu a sip a, bêlhai chu a sip liem a; an suolna a nasa si a.

AMOS 1:3

Lalpain hieng ang hin a tih, “Damaska khaw bawsietna pathum leiin, anih, pali leiin, a hremna sukbo naw ning: Gilead ram chu bu râwtna thîrhai chun an râwt leiin;

MIKA 4:12

Nisienlakhawm, Lalpa ngaituonahai chu an hriet naw a, a remruot chu an hriet thiem bawk nawh: hrizâwla buphal siekhâwm angin anni chu ân khâwm ta si a.

MIKA 4:13

Aw Zion naunu, tho la chîl rawh, i ki chu thîr angin siem ka ta, i kepha bâwrhai chu dâr angin ka siem ding a ni si a; chun, chi tamtakhai chu vaw nâwi i ta, an thil hlêp chu Lalpa ta dingin hlânthieng i tih, an sum chu leihnuoi pumpui Lalpa ta dingin hlânthieng i tih.

HABAKKUK 3:12

Lunginthakin ram chu i fethleng a, Lunginsenin hnamhai chu i chîl hrep a.

MATTHAI 13:30

Bu sîk chenin um hmun khat raw se; chun, bu sîk pha chun, bu âttuhai kuomah, bu tehlêm chu la khâwm hmasa phawt unla, raw dingin intêl ro, bu ruok chu ka inah sêk lût ro, la tîng ka tih,’ a ti a,” a ta.

MATTHAI 13:39

Hmêlma a thetu chu diebol a na; bu sîk chu khawvêl tâwpna ding a na; bu sîktuhai chu vântirkohai an nih.