JEREMIA 51:28 - Pathien Lekhabu Inthieng (BSI)

²⁸ Ama chunga chun, hnamhai, Media lalhai, an ram awptuhai, an lal aiawtuhai po po, a huop sûng ram po pohai chu buotsai ro.

JEREMIA 51:28 ပူးပေါင်းရင်းမြစ်များ

INṬANNA 10:2

Japheth naupasalhai chu: Gomer, Magog, Madai, Javan, Tubal, Mesek le Tiras an nih.

1 CHANCHIN SUINA 1:5

Japheth naupasalhai chu; Gomer, Magog, Madai, Javan, Tubal, Mesek le Tira an nih.

ESTHER 1:3

a rorêl a kum thumnaa chun a mi ṭhahai le a siehlawhai po po ta dingin ruoi a ṭhe a; Media le Persia ram thilthawtheihai, mi ṭhahai le lal nauhai, chu rambunga mihai chu a hmaa chun an um a;

ESTHER 10:2

Chuongchun, a thilthawtheizie le a hrâtna thilthawhai po po le, Mordekai ropuizie chanchin famkim, lalin ama ân kaisângtir nasatzie chu Media le Persia lalhai chanchin ziekna bua chun a chuong a ni naw am a nih?

ISAI 13:17

Ngai ta, Media mihai anni thaw dingin chawktho ka ta, chuonghai chun tangka ngaisak naw ni hai a, rângkachak khawm lâwm naw ni hai.

ISAI 21:2

Inlârna khirkhântak el ka kuomah inhriettir a ni tah; vervêktaka thawtu chun vervêktakin a thaw a, rawktu chun a rawk a. Aw Elam mihai, hang fe ro; aw Media mihai, inhuol ro; an inrûmna po po chu ka sukbo vawng tah.

JEREMIA 25:14

Hnam tam takhai le lal ropuihai chun anni chu anni ngei chu, suokah siem an ta; chuongchun, anni chu an kuthai sinthaw ang pei le, an thilthawhai ang peiin ka thung ding a nih,”tiin.

JEREMIA 25:25

Zimri lalhai po po, Elam lalhai po po, Media lalhai po po leh;

JEREMIA 50:41

Ngai ta u, hmâr tienga inthawkin hnam pakhat an hung a, hnam ropuitak el, lal tamtakhai le chun leihnuoi kilkhâwrtaka inthawk chen chun chawktho nîng an ta.

JEREMIA 51:11

Thalhai chu tâtngei unla, phawhai chu chel det ro; Lalpa chun Media lalhai lungril chu a hung chawktho ta si a; a remruot chu Babulon do le suksiet chu a na, Lalpa phuba lâkna, a biekin phuba lâkna chu a ni si a.

JEREMIA 51:27

Rama chun indo puonzâr chu khai unla, hnamhai laia chun tawtawrâwt mût unla, hnamhai chu ama do dingin buotsai ro; ama chunga chun Ararat dâm, Minni dâm, Askenaz lalramhai chu ko khâwm unla, a chunga chun sipai hotu lien inruot unla, sakawrhai chu khâu hawn angin inhungtir ro.

JEREMIA 51:29

Ram chu ân thin a, a na a; Babu- lon chunga Lalpa thiltum, Babulon ram chu hluotu um lova râusana um dinga a tum chu a la um zing si a.

DANIEL 6:1

Daria chun, ram sûng po poa chun biel awptu za sâwmhni sie ding ti le

DANIEL 6:8

Tuhin, aw lalpa, chu dân chu sukdet la, Media le Persia mihai dâna sukdanglam a ni nâwk nawna dingin i hming ziek rawh,” an ta.

DANIEL 8:20

Berâmchal ki pahni nei i hmu kha Media le Persia lalhai an na.

DANIEL 9:1

Kaldai mihai rama lala siema um, Media chi Ahasuera naupa Daria kum khat kum;