JEREMIA 51:16 - Pathien Lekhabu Inthieng (BSI)

¹⁶ a râwl a hung insuo pha chun, vânhaia tuihai ân ri hum hum a; leihnuoi tâwphaia inthawk chun tuihu dâm chu ân zâmkaitir bawk a, ruo ta dingin kâwlinlephai chu a siem a, a robâwmhaia inthawk chun thlihai chu a hung lâk suok a.

JEREMIA 51:16 ပူးပေါင်းရင်းမြစ်များ

INṬANNA 8:1

Chun, Pathienin Noa le lawnga a kuoma thilhring tinrêng le ran um po po chu a hriet zing a; chun Pathienin hnuoi chunga hin thli ân hrângtir a, chuongchun, tui chu a hung kang ṭan ta a,

JOB LEKHABU (THE BOOK OF JOB) 37:13

A hnuoi ta dingin amanih, sukdikna lem dingin amanih, Annawleh, zângaina leiin amani a hungtir hlak a.

JOB LEKHABU (THE BOOK OF JOB) 38:22

Vûr intling khâwmnahaia chun i lût ta hlak am? Annawleh, riel intling khâwmnahai chu i hmu ta hlak am?

JOB LEKHABU (THE BOOK OF JOB) 40:9

Annawleh, Pathien angin bân i nei am a nih? Ama ang chun râwlriin i sukrûm thei am a nih?

INPÂKNA HLABU 104:7

I kâwkna lei chun an tlânhmang a, I vâninrûm ri lei chun an fe hmang ta vak a.

INPÂKNA HLABU 135:7

Ama chun sûmhai chu kâwlkila inthawkhai chun ân lâwntir hlak a, Kâwlinlep dâm ruo dingin a siem hlak, A sum ina inthawkhai chun thli a lâk suok hlak.

INPÂKNA HLABU 147:18

A thu chu a tir suok a, chuong chu a suktui a, A thli ân hrângtir a; chuongchun, tuihai chu a hung luong hlak.

INPÂKNA HLABU 18:13

Lalpa chu vânahai khin ân ri ta dur dur bawk a, Achunghnungtak chun a râwl ân suo a, Rielso le ṭêk mei inhlap ri ân ri rum rum a

INPÂKNA HLABU 46:6

Hnam tin an inri hum hum a, ramhai chu ân hnîng a, Ama chun a râwl ân suoh a, leihnuoi hi ân tui zo ta a.

INPÂKNA HLABU 68:33

Vânhai vân, tiena umhai chunga chuong chu, Ngai ta, a râwl ân suo ie, râwl nasatak el chu.

INPÂKNA HLABU 78:26

Khaw sak thli chu vânah ân hrângtir a, A thilthawtheinain sim thli chu a ṭhuoi a.

FESUOKNA 10:13

Chuongchun, Mosie chun Aigupta ram chunga chun a hmawl chu ân let ta a; chun, Lalpa chun chu ni sûnnithlâk le zânkhawvârin ram chunga chun sak thli ân hrângtir a; chun, zîngtieng a hung ni chun, sak thli chun khâuhai chu a hung lên ta a.

FESUOKNA 10:19

Lalpa chun khâuhai po po chu lêna, Tuipui Sena khal lût vawngtu, thlang tieng thli hrâttak el chu ân hrângtir ta a, Aigupta ram po poa chun khâu pakhat khawm a um ta naw a.

FESUOKNA 14:21

Chun, Mosiein tuipui chunga chun a kut a phar a, chun Lalpain sak thli hrâttak zânkhawvâra hrângin tuipui chu ân luong kîrtir a, tuipui chu ram ṭâwlah a siem a, tuihai chu an inṭhe ta a.

EZEKIEL 10:5

Chun, cherubhai thla ri chu Pathien Iengkimthawtheiin thu a hril laia a râwl angin, tuollai puo lema inthawk khawm chun ân hriet a.

AMOS 9:7

Lalpa chun, “Aw Israel nauhai, ka chungah Ethiopia nauhai angin in um naw am a nih? Aigupta rama inthawka Israel le Kaphtor rama inthawk Philistin mihai le Kir rama inthawka Suria mihai ka ṭhuoi suok nâwm a nih?

JONA 1:4

Nisienlakhawm, Lalpa chun thli natak el tuipuia chun ân hrângtir a, tuipuia chun thlipui nasatak el chu a hrâng ta a; chuongchun, lawng chu kawi ding ang elin a um ta a.

JONA 4:8

Chun, nisa a hung suok chun Pathienin khawsak thli lum a ruot a; nisa chun Jona lu chu a em a, a thidang a, a ta ding chun thi a hni ta a; “Keia ta dingin dam nêkin thi a ṭha lem,” a ti ta a.