JEREMIA 51:14 - Pathien Lekhabu Inthieng (BSI)

¹⁴ Sipaihai Lalpa chun, ‘Matheiloâin, leiṭha ang elin, mihriemin hung suksip ngei ngei ka ti che a, chun, i chunga chun hung khêk khum an ti che,’ tiin ama le ama insâlin a lo inkhâm ta a.

JEREMIA 51:14 ပူးပေါင်းရင်းမြစ်များ

INPÂKNA HLABU 105:34

Ama chun thu a hril a; chuongchun, khâuhai an hung a, Tuktulunghai leh, tiem seng ruollo tawp el hin.

JEREMIA 44:26

Chuleiin, Aigupta rama Juda chêng po pohai, Lalpa thu chu lo ngai ta u: Ngai ta u, ‘Lalpa Pathien chu a hring zing angin,’ tiin, Aigupta ram po poa Juda mi tukhawm baua chun ka hming chu lam a ni ta nawna dingin, ka hming ropuitak chu sâlin ṭawng kân khâm a nih, Lalpa chun a tih.

JEREMIA 46:23

Zawng suok thei ni naw sien khawm, a rampui hnuoihai chu phûr thlûng an tih, Lalpa chun a tih; khâuhai nêkin an tam lem a, tiem thei an ni si naw a.

JEREMIA 49:13

Keima insâlin kân khâm ta si a, Lalpa chun a tih: Bozra chu makti ding el nîng a ta, thusekawk, suksieta um, ṭawngsephur nîng a tih; chun, chutaka khawpuihai po po chu kumkhuoa sie ni bawk an tih.

JEREMIA 50:15

A vêlin ama chu khêkkhum unla; ama chu a hung inpêklût ta a, a kulhai chu a chim a, a banghai chu sukchim an na. Lalpa phubalâkna a ni si a; ama chunga chun phuba la unla, amain a lo thaw ta ang khan a chunga khawm thaw ve ro.

JEREMIA 51:27

Rama chun indo puonzâr chu khai unla, hnamhai laia chun tawtawrâwt mût unla, hnamhai chu ama do dingin buotsai ro; ama chunga chun Ararat dâm, Minni dâm, Askenaz lalramhai chu ko khâwm unla, a chunga chun sipai hotu lien inruot unla, sakawrhai chu khâu hawn angin inhungtir ro.

JOEL 2:25

Nangni laia ka sipai ruol tamtak ka itir, tawktawngang dâm, khâuṭhikṭhi dâm, thingnge dâm, tuktulung dâmin an fâk zo kumhai kha thung nâwk ka ti cheu.

AMOS 6:8

Lalpa, sipaihai Pathien chun, Lalpa Pathien chun ama le ama insâlin ṭawng ân khâm a: “Jakob chapona chu ka tirdak a, a lal inhai ka theida a; chuleiin, khuo le a sûnga um po pohai chu kân mantir ding a nih,” tiin.

HEBRAIHAI 6:13

Pathienin Abraham kuoma thu a hung tiem lai khan, ama nêka ropui lem sâlin ân khâm thei naw leiin ama le ama insâlin,

RORELTUHAI 6:5

An ranruolhai le an puon inhai leh an hung inthawk a, khâu ang elin tamtakin an hung inthawk hlak si a; anni le an sanghâwngseihai chu tiem sêng khawm an ni nawh; an hunga ram chu an suksiet hlak a nih.