JEREMIA 51:12 - Pathien Lekhabu Inthieng (BSI)

¹² Babulon kul banghai epa chun puonzâr chu khai unla, râlvêng chu sukhrât unla, vêngtuhai sie unla, râlvêng chu buotsai bawk ro; Babulon hluotuhai chunga chun Lalpa chun a thurawt le a hril chu a thaw a ni ta hi.

JEREMIA 51:12 ပူးပေါင်းရင်းမြစ်များ

THUVARHAI 21:30

Lalpa kal zâwnga thurâwn amanih, Hrietthiemna amanih, varna amani khawm a um nawh.

ISAI 11:12

Chun, hnam tin ta dingin inchikna târ suok a ta, Israel hnawt suoka umhai chu ṭhuoi khâwm a ta, Juda indarhai kâwl kil lia inthawkin ṭhuoi khâwm a tih.

ISAI 13:2

Mi lienhai kawtkhârahai chun an lût theina dingin tlâng kawl ruoua chun inchikna târ suok unla, inringtakin anni chu ko unla, kutin hui ro.

JEREMIA 23:20

Thawa a um hmakhat chun Lalpa lunginsenna chu hung kîr nâwk naw ni, a lungrila a thiltum a thaw hmakhat chun: hi hnung tienga chun la hung hre chieng hlêng in tih.

JEREMIA 4:28

Hi hi lei hin leihnuoi chun sûn a ta, chun, chunga vânhai inthim a tih; ka hril ta leiin, ka tum tlat ta a; kân sîr bawk naw a; chutaka inthawk lamlêt bawk naw ning.”

JEREMIA 50:2

“Hnamhai laia chun hril la, puong rawh, chun, puonzâr chu khai la, puong la, thup naw rawh, ‘Babulon chu lâkin a um a, Bêl chu sukzak a na, Merodak chu a beidawng a, a milimhai po po chu sukzakin an um a, a milimhai chu an beidawng zo tah,’ ti rawh.

JEREMIA 50:25

Lalpa chun a râlthuom siekhâwmna chu a hawng a, a lunginsenna hriemhreihai chu a hung lâk suok a, Lalpa sipaihai Lalpa chun Kaldaihai rama chun thaw ding a nei si a.

JEREMIA 51:11

Thalhai chu tâtngei unla, phawhai chu chel det ro; Lalpa chun Media lalhai lungril chu a hung chawktho ta si a; a remruot chu Babulon do le suksiet chu a na, Lalpa phuba lâkna, a biekin phuba lâkna chu a ni si a.

JEREMIA 51:27

Rama chun indo puonzâr chu khai unla, hnamhai laia chun tawtawrâwt mût unla, hnamhai chu ama do dingin buotsai ro; ama chunga chun Ararat dâm, Minni dâm, Askenaz lalramhai chu ko khâwm unla, a chunga chun sipai hotu lien inruot unla, sakawrhai chu khâu hawn angin inhungtir ro.

JEREMIA 51:29

Ram chu ân thin a, a na a; Babu- lon chunga Lalpa thiltum, Babulon ram chu hluotu um lova râusana um dinga a tum chu a la um zing si a.

ṬAP HLA 2:17

Lalpa chun thaw a itum chu a thaw ta a; Tienlai nihaia thu a pêk thuhai chu a hung sukpuitling ta a; A pei thlâk ta a, a lunginsiet naw a; Hmêlmahai chu lâwmin a siem ta a; I hmêlmahai ki chu a chawimawi ta a ni hi.

JOEL 3:2

hnam po po kei khâwm ka ta, anni chu Jehosaphat kâwnah hung ṭhuoi thlâng ka ta, ka ram an sem dar a, hnamhai laia an sukdar, ka mihai le ka rochan Israelhai ta ding chun anni chu chutaka chun khing ka tih.

NAHUM 2:1

Sukkawinâwitu chu i hmaihmaa chun a hung suok ie, kulbîng chu enkawl la, lampui chu vêng rawh, i kâwng chu sukngar la, i thilthawtheina chu hrâttakin siem ṭha rawh.

JOSUA 8:14

Chun, Ai khuo lal chun chu chu a hmu phingleh, inhmâwtakin chu tûk chun, chu khuoa mihai, ama le a rawihai po po chu an tho a, a hmun ruot Araba zâwnah Israelhai chu thaw dingin an hung suok ta a; nisienlakhawm, khuo hnungtieng chun ama thaw dingin an inchânrûk ti a hriet naw a.