JEREMIA 51:10 - Pathien Lekhabu Inthieng (BSI)

¹⁰ Lalpa chun ei felnahai chu a hung lâk suok a; hung unla, Ziona chun va hril dar ei tiu, ei Pathien Lalpa sinthawhai hi.

JEREMIA 51:10 ပူးပေါင်းရင်းမြစ်များ

INPÂKNA HLABU 118:17

Thi naw ning a, dam ka ta, Lalpa thilthawhai chu inhriettir lem ka tih.

INPÂKNA HLABU 37:6

I felzie chu var angin insuoktir a ta, I thiemchangzie khawm chu sûnlai ang elin.

INPÂKNA HLABU 64:9

Chuongchun, mi po poin ṭîng an ta, Pathien sinthaw chu hril an tih; A thilthaw khawm chu vartakin ngaituong an tih.

INPÂKNA HLABU 66:16

Hung ta u, Pathien ṭituhai po po, ngai ta u, Chuongchun, ka hringna dinga a thilthaw chu inhriettir ka ti cheu.

INPÂKNA HLABU 9:14

Nangma inpâkna po po chu kân hriettir theina dingin; Zion naunu kawtkhârahai chun, I mi sandamnaa hin hlim ka tih.

ISAI 24:14

Chuonghai chun an râwl insuong an ta, khêk an tih; Lalpa ropuina leiin tuisuorieta inthawkin inringtakin an khêk ie.

ISAI 40:2

Jerusalem mihai kuomah thlamuongna tieng pangah thu hril unla, an indona chu a tâwp a, an suolna chu ngaidam an ni a, an thil suksuol po po aiah Lalpa kuta inthawkin a let hniin an hmu tah ti hril ro.

ISAI 51:11

Chun, Lalpa intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

JEREMIA 50:28

“Lalpa ei Pathien phubalâkna a biekin phubalâkna ngei chu Ziona hril ding a nih.

JEREMIA 50:45

Chuleiin, Babulon chungthua Lalpain thurâwn a nei chu lo ngai ta u, Kaldaihai ram chunga thiltum a nei tâk le chun. Matheilovin anni chu ran ruol têhai hnûkhmangin um ngei ngei an ta, an chêngna chu anni irâusanin siempêk a tih.