JEREMIA 50:9 - Pathien Lekhabu Inthieng (BSI)

⁹ Ngai ta u, hmârtieng rama inthawka hnam ropuitak inkhâwm chu Babulon hung rûn dingin hung chawktho ka ta, in hungtir ka tih; a chunga chun hung intlar an ta; chutaka inthawk chun lâkin um a ta, an thalhai chu mi hrât indo thiemtak a thlâwna kîr nâwk ngai naw ang a nih.

JEREMIA 50:9 ပူးပေါင်းရင်းမြစ်များ

2 SAMUEL 1:22

Thathai thisena inthawk le, mi thilthawthei thâua inthawk chun, Jonathan thal chu a lêt naw a; Saula kâwlhnâm chu a thlâwnin a lêt bawk nawh.

HLAHAI HLA 3:8

Kâwlhnâm an chawi seng a, indonaa thiemsa an nih; Mi tin chun an kâwlhnâm chu an êlpui chungah an pai seng a, Zâna ṭitna lei chun.

ISAI 21:2

Inlârna khirkhântak el ka kuomah inhriettir a ni tah; vervêktaka thawtu chun vervêktakin a thaw a, rawktu chun a rawk a. Aw Elam mihai, hang fe ro; aw Media mihai, inhuol ro; an inrûmna po po chu ka sukbo vawng tah.

ISAI 41:25

Hmârtienga inthawkin mi pakhat ka kei har a, ama chu a hung tlung tah; nisa suoknaa inthawka ka hming lamtu chu; ama chun lung chârna sawisak angin rorêltuhai sawisâng a ta, bêlhemtuin pilpawk a sir hnâk angin sir bawk a tih.

JEREMIA 15:14

Chun, i hmêlmahai le ram i hriet ngai nawa chun infetir ka ti che a, ka lunginsen chun mei chu sêm a na, i chungah chawk kumkhuong a tih.

JEREMIA 25:14

Hnam tam takhai le lal ropuihai chun anni chu anni ngei chu, suokah siem an ta; chuongchun, anni chu an kuthai sinthaw ang pei le, an thilthawhai ang peiin ka thung ding a nih,”tiin.

JEREMIA 25:26

hmâr tienga lalhai a hla le hnaia mihai, pakhat khatin, hnuoi phêk chunga um khawvêla lalram po po hai leh: chun, Sesak lal chun anni zoa chun dâwn vêng a tih.

JEREMIA 50:14

Babulon chu a vêlin nangni khawma intlar khum ro, thalngul kuoituhai, ama chu kâp unla, thal chu ren naw ro, Lalpa chungah thil a lo suksuol ta si a.

JEREMIA 50:21

“Merathaim ram chu, chu ngei chu, Pekod hluotuhai le chun hang rûn ro; anni chu that unla, sukbohmang vawng ro, Lalpa chun a tih: thu ka pêk ang tak cheu chun thaw unla.

JEREMIA 50:26

Kil tina inthawk chun ama chu hung rûn unla, a siekhâwmna inhai chu hawng unla, ama chu pil dêng pâwng angin dêng pâwng unla, sukse letdêr ro; a ieng iengkhawm hlain um naw raw se.

JEREMIA 50:29

“Thalkâptuhai, thalngul kuoi- hai po po chu Babulon chunga chun ko khâwm ro; a vêl el chun riekngha unla, chutaka inthawk chun tukhawm insuokthlengtir naw ro; a sinthaw ang pei chun ama chu thung unla, a lo thaw ta ang tak khan ama chungah thaw ve ro; Lalpa chungah, Israel Mi Inthieng chunga chun a lo chapo ta si a.

JEREMIA 50:3

Hmârtienga inthawk chun hnam pakhat a ram chu râusana siema tukhawm chêng lo dinga siem dingin a hung mêk a; an tlânse a, mihriem le ramsahai khawm chu, an fe hmang zo ta a.

JEREMIA 51:11

Thalhai chu tâtngei unla, phawhai chu chel det ro; Lalpa chun Media lalhai lungril chu a hung chawktho ta si a; a remruot chu Babulon do le suksiet chu a na, Lalpa phuba lâkna, a biekin phuba lâkna chu a ni si a.