JEREMIA 50:42 - Pathien Lekhabu Inthieng (BSI)

⁴² Anni chun thalngul le fei an chawi a; an rilo hle a, lunginsietna an nei nawh; an râwlhai chu tuisuoriet angin ân rûm a, sakawr chungahai chun an chuong a; Aw Babulon naunu, nangma chunga chun, indonaa mi angin, mi tin chu an intlar a nih.

JEREMIA 50:42 ပူးပေါင်းရင်းမြစ်များ

INPÂKNA HLABU 46:6

Hnam tin an inri hum hum a, ramhai chu ân hnîng a, Ama chun a râwl ân suoh a, leihnuoi hi ân tui zo ta a.

INPÂKNA HLABU 74:20

Thuthlung kha hung pawisa la, Hnuoi hmun inthim lai chu nunsietnain a sip si a.

ISAI 14:6

mi tin lunginsen puma vaw zawt zawt hlak a, hnam tin lunginsen puma tu ikhap khawm ngai lova suknawmnatnaa ro rêlpêkna hlak chu.

ISAI 47:1

Aw Babulon nau nunghâk, ṭum la, pilvutah ṭhung rawh; aw Kaldai naunu, lalṭhungpha boin hnuoiah ṭhung rawh; inno le ṭha an ti ta naw ding che a nih.

ISAI 47:6

Ka mihai chungah ka lunginsen a, ka rochan chu ka sukpawrche a, i kutah pêng ka ti che a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

ISAI 5:28

an thalhai chu inzumtak a na, an thalngulhai po po chu kuoi sain a um ṭhup a; an sakawr tinhai chu meitâwklung ang nîng an ta, an tawlailîr kehai chu thlivir ang ela ngai ni bawk an tih.

ISAI 5:30

Chu nia chun tuisuoriet inri dur dur angin an chungah inri dur dur an ta, chuongchun, miin ram chu an hei thlîr chun, ngai ta, inthim le lunginzingna ruok nîng a tih, var hlak chu chutaka sûmahai chun sukthimin a um a.

JEREMIA 30:14

Nangma hmangaituhai po po che hlaka an theinghil che a; an zawng ta naw che a: mi rilo hremna le hmêlma inhliemna chun kân hliem si che a, i suolnahai an pung pei lei chun i khawhlona chu a nasa hle si a.

JEREMIA 47:3

A mi hrâthai ketin tet rîka le, a sakawr tawlailîrhai tlân rîka le, tawlailîr kehai innâwt rîka chun pahai chu an ṭi a, an nauhai enkai theilo lêkin an kuthai a zawi thla a;

JEREMIA 50:14

Babulon chu a vêlin nangni khawma intlar khum ro, thalngul kuoituhai, ama chu kâp unla, thal chu ren naw ro, Lalpa chungah thil a lo suksuol ta si a.

JEREMIA 50:9

Ngai ta u, hmârtieng rama inthawka hnam ropuitak inkhâwm chu Babulon hung rûn dingin hung chawktho ka ta, in hungtir ka tih; a chunga chun hung intlar an ta; chutaka inthawk chun lâkin um a ta, an thalhai chu mi hrât indo thiemtak a thlâwna kîr nâwk ngai naw ang a nih.

JEREMIA 51:27

Rama chun indo puonzâr chu khai unla, hnamhai laia chun tawtawrâwt mût unla, hnamhai chu ama do dingin buotsai ro; ama chunga chun Ararat dâm, Minni dâm, Askenaz lalramhai chu ko khâwm unla, a chunga chun sipai hotu lien inruot unla, sakawrhai chu khâu hawn angin inhungtir ro.

JEREMIA 8:16

Dana inthawk chun a sakawrhai hnâr hnâwt ri chu ân hriet a; a mi hrât hung inhrosatna ria chun ram pumpui chu ân hnîng a. Anni chu an hung a, ram po po le a sûnga umhai chu an fâk zo si a; khawpui le a sûnga chênghai le khawm chun.

EZEKIEL 26:3

Lalpa Pathien chun hieng hin a tih: Ngai ta, aw Tura, nang ka dodâl che a nih; tuipuiin a fâwnhai chu a hung insuoktir angin, hnam tamtakhai chu nangma do ding chein ka siem ding a nih.

JOEL 2:5

Indona tawlailîr ri angin tlâng chunga chun an kat sup sup a, pâwl kâng chawk dur dur ang le indonaa mipui hrâttak inzosa angin.

JAKOB 2:13

Mi chunga lunginsietna nei naw chu, lunginsietna ṭhang lova rorêl pêkin um a tih, lunginsietna chu rorêlna chunga chun ân suong hlak a nih.

THUPUONGSUO 16:6

Anni chun mi inthienghai le zâwlneihai thisen an insuo a; chun, nangin dâwn dinga thisen ma i pêk thung hi dâwn tlâk an ni hrim deh,” a ti ka hriet a.