JEREMIA 50:39 - Pathien Lekhabu Inthieng (BSI)

³⁹ “Chuleiin, thlalêr ramsa hrânghai chu sihalhai leh chutaka chun chêng an ta; vangalsânghai khawm chêng an ta; kumkhuoin hluo hrim hrim ni ta naw ni; suona inthawka suon dang chena khawm hluo ni naw ni.

JEREMIA 50:39 ပူးပေါင်းရင်းမြစ်များ

ISAI 14:23

Saku ta dingin roah siem ka ta, tuihai ta dinga intling khâwmnaah siem bawk ka tih; sukbohmangna hmunphiin phît bawk ka tih, sipaihai Lalpain a tih.

JEREMIA 25:12

Chun, kum sâwmsari chu ân vawi pha chun, an suolna leiin, Babulon lal le, chu hnam le, Kaldaihai ram chu hrem ka ta; kumkhuoa rausanah siem ka tih, Lalpa chun a tih.

JEREMIA 50:3

Hmârtienga inthawk chun hnam pakhat a ram chu râusana siema tukhawm chêng lo dinga siem dingin a hung mêk a; an tlânse a, mihriem le ramsahai khawm chu, an fe hmang zo ta a.

JEREMIA 51:26

Chun, a kia lung dingin amanih, lungphûm dingin amanih nangmaa inthawk chun la naw ni hai a; amiruokchu, kumkhuoa râusan ni lem i tih, Lalpa chun a tih.

JEREMIA 51:43

A khawpuihai chu râusan, ram ṭâwl, thlalêr ram, ram mi chêng nawna hmun, mihriem nau tukhawm sir ngai lo ram a lo ni ta a.

THUPUONGSUO 18:2

Chun, ama chun rawl inringtakin, “Babulon khaw ropui chu a tlâwm tah, a tlâwm tah! khawhrihai umna le, thlarau inthiengnaw tinrêng kulbîng le, vate inthiengnaw le tirdakum tinrêng kulbîng a hung ni tah.