JEREMIA 50:38 - Pathien Lekhabu Inthieng (BSI)

³⁸ A tuihai chunga chun kangna a um a, kangchat an tih; milem kerfâwm ram a na, milimah an invêt ri ngawt el a ni si a.

JEREMIA 50:38 ပူးပေါင်းရင်းမြစ်များ

INṬANNA 8:1

Chun, Pathienin Noa le lawnga a kuoma thilhring tinrêng le ran um po po chu a hriet zing a; chun Pathienin hnuoi chunga hin thli ân hrângtir a, chuongchun, tui chu a hung kang ṭan ta a,

ISAI 44:25

Kei hi khêlhliphai inchiknahai chu teplova siem a, aisânthiemhai invêta siemtu, mi varhai innghat kîrtir a, an hrietna invêtthlâka siemtu,

ISAI 44:27

tui inthûktak kuoma, ‘Kang intan rawh, i vadunghai khawm ka sukkang ding a nih,’ titu,

JEREMIA 50:12

nangni neitu cheu chu buoi a ta, ngai ta u, hnam po poa hnuoihnung tak, thlalêr le, ram ṭâwl le fienriel hmun nîng a tih.

JEREMIA 50:2

“Hnamhai laia chun hril la, puong rawh, chun, puonzâr chu khai la, puong la, thup naw rawh, ‘Babulon chu lâkin a um a, Bêl chu sukzak a na, Merodak chu a beidawng a, a milimhai po po chu sukzakin an um a, a milimhai chu an beidawng zo tah,’ ti rawh.

JEREMIA 51:44

Babulona Bêl chu hrem ka tih; a ilem tahai khawm chu a baua inthawkin hung la suokpêk ka tih; chuongchun, hnamhai chu ama kuoma chun luong hmunkhat ta ngai naw ni hai a, anih, Babulon kulbang chu chim a tih.

JEREMIA 51:47

Chuleiin, ngai ta u, nihai chu a hung tlung mêk, Babulona milem kera siemhai chunga chun rorêl ka ta, a ram pumpui chu inzak a tih; a ithathai po po khawm chu a sûnga chun tlûng an tih.

JEREMIA 51:52

Chuleiin, ngai ta u, nihai chu a hung tlung mêk, a milim kera siemhai chunga chun rorêlna nei ka ta, a ram sûng po poa chun hliemhai chu inrûm an tih, Lalpain a tih.

JEREMIA 51:7

Babulon chu Lalpa kuta chun rângkachak no hnuoi po po sukruitu chu a lo ni tah; hnamhai chun a uoin chu an dâwn ta a; chuleiin, hnamhai chu an invêt a nih.

DANIEL 5:4

Uoin chu an hang dâwn a, rângkachak dâm, tangka dâm, dârsen dâm, thîr dâm, thing dâm, lung dâm pathienhai chu an inpâk ta a.

THILTHAWHAI 17:16

Chun, Paulain Atheniah anni chu a lo nghâk laiin, khuo chu Pathien lima sipin a hmu a, a lungril a lunginzîng ta hle a.

THUPUONGSUO 16:12

Chun, a parukna chun a berbu chu tuipui Euphratesa chun a bunthlâk a; chuongchun, nisa suokna tieng panga lal hung dinghai ta dinga lampui chu inzosa a hung ni theina dingin, a tui chu a kang intan ta a.

THUPUONGSUO 17:5

A bâwka chun thurûk, “BABULON KHAW ROPUI, HNUOIA NAWCHIZAWRHAI LE THIL TIRDAKUMHAI NU,” tia hming ziek a um a.

RORELTUHAI 6:30

Chun, khawpuia mihai chun Joas kuoma chun, “I naupa chu hung ṭhuoi suok rawh, a thi ngei ding a nih; Baal maichâm a sukchim lei le a bula Asera a phûr leiin,” an ti a.