JEREMIA 50:37 - Pathien Lekhabu Inthieng (BSI)

³⁷ Kâwlhnâm chu an sakawrhai chunga dâm, an sakawr tawlailîrhai chunga dâm, ama sûnga mi chilakhai po po chunga dâm chun a um a, chuongchun, anni chu nuhmei ang el nîng an ta, kâwlhnâm chu a ro inhai chunga chun a um a, inrûkin um a tih.

JEREMIA 50:37 ပူးပေါင်းရင်းမြစ်များ

INPÂKNA HLABU 46:9

Ama chun indonahai chu kâwlkawdawng chenin a sukbo hlak a, Thalngul chu a sukthliek a, fei chu a sât bawng hlak a. Tawlailîrhai chu meiah a raw hmang hlak.

INPÂKNA HLABU 76:6

Aw Jakob Pathien, i kâwkna leiin, Tawlailîr le sakawr khawm ininnghiltir dêrin an um vê ve a;

ISAI 19:16

Chu nia chun Aigupta mihai chu nuhmei ruol ang nîng an ta, sipaihai Lalpa kut thin chu an chunga a thin leiin inthinin ṭîng an tih.

ISAI 45:3

chun, Lalpa, i hminga kotu che, Israelhai Pathien ngei chu ka nih ti i hriet theina dingin inthim laia rohai chu pêng ka ti che a, hmun fienrielhaia sum thuphmanghai khawm chu pêng ka ti che.

JEREMIA 25:20

mi chilakhai po po, Uz rama lalhai po po, Philistin mihai rama lal po pohai, (Askelon, Gaza, Ekron le Asdoda la mahlahai leh);

JEREMIA 25:24

Arabia lalhai po po le thlalêra chêng mi chilakhai lalhai po po leh;

JEREMIA 48:41

Kerioth chu lâkin a um a, kul dethai chu maktiin an um a; chu ni chun Moab mi thilthawthei lungril chu nuhmei na tuor lai lungril ang nîng a tih.

JEREMIA 50:10

Chuongchun, Kaldai chu râllâk sum hung nîng a ta, ama suksetuhai taphawt chu lungawi êm êm an tih, Lalpa chun a tih.

JEREMIA 50:26

Kil tina inthawk chun ama chu hung rûn unla, a siekhâwmna inhai chu hawng unla, ama chu pil dêng pâwng angin dêng pâwng unla, sukse letdêr ro; a ieng iengkhawm hlain um naw raw se.

JEREMIA 51:21

nangma chu hmangin sakawr le a chunga chuong khawm chu suknawi vawng ka tih;

JEREMIA 51:22

chun, nangma chu hmangin sakawr tawlailîr le a chunga chuong khawm suknawi vawng ka ta, nangma hmangin nuhmei khawm pasal khawm suknawi bawk ka tih; nangma hmangin upa le naupang khawm suknawi vawng ka ta; nangma hmangin tlangvâl le nunghâk khawm suknawi vawng ka tih;

JEREMIA 51:30

Babulon mi thilthawtheihai chun indo chu an ṭhul a, an kulahai chun an um zing a; an thilthawtheina khawm a thlâwn a, nuhmeihai ang el an ni ta a; a chêngna hmunhai chu meia rawin a um a, ân huonna thîrhai khawm chu sukthliekin a um ta a.

JEREMIA 51:4

Kaldai rama chun thata umin tlûng an ta, an kawtthlêrhaia chun sunthlengin um an tih.

EZEKIEL 30:5

Ethiopia, Put le Lud mi chi inpawlhai chu, Kus mihai leh, ram ṭhangruolhai mihai chu anni le chun kâwlhnâmin tlûng an tih.

EZEKIEL 39:20

Chun, ka dâwkâna chun sakawrhai, sakawr tawlailîrhai, mi thilthawtheitakhai le indo mihai po po chun sukkhawpin um in tih, Lalpa Pathien chun a tih.

NAHUM 2:13

Sipaihai Lalpa chun, “Ngai ta, ka do che a nih, i tawlailîrhai chu raw khu hlut hlut ka ta, i sakeibaknei têhai chu kâwlhnâmin bohmang an tih; chun, hnuoia i sase hi suktâwp ka ta, i palaihai râwl chu hriet ni ta naw ni,” a ta.

NAHUM 3:13

Ngai ta, i sûnga i mipuihai chu nuhmei an na, i hmêlmahai ta dingin i ram kawtkhâr chu ân hawng huoi a, în kalna thîr tluonhai chu meiin a kâng hmang a nih.

HAGGAI 2:22

ramhai lalṭhungpha khawm chu pei thlâng ka tih; chun, hnamhai lalram hrâtna chu sukse bawk ka tih; chun, tawlailîrhai chu pei thlâng ka ta, a chunga chuongtuhai le chun; sakawrhai le a chunga chuong, mi tin chu mâni unau kâwlhnâm ngeia suktlâwm ni tâng a tih,’ tiin.