JEREMIA 50:36 - Pathien Lekhabu Inthieng (BSI)

³⁶ Chapohai chunga chun kâwl- hnâm chu a um a, invêtpui an ta, kâwlhnâm chu a mi thilthawtheihai chungah a um a, beidawng an tih.

JEREMIA 50:36 ပူးပေါင်းရင်းမြစ်များ

2 SAMUEL 15:31

Chun, tuin amanih David chu, “Ahithophel chu Absalom tienga ṭhangin thu phiertuhai lai a ṭhang ve,” tiin a hril a. Chun, David chun, “Aw Lalpa, Ahithophel remruot chu invêtnaa inchangtir dingin ka ngên che,” a ta.

2 SAMUEL 17:14

Chuongchun, Absalom le Israel mi po pohai chun, “Ark mi Husai remruot chu Ahithophel remruot nêk chun a ṭha lem,” an ti ta a. Lalpa chun Absalom chunga chun thil ṭha naw ân tlungtir theina dingin Lalpa chun Ahithophel remruot ṭhatak chu letthla dingin a lo ruot ta hrim a nih.

2 CHANCHIN SUINA 25:16

Chun, ama le an inbiek zing lai chun lal chun a kuomah, “Lal thurawnpuituah kan siem che am a nih? Fîmkhur rawh; iengdingin am thatin um i ta?” a ta. Chuongchun, zâwlnei chun, “Ka thurâwn chu i pawisa naw a, hi thil hi i thaw leiin, Pathien chun suksiet a tum che a nih ti ka hriet a nih,” a ta, a to ta a.

ISAI 43:14

Lalpa, nangni intlantu, Israelhai Mi Inthieng chun hieng ang hin a tih, “Nangni leiin Babulon khuoa chun sipaihai ka tir a; chuongchun, an rêng chun, Kaldaihai chu, an lâwmna lawngpuiahai chun mi tlân hmang ṭhuoiin ṭhuoi thlâng ka tih.

ISAI 44:25

Kei hi khêlhliphai inchiknahai chu teplova siem a, aisânthiemhai invêta siemtu, mi varhai innghat kîrtir a, an hrietna invêtthlâka siemtu,

JEREMIA 48:30

A lunginsenna chu ka hriet a, Lalpa chun a tih; iengkhawm a ni naw a; a chapona chun iengkhawm a thawdawk nawh.

JEREMIA 49:22

Ngai ta u, hung suok a ta, mupui angin vuong a tih, chun, a thlahai chu Bozra chunga chun phar a ta; chun, chu nia chun Edoma mi thilthawtheihai lungril chu nuhmei na tuor lai lungril ang nîng a tih” tiin.

JEREMIA 50:30

Chuleiin, a tlangvâlhai chu a kawtthlêrahai chun tlûng an ta; chu ni chun a mi indo mihai po po khawm chu sukto ṭawk ṭawk nîng an tih, Lalpa chun a tih.

JEREMIA 51:23

nangma hmangin berâmpuhai le a ran ruol suknawi vawng ka ta, nangma hmangin lo neitu le a bâwngchal tuokhai khawm suknawi vawng ka tih; chun, nangma hmangin ram awptuhai lal aiawtuhai chu suknawi vawng ka tih.

JEREMIA 51:30

Babulon mi thilthawtheihai chun indo chu an ṭhul a, an kulahai chun an um zing a; an thilthawtheina khawm a thlâwn a, nuhmeihai ang el an ni ta a; a chêngna hmunhai chu meia rawin a um a, ân huonna thîrhai khawm chu sukthliekin a um ta a.

JEREMIA 51:32

fenahai chu khârin a um a, phairuonghai chu meiin an raw a, indo mihai khawm chu suklâuin an um ta a,” tiin.

NAHUM 2:8

Tienlaia inthawk tah Ninevi khuo hi dîl ang a na; amiruokchu, an tlân hmang a, “Ngîr ro, ngir ro,” tiin an ko a, nisienlakhawm, tukhawm an ngha kîr nawh.

NAHUM 3:13

Ngai ta, i sûnga i mipuihai chu nuhmei an na, i hmêlmahai ta dingin i ram kawtkhâr chu ân hawng huoi a, în kalna thîr tluonhai chu meiin a kâng hmang a nih.

NAHUM 3:7

Chun, hieng ang hi hung nîng a ta, a hmu taphawt che chu i kuoma inthawkin tlân hmang an tih. Ninevi khuo chu a hung tâwp tah a nih; tuin am sûn a ta? Khâwlaia inthawkin am i ta dingin lungmuongna ei zawng ding chu aw! tîng an tih.

1 TIMOTHE 4:2

Chuong mi khêlhliphai chu anni sie le ṭha hrietna ngeia thîr linga bel ang an na,

1 TIMOTHE 6:4

ama chu a chapo a, iengkhawm a hriet naw a, hriet nêk hmanin insêl le thu kal kawnga chun ân vêt ta lem a nih. Chuonga inthawk chun, inhnarna dâm, insuolna dâm, hrilsietna dâm, a ṭha naw tieng ringna dâm a hung suok a,

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sa a. An pahni chun kâta kâng mei dîla chun a hringin an pei a.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.