JEREMIA 50:29 - Pathien Lekhabu Inthieng (BSI)

²⁹ “Thalkâptuhai, thalngul kuoi- hai po po chu Babulon chunga chun ko khâwm ro; a vêl el chun riekngha unla, chutaka inthawk chun tukhawm insuokthlengtir naw ro; a sinthaw ang pei chun ama chu thung unla, a lo thaw ta ang tak khan ama chungah thaw ve ro; Lalpa chungah, Israel Mi Inthieng chunga chun a lo chapo ta si a.

JEREMIA 50:29 ပူးပေါင်းရင်းမြစ်များ

FESUOKNA 10:3

Chun, Mosie le Aron chu Pharao kuomah an va lût a, a kuomah, “Hebraihai Pathien Lalpa chun hieng hin a tih: ‘Ka hmaa insiehnuoi ieng chen am i nuom naw ding a ni a? Ka rawng an bâwl theina dingin ka mihai chu infetir rawh.

ISAI 37:23

Tu am i sukhmingsietin, i hrilsiet a? Tu chung âm i râwl i sukpuom a, i mit i suksâng? Israel Mi Inthieng chung ngeiah.

ISAI 47:10

I rîtlona chu i ring a, “Tukhawma an mi hmu nawh,” i ti vei si a, i varna le i hrietna chun a sukkhawhlo che a, “Keima ka nih, keima naw chu mi dang hrim an um nawh,” i lungrilin i ti bawk a.

JEREMIA 25:14

Hnam tam takhai le lal ropuihai chun anni chu anni ngei chu, suokah siem an ta; chuongchun, anni chu an kuthai sinthaw ang pei le, an thilthawhai ang peiin ka thung ding a nih,”tiin.

JEREMIA 48:26

“Ama chu vairui ta u, Lalpa chu dodâlin ama le ama ân chawimawi si a; Moab chu ama luoka ngei chun inbuol a ta, ama chu mi hrilsîm hung ni bawk a tih.

JEREMIA 49:16

I ṭiumna chungthua chun, i lungril chapona chun a hlêm che a nih; Aw nang lungpui kak kârhaia chêngtu, muol insângnahai cheltu: i bu chu mupui bu anga insânga chun sep la khawm, chutaka inthawk chun ka hung sukhnuoi ding che a nih, Lalpa chun a tih.

JEREMIA 50:24

I ta dingin châng ka kam a, i âwk a ni tah, aw Babulon, i lo inring naw a, Lalpa chu i kal leiin hmu suokin i um a, manin i um an tah.

JEREMIA 50:26

Kil tina inthawk chun ama chu hung rûn unla, a siekhâwmna inhai chu hawng unla, ama chu pil dêng pâwng angin dêng pâwng unla, sukse letdêr ro; a ieng iengkhawm hlain um naw raw se.

JEREMIA 50:32

Chun, mi chapo chu insui a ta, tlûng a tih, tukhawma ama chu keitho naw ni hai; a khawpuiahai chun mei sêm ka ta, ama vêla umhai po po chu kâng hmang vawng a tih.

JEREMIA 50:9

Ngai ta u, hmârtieng rama inthawka hnam ropuitak inkhâwm chu Babulon hung rûn dingin hung chawktho ka ta, in hungtir ka tih; a chunga chun hung intlar an ta; chutaka inthawk chun lâkin um a ta, an thalhai chu mi hrât indo thiemtak a thlâwna kîr nâwk ngai naw ang a nih.

JEREMIA 51:24

Chun, Babulon kuoma le, Kaldai hluotuhai po po chunga chun i mithmua Ziona thil ṭha naw an lo thaw tahai po po kha thung ka tih, Lalpa chun a tih.

JEREMIA 51:3

Thalkâptu chun a thalngul chu kuoi naw raw se, ama chu a îndona thuom chun inthuom bawk naw raw se, a tlangvâlhai chu hla naw unla, a sipaihai po po chu sukse fai rêt ro.

JEREMIA 51:49

Babulon chun Israelin a thathai a lo intlûktir ta ang khan, ram po po thathai chu chuong ang bawk chun Babulona chun tlûng an tih.

JEREMIA 51:56

ama chunga chun suksetu chu a hung ta si a, Babulon chung ngeia chun; a mi thilthawtheihai chu manin an um a, an thalngulhai khawm chu a tliek innawi vawng a; Lalpa chu phuba latu Pathien a ni si a, ama chun thung ngei ngei a tih.

ṬAP HLA 1:9

A tirdakumna chu a puonah a kai a, a tâwpna ding hrim a ngaituo nawh, Chuleiin, maktakelin a tlâwm a, thlamuongtu hrim a hmu nawh; En ta, aw Lalpa, ka rimsikzie hi, ka hmêlma chu ama le ama ân chawimawi si a!

ṬAP HLA 3:64

Aw Lalpa, an kuthaia an sinthaw ang peiin nangin thungna pe la.

DANIEL 11:36

“Chun, lal chun a nuom ang angin thâwng a ta, ama le ama chu inchawimawi a ta, pathien po po chunga chun ama chu inchawisâng a tih; chun, pathienhai Pathien chu kalin thil râpthlâktak takhai chu hril a tih, thaw dinga tum ta po chu thaw a ni ding a na, lunginsenna chu hrîkthlâk a ni hmakhat chu hlawtling pei a tih.

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sinthawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn ta a; chun, tangka le rângkachak dâm, dârsen le thîr dâm, thing le lung dâma a siem pathienhai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po neitu chu i chawimawi naw a,

OBADIA 1:15

Hnam po po chungah Lalpa ni chu a hnai si a; i lo thaw ta ang bawkin i chungah thaw nîng a ta, i thaw dân chu i lu chung ngeiah hung lêt a tih.

2 THESSALONIKA 1:6

Chuongchun, hi hi Pathien ta dingin thil feltak a nih: a sukrinumtuhai cheu chu rinumnaa thung le;

2 THESSALONIKA 2:4

Ama chu, Pathiena an inbûk taphawt le sakhuo po po doin an chunga um tumin inchawimawi a tih; chuongchun, Pathien biekina ṭhungin Pathien ang rauin intâr suong a tih.

THUPUONGSUO 16:6

Anni chun mi inthienghai le zâwlneihai thisen an insuo a; chun, nangin dâwn dinga thisen ma i pêk thung hi dâwn tlâk an ni hrim deh,” a ti ka hriet a.

THUPUONGSUO 18:6

Amain a pêk ang ngei khan pe thung unla, a thilthawzie ang pei chu a lêt hniin thung unla, a chawkpawlna noa chun a ta dingin a lêt hniin chawkpawlpêk ro.