JEREMIA 50:26 - Pathien Lekhabu Inthieng (BSI)

²⁶ Kil tina inthawk chun ama chu hung rûn unla, a siekhâwmna inhai chu hawng unla, ama chu pil dêng pâwng angin dêng pâwng unla, sukse letdêr ro; a ieng iengkhawm hlain um naw raw se.

JEREMIA 50:26 ပူးပေါင်းရင်းမြစ်များ

ISAI 10:6

Râllâk la ding le, thil lâkpêk la ding le kawtthlêr chirhak anga sir dingin ama chu Pathien inza naw hnam do dingin tir ka ta, ka lunginsenna mihai chu thaw dingin thu pêng ka tih.

ISAI 14:23

Saku ta dingin roah siem ka ta, tuihai ta dinga intling khâwmnaah siem bawk ka tih; sukbohmangna hmunphiin phît bawk ka tih, sipaihai Lalpain a tih.

ISAI 25:10

Hi tlânga hin Lalpa kut chu innghat a ta. Moab chu, bupâwl chu êkthlia sirdea a um hlak ang hin, ama hmunah sirdein a um ding a ni si a.

ISAI 45:3

chun, Lalpa, i hminga kotu che, Israelhai Pathien ngei chu ka nih ti i hriet theina dingin inthim laia rohai chu pêng ka ti che a, hmun fienrielhaia sum thuphmanghai khawm chu pêng ka ti che.

ISAI 5:26

Hnam tin hlataka mihai ta dingin inchikna târ suok a ta, kâwlkawdawnga inthawka ko dingin faifûk a tih; chuongchun, ngai ta, anni chu inhmâwtakin hung vak an tih.

JEREMIA 50:10

Chuongchun, Kaldai chu râllâk sum hung nîng a ta, ama suksetuhai taphawt chu lungawi êm êm an tih, Lalpa chun a tih.

JEREMIA 50:13

Lalpa lunginsenna lei chun hluoin um naw ni a, a pumpuia râusan nîng a ta, mi tin Babulon fekhêltuhai phawt chun mak tîng an ta, a sietna po poa chun inchek an tih.

JEREMIA 50:15

A vêlin ama chu khêkkhum unla; ama chu a hung inpêklût ta a, a kulhai chu a chim a, a banghai chu sukchim an na. Lalpa phubalâkna a ni si a; ama chunga chun phuba la unla, amain a lo thaw ta ang khan a chunga khawm thaw ve ro.

JEREMIA 50:23

Hnuoi chung po po tubau iengtiziea tlieka innawi el am a ni aw! Iengtiziea Babulon chu hnamhai laia chun râusana um el am a ni aw!

JEREMIA 50:41

Ngai ta u, hmâr tienga inthawkin hnam pakhat an hung a, hnam ropuitak el, lal tamtakhai le chun leihnuoi kilkhâwrtaka inthawk chen chun chawktho nîng an ta.

JEREMIA 51:44

Babulona Bêl chu hrem ka tih; a ilem tahai khawm chu a baua inthawkin hung la suokpêk ka tih; chuongchun, hnamhai chu ama kuoma chun luong hmunkhat ta ngai naw ni hai a, anih, Babulon kulbang chu chim a tih.

JEREMIA 51:64

chun, ‘Hieng ang bawk hin Babulon chu tlumhmang a ta, a chunga thil ṭhanaw ka hung intlungtir dinghai lei chun tho nâwk ta ngai naw ni a, rimsi hle tâng an tih,’ ti rawh,” a ta. Jeremia thuhai chu chu chen chu a nih.

MIKA 7:10

Chuongchun, ka hmêlma ka kuoma, “Khâwlai am Lalpa i Pathien?” titu chun hmûng a ta, muolphonain ama chu inkhum a tih. Ka mithai hin ama chu en a ta; tuhin chu kawthlêr chirhak anga sirde ni tâng a tih.

MATTHAI 6:26

“Chunglêng vatehai hi en ta u; bu an tu naw a, an sîk bawk naw a; bu ina khawm an sêklût bawk nawh, nisienlakhawm, in Pa vâna mi chun a châwm si a. Nangni chu anni nêkin nasatakin in hlu lem a ni naw am a nih?

THUPUONGSUO 14:19

Chuongchun, vântirko chun a kâwite chu hnuoiah a thlâk a, hnuoia grêp ra chu a ât a, grêp sâwrna khur lientak, Pathien lunginsenna grêp sâwrna khura chun a the lût a.

THUPUONGSUO 19:15

Chun, a baua inthawkin kâwlhnâm ngeitak a suok a, chu chu hnam tin a sâtna ding a nih; chun, thîr hmawlin an ro rêl a ta; Pathien Iengkimthawthei lunginsen nasatna grêp sâwrna khura chun sir sâwr a tih.