JEREMIA 50:18 - Pathien Lekhabu Inthieng (BSI)

¹⁸ Chuleiin, sipaihai Lalpa Israel Pathien chun hieng hin a tih: Ngai ta u, Assuria lal ka hrem ang bawk khan Babulon lal le a ram chu ka hrem ding a nih.

JEREMIA 50:18 ပူးပေါင်းရင်းမြစ်များ

ISAI 10:12

Chu lei chun Lalpa chun, Zion tlâng le Jerusalem chunga sinthaw ding po po a thaw zo pha chun, Assuria lal a lungril chapo ra le a mit chapo ropuina chu la hrem ka tih.

JEREMIA 27:7

Chuongchun, ama ram ngei a ni hun a tlung hmakhat chun, hnamhai chun ama le a naupasal le, a naupasal naupa rawng chu bâwl an tih; chuongchun, hnam tamtakhai le lal ropuitakhai chun ama chu suokin man an tih.

JEREMIA 46:10

Chu ni chu Lalpa, sipaihai Lalpa ni, a hmêlmahai chunga phuba a lâk theina dinga, phuba lâkna ni a ni si a; kâwlhnâm chun fazo a ta, tlai a tih; chun, an thisen chu a khawp tâwkin dawn bawk a tih; Lalpa sipaihai Lalpa chun hmârtieng ramah Euphrates vadungpui panga chun inthâwina chu a nei si a.

NAHUM 3:18

Aw Assuria lal, i berâm vêngtuhai chu an inlusu ie, i mi lienhai chu an châwl a, i mipuihai chu tlânghaia chun an indar zo a, ṭhuoi khâwmtu tukhawm an um nawh.

NAHUM 3:7

Chun, hieng ang hi hung nîng a ta, a hmu taphawt che chu i kuoma inthawkin tlân hmang an tih. Ninevi khuo chu a hung tâwp tah a nih; tuin am sûn a ta? Khâwlaia inthawkin am i ta dingin lungmuongna ei zawng ding chu aw! tîng an tih.

HABAKKUK 2:8

Hnam tamtak i suksiet ta leiin, mihriem thisen le Ram le khawpui le a sûnga chênghai chunga Mihriem thisen le inpâwngnêkna thil lo thaw ta po po lei khan, Nang khawm chi a la um sunhai po po chun sukse vêng an ti che.

DÂN PAHNINA 32:41

Ka kâwlhnâm tle ka tâtngei a, Ka kutin rorêlna ka kawl chun, Ka hmêlmahai chungah phuba lâng ka ta; A mi theidatuhai chu thung ka tih.