JEREMIA 50:17 - Pathien Lekhabu Inthieng (BSI)

¹⁷ “Israel chu berâm indar a nih: sakeibakneihai chun ama chu an lo hnawt hmang ta a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek ta a.

JEREMIA 50:17 ပူးပေါင်းရင်းမြစ်များ

2 LALHAI 15:19

Assuria lal Pula chun an ram chu a hung thaw a; ram chu a nei nghetpui theina dingin Menahem chun Pula chu tangka talent sâng a pêk a.

2 LALHAI 15:29

Israel lal Peka inlal laiin Assuria lal Tiglath-pileser chun Ijon khuo dâm, Abel-beth-maaka khuo dâm, Janoa khuo dâm, Kedes khuo dâm, Hazor khuo dâm, Gilead le Galili ram dâm, Naphtali ram po po chu a lâk a; chun, Assuria rama chun salah a ṭhuoi a.

2 LALHAI 24:1

Ân lal lai chun Babulon lal Nebukadnezzar a hung lien a, Jehoiakim chu a siehlawah kum thum a um a; chu hnunga chun a nghatsan a, a chungah a hel ta a.

2 LALHAI 24:10

Chuong lai chun Babulon lal Nebukadnezzar mihai chu Jerusalema chun an hang fe a, khuo chu an hang inhuol ta a.

2 LALHAI 25:1

Chun, ân lal kum kuo kum, thla sâwmna, ni sâwm ni takin Babulon lal Nebukadnezzar chun a sipaihai po po leh Jerusalem khuo chu an hang do a, umhmun an hang khuor a; chun, kulin an inhuol vêl ta a.

2 CHANCHIN SUINA 28:20

Assuria lal Tiglath-pileser chu a kuomah a hung a, ama chu sukdet nêkin a sukrimsi hle a.

2 CHANCHIN SUINA 33:11

Chuleiin, Lalpain Assuria lal sipai hotuhai chu a hung ṭhuoi a, Manasse chu khaidietin an khit a, thîr kawl an inbuntir a, Babulonah an fepui ta a.

ISAI 15:9

Dimon tuihai chu thisenin ân pawl zo vawng si a; Dimon chunga chun thil nasa nâwk zuol kân tlungtir ding a ni si a, Moabhai laia tlânsuokhai chunga le, chu rama la um sunhai chunga chun sakeibaknei intlungtir ka tih.

ISAI 47:6

Ka mihai chungah ka lunginsen a, ka rochan chu ka sukpawrche a, i kutah pêng ka ti che a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

JEREMIA 10:25

Khawhri be mi, nang hre lohai chunga le, hnam nangma hming lam ngailohai chunga chun i ṭiumna chu bunthla la, Jakob chu an fâk zo si a; anih, ama chu an fâk zo a, an kânghmang dêr a, a umna khawm chu an suksiet a.

JEREMIA 2:15

Sakeibaknei tuoihai chun an inrûm khum a, an inhûk a: a ram chu an suksiet a; a khawpuihai khawm a hluotuhai um lovin a kâng zo ta a.

JEREMIA 21:7

Chu hnunga chun, Lalpa chun a tih: Juda lal Zedekia le, a siehlawhai le, mipuihai, hi khawpuia hripuia inthawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwlhnâm ngeiin that a ta; anni chu hla naw ni a, lunginsiet bawk naw ni a, zângaina nei bawk naw ni.

JEREMIA 4:7

Sakeibaknei chu a chîmbuka inthawk chun a hung suok ta a, hnamhai sukbohmangtu ding chu; a lampuia chun a thang mêk a, a hmuna inthawk chun a suok ta a, i ram chu râusana siem ding le, i khawpuihai khawm hluotuhai um lova sukse dingin.

JEREMIA 49:19

Ngai ta u, ama chu tlatna hmun pângngaia chun Jordan vadung fâwna inthawk chun sakeibaknei ang elin hung a ta; amiruokchu, ama kuoma inthawk chun intlânsiettir vak ka tih; chun, mi tukhawm thlanga um chu, ama chunga chun ruot ka ta, tu am keia ang an um a? Tuin am hun mi ruotpêk a ta? Berâmpu ka hmaa ngîr ding chu tu am a na?

JEREMIA 5:17

Anni chun i lohma suok le i bu fâng an ta, i naupasalhai le i naunuhmeihai fâk ding ngei chu; berâm ruolhai le i bâwng ruolhai chu fa zo vawng an tih; i theichang kûng hai le i grêphruihai chu fa zo an ta, i khawpui kulneihai kâwlhnâm le i în hnêmnahai chu sukchim an tih.

JEREMIA 5:6

Chuleiin, ramhnuoia sakeibaknei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

JEREMIA 50:6

“Ka mihai chu berâm inhmanghai an lo ni ta a, an vêngtuhai chun anni chu tlângahai chun inherhmangtirin, an ṭhuoi hmang a; tlânga inthawkin muola dâm chun an fe a, an riekna hmun chu an theinghil ta a.

JEREMIA 51:38

Sakeibaknei vânglaihai angin a ruolin inrûm an ta, sakeibaknei têhai angin innghir an tih.

JEREMIA 52:1

Zedekia chu rorêl a ṭan chun kum sâwmhni pakhat mi a na; Jerusalema chun kum sâwmpakhat sûng ro a rêl a; a nu hming chu, Libnaa Jeremia naunu Hamutal a nih.

EZEKIEL 34:12

Berâmpu chun sûnah a berâm ruol chu a zawng a, berâm a lo indarhai laia chun a um hlak angin, ka berâmhai chu zawng suok ka ta; inthim le sûmzîng nia an lo invâk darna hmunhai po poa inthawk chun anni chu zawng suok ka tih.

DANIEL 6:24

Chun, lal chun thu a pêk a, chuong Daniel hêktuhai chu an hung ṭhuoi a; anni leh, an nauhai leh, an nuhmeihai le chun sakeibakneihai pûka chun an pei tah a; anni chu sakeibakneihai chun an lo thaw tah a, an ruhai chu a nawi nawiin an suktliek vawng a, pûk ṭuong chu an tlung hman naw hiel lem a nih.

JOEL 3:2

hnam po po kei khâwm ka ta, anni chu Jehosaphat kâwnah hung ṭhuoi thlâng ka ta, ka ram an sem dar a, hnamhai laia an sukdar, ka mihai le ka rochan Israelhai ta ding chun anni chu chutaka chun khing ka tih.

1 PETER 2:25

Berâm inhmang anga in inhmang kha, tu ruok hin chu in thlarau vêngtu le, Hotu kuoma chun in kîr nâwk ta hi.