JEREMIA 50:14 - Pathien Lekhabu Inthieng (BSI)

¹⁴ Babulon chu a vêlin nangni khawma intlar khum ro, thalngul kuoituhai, ama chu kâp unla, thal chu ren naw ro, Lalpa chungah thil a lo suksuol ta si a.

JEREMIA 50:14 ပူးပေါင်းရင်းမြစ်များ

2 SAMUEL 10:9

Chuongchun, an hma tieng le an hnungtieng an hung thaw ding a ni ti Joabin a hriet chun Israel mihai laia a ṭha ṭha a thlangsuok a, Suria mihai chu do dingin ṭhanghmun a lo khaw a.

INPÂKNA HLABU 51:4

I chungah, i chung chauah thil ka suksuol a, I mithmuah thil suol ka lo thaw ta a: Thu i hrilin thiem în changtir thei a, Ro i rêlin demkailo i ni theina dingin.

ISAI 13:4

Chu! tlânga mipui ri, mipui nasatak ri ang el chu! Chu! hnam tin rama mi um khâwmhai sa mur mur ri chu! Sipaihai Lalpa chun râl thaw dingin sipaihai ân pun tâwl a ni chu.

ISAI 5:28

an thalhai chu inzumtak a na, an thalngulhai po po chu kuoi sain a um ṭhup a; an sakawr tinhai chu meitâwklung ang nîng an ta, an tawlailîr kehai chu thlivir ang ela ngai ni bawk an tih.

JEREMIA 46:9

Nangni sakawrhai, hang fe unla, nangni sakawr tawlailîrhai, lunginsen ro; mi thilthawtheihai khawm chu fe suok raw hai seh; Ethiopia le Put mihai, phaw hmang mihai le, Lud mi thalngul kuoi hmang mihai chu.

JEREMIA 49:14

Lalpa kuoma inthawkin chanchin lâwmum ka hriet a; ‘Nangni le nangni hung inkhâwm unla, ama hung do unla, indonaah hung tho ro,’ tiin, aiawtu pakhat chu hnamhai laia chun tir a nih.

JEREMIA 49:35

“Sipaihai Lalpa chun hieng hin a tih: Ngai ta u, an thilthawtheina laili Elam thalngul chu sukthliek ka tih.

JEREMIA 50:11

Aw nangni ka rochan hung rûntuhai, in hlima in lâwm lei le, sazukpui bu chilse a, sakawr hrâttak inhrâm anga in tha a fân leiin; in nu chu nasatakin inzak a tih;

JEREMIA 50:29

“Thalkâptuhai, thalngul kuoi- hai po po chu Babulon chunga chun ko khâwm ro; a vêl el chun riekngha unla, chutaka inthawk chun tukhawm insuokthlengtir naw ro; a sinthaw ang pei chun ama chu thung unla, a lo thaw ta ang tak khan ama chungah thaw ve ro; Lalpa chungah, Israel Mi Inthieng chunga chun a lo chapo ta si a.

JEREMIA 50:42

Anni chun thalngul le fei an chawi a; an rilo hle a, lunginsietna an nei nawh; an râwlhai chu tuisuoriet angin ân rûm a, sakawr chungahai chun an chuong a; Aw Babulon naunu, nangma chunga chun, indonaa mi angin, mi tin chu an intlar a nih.

JEREMIA 50:7

A hmu taphawthai hlak chun anni chu an fâkzo a, an hmêlmahai chun, ‘Thudik umna Lalpa, an thlatuhai beiseitak, Lalpa chunga chun thil an suksuol lei a nih, ei sukpawi nawh,’ an ti a.

JEREMIA 50:9

Ngai ta u, hmârtieng rama inthawka hnam ropuitak inkhâwm chu Babulon hung rûn dingin hung chawktho ka ta, in hungtir ka tih; a chunga chun hung intlar an ta; chutaka inthawk chun lâkin um a ta, an thalhai chu mi hrât indo thiemtak a thlâwna kîr nâwk ngai naw ang a nih.

JEREMIA 51:2

Chun, Babulona chun ama zâptu ding tir ka ta, ama ram chu zâpfai an tih; buoina niahai chun a vêlin ama kaltuhai ruok an ni ding a ni si a.

JEREMIA 51:27

Rama chun indo puonzâr chu khai unla, hnamhai laia chun tawtawrâwt mût unla, hnamhai chu ama do dingin buotsai ro; ama chunga chun Ararat dâm, Minni dâm, Askenaz lalramhai chu ko khâwm unla, a chunga chun sipai hotu lien inruot unla, sakawrhai chu khâu hawn angin inhungtir ro.

JEREMIA 51:3

Thalkâptu chun a thalngul chu kuoi naw raw se, ama chu a îndona thuom chun inthuom bawk naw raw se, a tlangvâlhai chu hla naw unla, a sipaihai po po chu sukse fai rêt ro.

HABAKKUK 2:17

Lebanon chunga inpâwngnêkna le, Ramsahai chunga suksietna, anni sukṭi hlakna chun, Ram le khawpui le a sûnga chênghai chunga le, Mihriemhai thisen le thil lo thaw ta po po lei chun, Nang chu ân khum ding che a nih.

HABAKKUK 2:8

Hnam tamtak i suksiet ta leiin, mihriem thisen le Ram le khawpui le a sûnga chênghai chunga Mihriem thisen le inpâwngnêkna thil lo thaw ta po po lei khan, Nang khawm chi a la um sunhai po po chun sukse vêng an ti che.

THUPUONGSUO 17:5

A bâwka chun thurûk, “BABULON KHAW ROPUI, HNUOIA NAWCHIZAWRHAI LE THIL TIRDAKUMHAI NU,” tia hming ziek a um a.

1 SAMUEL 17:20

Chun, David chu zîngkâr a tho a, berâmhai chu vêngtu pakhat ân kawltir a, Jesaiin thu a pêk ang chun a chawi a, a fe ta a; chun, indona hmuna suok mêk sipaihai chu inthaw dinga an lo khêk dur dur lai takin ama chu tawlailîr umna hmun chu a va tlung a.