JEREMIA 50:10 - Pathien Lekhabu Inthieng (BSI)

¹⁰ Chuongchun, Kaldai chu râllâk sum hung nîng a ta, ama suksetuhai taphawt chu lungawi êm êm an tih, Lalpa chun a tih.

JEREMIA 50:10 ပူးပေါင်းရင်းမြစ်များ

ISAI 33:23

I hruihai chu sukfuolin a um a; an puon zâr bul chu an sukdet thei naw a, puon zâr chu an zâr thei naw a; chu lai tak chun râllâk sum tamtak chu semin a um a; kebaihai khawmin râllâk sum an lâk ta a.

ISAI 33:4

In sum râllâka lâk ding chu thilhringin thil an thak khâwm sup sup ang hin thak khâwmin um a ta; khâuṭhikṭhihai an inchâwm sup sup ang hin annirawi chu sum chunga chun inchâwm sup sup an tih.

ISAI 45:3

chun, Lalpa, i hminga kotu che, Israelhai Pathien ngei chu ka nih ti i hriet theina dingin inthim laia rohai chu pêng ka ti che a, hmun fienrielhaia sum thuphmanghai khawm chu pêng ka ti che.

JEREMIA 25:12

Chun, kum sâwmsari chu ân vawi pha chun, an suolna leiin, Babulon lal le, chu hnam le, Kaldaihai ram chu hrem ka ta; kumkhuoa rausanah siem ka tih, Lalpa chun a tih.

JEREMIA 27:7

Chuongchun, ama ram ngei a ni hun a tlung hmakhat chun, hnamhai chun ama le a naupasal le, a naupasal naupa rawng chu bâwl an tih; chuongchun, hnam tamtakhai le lal ropuitakhai chun ama chu suokin man an tih.

JEREMIA 50:26

Kil tina inthawk chun ama chu hung rûn unla, a siekhâwmna inhai chu hawng unla, ama chu pil dêng pâwng angin dêng pâwng unla, sukse letdêr ro; a ieng iengkhawm hlain um naw raw se.

JEREMIA 50:37

Kâwlhnâm chu an sakawrhai chunga dâm, an sakawr tawlailîrhai chunga dâm, ama sûnga mi chilakhai po po chunga dâm chun a um a, chuongchun, anni chu nuhmei ang el nîng an ta, kâwlhnâm chu a ro inhai chunga chun a um a, inrûkin um a tih.

JEREMIA 51:24

Chun, Babulon kuoma le, Kaldai hluotuhai po po chunga chun i mithmua Ziona thil ṭha naw an lo thaw tahai po po kha thung ka tih, Lalpa chun a tih.

JEREMIA 51:35

Ka chunga le ka taksa chunga thawluina hi Babulon chungah um raw se,” Zion hluotuhai chun, tîng an ta; “Ka thisen hi Kaldai hluotuhai chungah um raw se,” Jerusalem chun ti bawk a tih.

EZEKIEL 11:24

Chun, thlarau chun a mi dawmkâng a, Pathien thlaraua thilhmulâwknaa chun Kaldaia sal intânghai kuoma chun a mi ṭhuoi ta a. Chuongchun, ka thilhmulâwk hmu chun chungtieng a mi fesan ta a.

HABAKKUK 2:8

Hnam tamtak i suksiet ta leiin, mihriem thisen le Ram le khawpui le a sûnga chênghai chunga Mihriem thisen le inpâwngnêkna thil lo thaw ta po po lei khan, Nang khawm chi a la um sunhai po po chun sukse vêng an ti che.

THUPUONGSUO 17:16

Chun, ki sâwm i hmu le sahrâng chun nawchizawr chu theidâng an ta, iengkhawm neinaw le saruokin siem an tih, a sa khawm fâng an ta, meiin rawhmang an tih.