JEREMIA 50:1 - Pathien Lekhabu Inthieng (BSI)

¹ Zâwlnei Jeremia hmanga, Kaldaihai ram chungthu, Ba- bulon chungthua Lalpa thuhril chu:

JEREMIA 50:1 ပူးပေါင်းရင်းမြစ်များ

INṬANNA 10:10

Ân lal phutna chu Sinar rama Babel, Erek, Akkad le Kalne khuo a nih.

INṬANNA 11:31

Tera chun a naupa Abram le, a naupa naupasal (Haran naupa) Lota le, a mo, a naupa Abram nuhmei Sarai chu a ṭhuoi a; Kanaana fe dingin Kaldaihai khuo Ura inthawk chun an suok tlâng ta a; nisienlakhawm, Haran an hung tlung a, chutaka chun umhmun an khuor ta a.

INṬANNA 11:9

Chuleichun, a hming chu Babel an ti a; Lalpain chutaka chun hnuoia mi po po ṭawng chu a suktumpêk ta leiin: chutaka inthawk chun Lalpain anni chu hnuoi chung po poa chun a sukdar ta bawk a.

2 SAMUEL 23:2

Lalpa thlarau chun keima mi hmangin a hril a, A thu chu ka leiah a um a.

2 LALHAI 17:24

Chun, Assuria lalin Babulon khuoa mihai, Kutha khuoa mihai, Ava khuoa mihai, Hamath khuoa mihai, Sepharvaim khuoa mihai ân cha suok a; Samari ram khuoahai chun Israel mihai hmun ân hluotir a, chuongchun, Samari ram chu an hluo a, a khuoahai chun an um ta a.

JOB LEKHABU (THE BOOK OF JOB) 1:17

Ama chun a la hril lai zing chun mi dang a hung ve nâwk a, “Kaldaihai chu pâwl thumin an insiem a, sanghâwngseihai chu an thaw a, anni chu an lâk hmang rip el a; kâwlhnâm ngeiin siehlawhai chu an that a: a hril ding chein kei chau ka hung inrel suok a nih,” a ta.

ISAI 14:4

hi tîelna thu hi Babulon lal khêkkhumin la hril i tih, “Iengtizie am a na, nêksâwrtu chu a va re ta de! Iengtizie am a na, rângkachak khawpui chu a va re ta de!

ISAI 23:13

En ta, Kaldaihai ram hi, hieng mihai hi an um ta nawh; Assuria mi chun thlalêra ramsahai ta dingin a ruot tah a nih; an in insânghai chu a bâwl a, chutaka lal inhai chu an sukbohmang a, in sieah a siem ta a.

JEREMIA 25:12

Chun, kum sâwmsari chu ân vawi pha chun, an suolna leiin, Babulon lal le, chu hnam le, Kaldaihai ram chu hrem ka ta; kumkhuoa rausanah siem ka tih, Lalpa chun a tih.

JEREMIA 27:7

Chuongchun, ama ram ngei a ni hun a tlung hmakhat chun, hnamhai chun ama le a naupasal le, a naupasal naupa rawng chu bâwl an tih; chuongchun, hnam tamtakhai le lal ropuitakhai chun ama chu suokin man an tih.

DANIEL 1:1

Juda lal Jehoiakim rorêl kum thumnaa Babulon ram lal Nebukadnezzar chu Jerusalemah a hung a, a rûn ta a.

THILTHAWHAI 7:4

Chun, ama chu Kaldaihai rama inthawkin a suok a, Haranah a va um ta a; chun, a pa a thi hnungin chutaka inthawkin hi tuta in umna khuo tieng hin Pathienin ân pêm lûttir a.

2 PETER 1:21

Thu hrillâwk hrim hrim hi mihriem thua suok a ni ngai si naw a, mihaiin Thlarau Inthieng tirin, Pathien kuoma inthawkin an hril lem hlak a nih.

THUPUONGSUO 14:8

Chun, vântirko dang, a pahnina chun, “Babulon khaw ropui, a mi dit chîngna leia lunginsenna uoiin hnam po po indâwntirtu chu, a tlâwm tah!” tiin a hung zui a.