JEREMIA 5:9 - Pathien Lekhabu Inthieng (BSI)

⁹ Hieng thilhai lei hin ka hung hrem naw ding am a nih? Lalpa chun a tih; ka thlarau chun hieng ang hnam chunga hin phuba a lâk naw ding am a nih?

JEREMIA 5:9 ပူးပေါင်းရင်းမြစ်များ

THUVARHAI 6:29

Mi a tuolbâwm nuhmei kuoma lût chu chuong ang bawk chu a na; Amanu va tâwk taphawt chu hrem naw ni naw nih.

ISAI 1:24

Chuleiin, Lalpa, Sipaihai Lalpa, Israelhai Mi Hrât chun, hieng ang hin a hril a nih: “A! A mi dotuhai hi sukfithla el ka ta, ka hmêlmahai chungah phuba lâng ka tih:

ISAI 57:6

Vadung ruom lung innâm lai chun i chanvo a um a; chuong, chuonghai ngei chu; i chanpuol chu a nih, chuonghai ta ding ngei chun thil inhlân dâwn mi i buok a, thilpêk khawm în hlân kha. Chuong thila chun suklungawiin ka um ding am a nih?

JEREMIA 23:2

Chuleiin, Lalpa Israelhai Pathien chun, ka mihai châwmtu berâmpuhai chungthua chun hieng hin a hril: Ka berâm ruolhai chu in hnawt dar a, in khal hmang tâwl ta a, anni chu in va sir ngai bawk naw a; ngai ta u, in thilthaw rilohai chun ka hung sir ding cheu a nih, Lalpa chun a tih.

JEREMIA 32:31

Hi khawpui hi an bâwl ṭan nia inthawk vawisûn ni chen hin, keia ta ding chun ka ṭiumna le ka lunginsenna chawkthona chau a nih; chuongchun, ka hmaihmaa inthawkin ka sawn hmang ding a nih;

JEREMIA 44:22

Thil tirdakum in thawhai lei le, in thilthawhai suol lei chun Lalpa chun a tuor pei ta naw a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 5:10

“Grêp tlar lai chun hang fe unla, sukse ro; tâwp ṭhuoina ruok chu thaw naw unla, a kauhai chu la thla unla, Lalpa ta an ni si naw a.

JEREMIA 5:29

Hieng thilhai lei hin ka hung hrem naw ding am a nih? Lalpa chun a tih; hnam hieng ang chunga hin ka thlarau chun phuba a lâk naw ding am a nih?

JEREMIA 6:11

Chuleiin, Lalpa lunginsenna chun ka sip a; insûm zing chu ka nghawk a nih; kawtthlêra chun naupanghai laia chun bunthla la, tlangvâl inkhâwmhai laia le chun; pasal chu a nuhmei le chun lâk nîng an ta, mi upatak le tartak khawm.

JEREMIA 6:6

Sipaihai Lalpa chun hieng hin a lo ti ta si a: Thinghai chu phûr thlu unla, Jerusalem chunga chun pil dêngpâwnghai chu siem ro, hi hi khawpui hremna ding chu a na, a sûnga chun innêksâwrna ringawt el a nih.

JEREMIA 9:8

An lei chu thi theina thal a na; thukhêl a hril a, mi pakhatin a tuolbâwm kuomah a bau chun thlamuongumtakin thu a hril a, nisienlakhawm, a lungril chun ama chu ân chân rûk zing a.

JEREMIA 9:9

Hieng thilhai lei hin anni chu ka hrem hrim naw ding am a nih? Lalpa chun a tih; hnam hieng ang hai chunga hin phuba ka lâk naw ding am a nih?

ṬAP HLA 3:42

Kan bawsiet a, kan hel ta a, nang chun i mi ngaidam naw a.

ṬAP HLA 4:22

Aw Zion naunu, i suolna hremna chu a famkim ta a nih; Sal ninaa chun hrên zing ta naw ni che a, Aw Edom naunu, i rîtlona chu hung hrem a ta; I suolnahai chu hmusuok a tih.

EZEKIEL 7:9

Ka mit chun hla naw ni, lunginsietna nei bawk naw ning; i um dânhai ang peiin i chungah hung intlungtir ka ta; i tirdakumnahai chu nangmaah a um si a; chun, kei Lalpa hin ka hrem che a nih ti hre tâng i tih.

HOSEA 2:13

Riminhnik a rawpêk hlak Baal nihai chu a chungah thung ka ta, Chuong lai chun a nabehai le a în cheinahai chu ân bel a, A dit zâwnghai a pan a, kei a mi theinghil a nih, Ti hi Lalpa thu suok a nih.

HOSEA 8:13

Ka ta dingin inthawinahai inhlânin, inthawina sahai fa hai sien khawm, Lalpa chun a pawm nawh. Chuongchun, an rîtlona hre zing a ta, an suol hrem a ta, Aigupta ramah kîr nâwk an tih.

LEVI DÂN 18:25

ram khawm chu a lo pawrche tah a nih; chuleiin, a rîtlona chu ka hrem a, ram chun a sûnga umhai chu a luok dawk ta vawng a.

LEVI DÂN 26:25

In chungah kâwlhnâm inlêngtir ka ta; chu chun thuthlung phuba chu lâng a ta, mâni khaw sûng sengah intawm khâwm in tih; chun, nangni lai hri inlêngtir ka ta, hmêlmahai kutah pêk nîng in tih.

NAHUM 1:2

Lalpa chu thîkthusie Pathien le phuba lâk hmang a nih; Lalpa chun phuba a lâk a, lunginsennain a sip a nih; Lalpa chun ama dotuhai chungah phuba a lâk a, a hmêlmahai ta ding chun lunginsenna ân khâwlkhâwm a nih.

DÂN PAHNINA 32:35

Phuba lâk le thung chu keima thaw ding a nih, An kalbi ân tleu pha chun, An sietna ni chu a hung hnai an ta a, An chunga thil tlung dinghai chu hung tlung vak a tih.

DÂN PAHNINA 32:43

“Aw, nangni hnam tinhai, A siehlawhai thisen phuba chu a lâk ding a nih; Ama dotuhai chungah phuba a lâk ding a nih, A ram le a mihai ta dingin inremna famkim siem a tih,”