JEREMIA 5:5 - Pathien Lekhabu Inthieng (BSI)

⁵ Mi lienhai kuoma chun fêng ka ta, an kuoma chun thu hril ka tih; anni chun chu an Pathien rorêl le, Lalpa lampui chu an hriet si a,” ka ti a. Nisienlakhawm, hienghai hin lungril hmunkhatin rîngkawl chu an sukthliek a, khuopnahai chu an suktan ta a.

JEREMIA 5:5 ပူးပေါင်းရင်းမြစ်များ

2 CHANCHIN SUINA 36:14

Chu nawa khawm chun, khawhri be mihai tirdakumna po po angin mipuihai le thiempu lalhai khawm chun nasatakin an bawsiet a; Jerusalema Lalpa in a sukthieng ta chu an sukpawrche ta a.

FESUOKNA 32:25

Mosie chun mipui chu zalêntaka um a hmu chun (Aronin a lo khuokhir naw leiin hmêlmahai mithmuah muolphotakin a lo inumtir ta si a),

ISAI 1:23

I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai naw a, hmeithai thu hlak an kuom a tlung ngai nawh.

JEREMIA 2:20

Inhmâta inthawk khan i rîngkawl chu i sukthliek a, i khuopnahai chu i suktan a, chun, nang chun, ‘Bawse ta naw ningah,’ i ta; muol insâng tinahai le thing hring hnuoi tinahai chun, nawchizawr anga khawsain nang chu i kûn ta si a.

JEREMIA 2:31

Aw nangni suon hai, Lalpa thu chu en ta u, ka mihai chun, ‘Kan suok fel ta a, nangma kuoma chu hung ta naw ning ung,’ an tina dingin, Israelhai kuoma chun thlalêr amanih, ram inthim sâmup am ka lo nih a ni?

JEREMIA 30:14

Nangma hmangaituhai po po che hlaka an theinghil che a; an zawng ta naw che a: mi rilo hremna le hmêlma inhliemna chun kân hliem si che a, i suolnahai an pung pei lei chun i khawhlona chu a nasa hle si a.

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia inthawka thiempuhai chen khawmin, mi tin el chun indik lotakin an thaw a.

JEREMIA 8:7

Anih, chunga vakâwl chun ama hun ruot chu a hriet a; vaṭhuhai, pelêuhai, vangalsânghai an hunah an hung tlung a, ka mihai ruok chun Lalpa thupêk an hriet nawh.

JEREMIA 9:3

Thudik nawa dingin an thalngul ang elin an lei chu an kuoi a; chu rama chun thahrâttakin an hung inṭhang a, thudika ruok chun ni lovin; thil suola inthawkin thil suola vêk chun an pakai a, kei khawm an mi hriet hlawl nawh, Lalpa chun a tih.

EZEKIEL 11:2

Chun, ama chun ka kuomah, “Mihriem naupa, hi khawpuia thurâwn rilo pea, suolna suksuoktuhai chu hieng mihai hi an nih.

AMOS 4:1

Nangni Basan hmun sebâwngpui, Samari tlâng chunga um, rimsihai nêksâwr a, tlasamhai nêk a, an lalhai kuomah, “Hung la unla, dâwn ei tiu,” tituhai, hi thu hi lo hre ro.

AMOS 6:1

“Zion tlânga inhawitir taluoa umhai le, Samari tlânga himtaka umhai le hnam lientak mi ropuihai, an kuoma Israel sûngkuohai an fenahai chu an chung a rik ie!

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

MALAKI 2:7

Thiempu hmûrhai chun hrietthiemna a vawng ding a na, a baua inthawk chun miin dân chu an zawng ding a ni si a: ama chu sipaihai Lalpa mitir chu a ni si a.

LUKA 18:24

Chuongchun, Isûn ama chu a en a, “Sum hauhai chu Pathien rama lût a vân tak âwm de aw!

LUKA 19:14

Nisienlakhawm, a khuohaiin an theida a, ‘Hi mipa hi kan lal dingin kan dit nawh,’ ti dingin a hnungah palai an intlântir ve a.