JEREMIA 5:24 - Pathien Lekhabu Inthieng (BSI)

²⁴ An lungril khawma, “Lalpa ei Pathien, a huntaka ruo hmasa le nuhnung petu, ei ta dinga busîk hun haptahai mi ruotpêktu chu ṭing ei tiu,” khawm an ti dêr nawh.

JEREMIA 5:24 ပူးပေါင်းရင်းမြစ်များ

INṬANNA 8:22

Hnuoi um sûng po bu tu le bu lâk, khaw dei le khaw lum, nipui le phalbi le, sûn le zân dâm hi bo naw nih,” a ta.

1 LALHAI 17:1

Tisbe khuo, Gilead rama Tisbe khuoa mi Elija chun Ahab kuoma chun, “Lalpa, a hmaa ka ngîrna hlak, Israelhai Pathien hringna sâlin ka hril a nih; kum ieng zât amani sûng chu ka thu naw chun ruo le dâidaw tla hrim hrim naw nih,” a ta.

JOB LEKHABU (THE BOOK OF JOB) 29:23

Ruo nghâk angin kei an mi nghâk a, Ruo nuhnung tieng nghâk angin an bau an ka lien a.

JOB LEKHABU (THE BOOK OF JOB) 38:37

Varna ngawtin tuin am sûmhai chu a tiem sêng a? Vâna penghai chu tuin am bunthla thei a ta?

JOB LEKHABU (THE BOOK OF JOB) 5:10

Ama chun hnuoi chungah ruo a hung pêk a; Loahai chun tuihai chu a hung tir bawk a:

INPÂKNA HLABU 147:8

Ama chun vân khi sûm ân zâm hlietir a, Leihnuoi ta dingin ruo a buotsai a, Tlângahai chun hlobet ân mâwngtir hlak.

INPÂKNA HLABU 65:9

Hnuoi hi i kan a, tuiin i châwm a, Nasatakin i sukṭha hlak: Pathien vadung chu tuiin a sip a, Hnuoi hi chuong anga i buotsai hnung chun an ta dingin bu i siempêk hlak.

ISAI 64:7

Chuongchun, i hming lama, nangma chel dinga mâni insukhar tukhawm an um dêr naw a, keini kuoma hin i hmai i thup ta si a; kan khawhlonahai hmangin i mi sukbohmang tah a nih.

JEREMIA 10:13

a râwl a hung insuo pha chun vânhaia tuihai chu a hung phul a, leihnuoi tâwpnaa inthawk dâm chun tuihu chu ân kaitir a, ruo ta ding chun kâwlinlephai a siem a, a robâwmhaia inthawk chun thli chu a hung lâk suok a.

JEREMIA 14:22

Khawhri be mihai teplohai lai chun ruo insûrtir thei hrim an um am? Annawleh, vânhai chun ruohai chu a pêk thei am a nih? Aw Lalpa kan Pathien, nang chu ama chu i ni a ni naw maw? Chuleiin, nangma chu nghâk zing kan ti che, hieng thilhai po po hi i siem si a.

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

JEREMIA 3:3

Chuleiin, raw sûrhai chu cheltâng an na, ruo nuhnung tieng chu a um ta naw a nih; Chuongsa khawm chun nawchizawr hmâichang i put a, inzak i tum dêr si naw a.

JEREMIA 5:22

Kei chu in mi ṭi naw maw? Lalpa chun a tih; Ka hmaah in inthin naw ding maw? Kumkhaw thupêk anga a liem thei nawna dinga tuipui ramri dinga ṭieupho, kumkhuoa a kân ngai lo ding chu ka sie a.Tuifâwn chu hung invawr sien khawm, luongliem thei naw nih. Hung inrûm thla hum hum sien khawm a kuong chu luongliem bawk naw nih.

JEREMIA 50:5

Hma sawngin Zion chu râwn an ta, ‘Hung ve ro, theinghila um ta ngai lo ding chatuon thuthlung chun Lalpa chu hung zawm ve ro khai,’ tîng an tih.

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

HOSEA 6:1

“Hung ta u, Lalpa kuomah kîr ei tiu, A mi kei nâwi taa chu a mi lo sukdam nâwk ding a ni si a, A mi lo vuok ta nâka chu a mi tuom nâwk ding a ni si a;

JOEL 2:23

Nangni Zion nauhai, lâwm ro, Lalpa in Pathiena chun hlim ro; ruo hmasa chu inkhi chiein a pêk si cheu a, in ta dingin ruo ân sûrtir a, thla khatnaa ruo hmasa le ruo nuhnung chu.

AMOS 4:7

“Chun, bu sîk hun ding thla thum a la ni laiin in chunga ruo sûr ding khawm ka chel a, khawpui pakhat chungah kân sûrtir a, khawpui dang chungah kân sûrtir naw a; hmun khat chungah a sûr hlak a, a sûr nawna hmun chu a ṭâwl hlak.

ZEKARIA 10:1

Lalpa kâwlinlephai siemtu ngei chu, Lalpa kuoma chun ruo nuhnung huna hin ruo ngên ro; chun ama chun ruopui sûr chu pêng a tih, loa thlaihna tin kuoma chun.

MATTHAI 5:45

in Pa vâna mi nauhai in ni theina dingin; ama chun mi suolhai le mi ṭhahai chunga chun a nisa ân suoktir a, mi fel le mi fel nawhai chunga khawm ruo ân sûrtir hlak a nih.

THILTHAWHAI 14:17

Nisienlakhawm, ama inhriettirna um lovin ân siem ngai nawh. Chuongchun, thil a thaw ṭha hlak a, vâna inthawka ruohai le kum ṭhat kumhai a pêk cheu a, in lungril fâk ding le lâwmnain a suktlaipêk hlak cheu kha,” an ta.

DÂN PAHNINA 28:12

Lalpa chun a huntaka in ram châwm ding ruotui pe ding cheu le, in kutsuok po po malsâwm dingin vân, a robâwm ṭha chu hawngpêk a ti cheu a; chuongchun, hnam tamtak inpûktir in ta, nangni ruok chun pûk naw ti niu.

JAKOB 5:7

Chuongchun, unauhai, Lalpa hung nâwk hmakhat chu seltakin lo um ro. Ngai ta u, lo neitu chun ruo tui tla hmasa le nuhnung chu a hmu hmakhat chu seltakin hnuoi ra hlutak chu a nghâk hlak.

THUPUONGSUO 11:6

Chuonghai chun an thu hril sûng po ruo sûr naw dinga vân sukping theina an nei a; an nuom pha phaa thisena inchangtir dingin tuihai chungah thu an nei a, khawvêl hi hremna tinrênga hrem dingin thu an nei bawk a.