JEREMIA 5:22 - Pathien Lekhabu Inthieng (BSI)

²² Kei chu in mi ṭi naw maw? Lalpa chun a tih; Ka hmaah in inthin naw ding maw? Kumkhaw thupêk anga a liem thei nawna dinga tuipui ramri dinga ṭieupho, kumkhuoa a kân ngai lo ding chu ka sie a.Tuifâwn chu hung invawr sien khawm, luongliem thei naw nih. Hung inrûm thla hum hum sien khawm a kuong chu luongliem bawk naw nih.

JEREMIA 5:22 ပူးပေါင်းရင်းမြစ်များ

INṬANNA 1:9

Chun, Pathienin, “Vân hnuoia tui umhai chu hmun khatah luong khâwm sienla, khawmuol chu inlang raw se,” a ta: chuongchun, chuong angtak chun a hung ni ta a.

1 LALHAI 13:28

Chun, a fe ta a, a ruong lampuia inthal dêra lo um le, sabengtung le sakeibaknei ruong bula lo ngîr zing chu a va hmu a; sakeibaknei chun ruong chu a lo la fâk naw a, sabengtung khawm chu a lo la sukpawp naw bawk a.

JOB LEKHABU (THE BOOK OF JOB) 26:10

Tuihai chunga chun ramri a riruong a, Sûn le zân tâwp chinhaia le chun.

JOB LEKHABU (THE BOOK OF JOB) 37:24

Chuleiin, mihai chun ama chu an ṭi a, Lungrila vara inngaihai khawm chu a pawisa chuong nawh,” tiin.

JOB LEKHABU (THE BOOK OF JOB) 38:8

Annawleh, sula inthawka a hung ṭe thla laiin, Tuipui kawtkhârhai chu tuin am a khârpêk a;

INPÂKNA HLABU 104:9

An khêl naw dingin ri i khang a, Hnuoi chîm tlum dinga an lêt nâwk ta nawna dingin.

INPÂKNA HLABU 119:120

Ka tisa hi nangma ṭîin ân thin a, I rorêlnahai chu ka ṭî bawk a.

INPÂKNA HLABU 33:7

Ama chun tuisuoriet tuihai chu iengkhat siekhâwm thûr angin a sukkhâwm a, Tui inthûktakhai chu siekhâwmna inahai a sieṭha hlak.

INPÂKNA HLABU 46:3

A tuihai chu inri hum humin, so bur bur sienla khawm, A fâwn nasa leiin tlânghai hi inhnîng dur dur sien khawm ṭi chuong bawk nâwng ei tih.

INPÂKNA HLABU 99:1

Lalpa chu lalah a ṭhung a, mi tin chu inthin raw se, Ama chu cherubhai chungah a ṭhung a, hnuoi hi inhnîng raw se.

THUVARHAI 8:29

Chuong lai chun tuipui ta dingin tiemchin a pêk a, Tuihai chun a thupêk chu an bawsiet nawna dingin, Leihnuoi lungphûmhai chu a ruot lai chun:

ISAI 50:2

Ieng leiin am ka hung khan mi hrim hrim an um naw a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthawtheina hrim hrim ka nei nâwm a nih? Ngai ta u, ka kâwknain tuipui ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thu a, dangchârin an thi hlak.

ISAI 64:2

meiin thing nawi a suk chawk a, tui dâm a sukso ang hin, hnam tin i hmaah an inthin a, nangma dotuhai che kuoma chun i hming chu inhriettir a ni theina dingin.

ISAI 66:5

A thua inthin hlakhai, Lalpa thu hi hre ro, “In unau, nangni theidatu le ka hming leia nangni hnawt suoktuhai cheu chun, ‘In lâwmna kan hmu theina dingin Lalpa chu sukropuiin um raw se,’ an ti a, nisienlakhawm, inzak lem tâng an tih.

JEREMIA 10:7

Aw hnamhai Laltak, tuin am ṭi nâwng an ti che a? Nang chun i phu hrim si a, hnamhai laia mi var po po lai le, an lalram sûngahai chun, nanga ang hrim tukhawm an um nawh.

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

JEREMIA 31:35

Sûna nisa chu var dinga pea, zâna arasihai le thla var dinga ruotna petu, tuisuoriet chu chawkthoa, tuifâwnhai inrûmtirtu Lalpa chun hieng hin a tih: ama chu sipaihai Lalpa chu a hming a na;

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni si a, A ram khawm chu suksiet ni ngai naw ni a, A rorêlna chu chatuonin um zing lem a tih.

AMOS 4:12

“Chuleiin, aw Israel, i chungah hieng ang hin ka thaw ding a nih; i chungah hi hi ka thaw ding a ni leiin, aw Israel, i Pathien chu tuok dingin insiem zo rawh”.

AMOS 9:6

vâna a pindanhai siem a, hnuoi chunga pindan inkuol siem a, tuisuoriet tuihai ko a, hnuoi chunga bunthlatu, a hming chu Lalpa a nih.

JONA 1:16

Chuongchun, mihai chun Lalpa chu nasatakin an ṭi ta a; Lalpa kuoma chun inthawina an inhlân a, thu dâm an tiem ta a.

NAHUM 1:4

Tuipui chu a hal a, a kang chat a, vadunghai po po khawm chu an kang zo a, Basan ram le Karmel tlânghai an chul zo a, Lebanon tlâng pârhai an chuoi zo.

MATTHAI 10:28

“Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

MARKA 4:39

Chun, ama chu a hung har a, thli chu a hal a, dîl kuoma khawm chun, “To la, um ṭawk ṭawk rawh,” a ta. Chun, thli chu a ma a, a hung re ta ṭhup el a.

LUKA 12:5

Amiruokchu, tû am in ṭi ding hril lâwk ka ti cheu; a sukhlum hnung khawma Hremhmuna pei theina thuneitu chu ṭi ro; anih, ka hril cheu hi, ama mawl chu ṭi ro.

DÂN PAHNINA 28:58

“Lalpa in Pathien hming ropuitak le ṭiumtak hi in ṭi theina dinga hi lekhabua chuong thil po po hi fîmkhurtaka in zâwm naw chun.

THUPUONGSUO 15:4

Aw Lalpa, tu am i hming inza naw a, Chawimawi naw ding? Nang chau în thieng si; I thilthaw felhai chu suklang a ni ta leiin, Hnam tinrêngin chibai hung bûk an ti che,” tiin.