JEREMIA 5:1 - Pathien Lekhabu Inthieng (BSI)

¹ Jerusalem kawtthlêrahai chun hmatieng hnungtieng tlân unla, tuhin va en ta u! chutaka hmun lienahai chun va zawng unla, va hre ta u, mi hrim in va hmuin, mi thil indiktaka thaw a, thudik zawng hrim an um am; chun, chuong a ni chun ngaidam ka tih.

JEREMIA 5:1 ပူးပေါင်းရင်းမြစ်များ

1 LALHAI 19:10

Ama chun, “Lalpa sipaihai Pathien ta ding hin ṭhahnem ka ngai êm êm hlak a, Israel thlahai hlak chun i thuthlung an nghatsan a, i maichâmhai an sukchim a, i zâwlneihai kâwlhnâmin an sâthlum si a; a la um chu kei bak hi ka na, ka hringna mi lâkpêk an tum a nih,” a ta.

2 CHANCHIN SUINA 16:9

Ama tienga lungril ṭha famkim puttuhai chunga a hrâtzie insuklang dingin Lalpa mit chun hnuoi chung po poa kil le kap a en vêl ruoi hlak. Hitaka hin nang chun invêtthlâktak el chun i lo thaw ta a, chuleiin, tuta chin chu indonahai khawm nei zing tâng i tih,” a ta.

INPÂKNA HLABU 12:1

Lalpa, mi ṭhangpui rawh, Pathien ngaisak mi an um ta si naw a, Mihriem nauhai laia hin mi ringum chu an bo ta si a.

INPÂKNA HLABU 14:2

“Hrethiema Pathien zawng hrim hrim an um am?” ti hre dingin, Lalpa chun vâna inthawkin mihriem nauhai hi a zuk en a.

INPÂKNA HLABU 14:3

Anaw tieng an lo pêt vawng ta a, pawrchetakin an lo um ta vawng a, Tukhawm thil ṭha thaw hrim an um nawh, pakhat bêk khawm an um dêr nawh.

INPÂKNA HLABU 94:16

Tu am thil ṭha naw thawtuhai mi thawpêk dingin tho a ta? Tu am thil suksuoltuhai mi thawpêk dingin ngîr a ta?

THUVARHAI 20:6

Mi tamtak chun mâni ṭhatna hril seng an ta, Mi ringum ruok chu tuin am hmu suok thei a ta?

THUVARHAI 23:23

Thutak chu inchaw la, zawr ta naw rawh, Anih, varna dâm, inchûktirna dâm le hrietthiemna dâm khawm chu.

THUVARHAI 8:3

Khawpui lûtnaa, dâikawtkhâr sîrahai, Kawtkhâr lûtnaahai chun a khêk rak rak a;

HLAHAI HLA 3:2

“Tuhin tho ka ta, khawpui chu fang vêl ka ta, Kawtthlêrhaia le lamlienhaia chun, Ka thlain a hmangai chu zawng ka tih” ka ti a. Ama chu ka zawng a, ka hmu naw a.

ISAI 59:4

Tukhawma thubuoi indiktakin an hril naw a, tukhawma indikna leh thubuoi an hril ngai nawh; thu teplo mei mei an ring a, khêl an hril hlak a; thil suksuolna an vawn a, khawhlona an nei hlak.

JEREMIA 2:29

“Iengdingin am kei chu mi phût in ta? ka chungah in lo bawsiet vawng ta si a, Lalpa chun a tih.

JEREMIA 44:15

Chun, mi an nuhmeihaiin pathien danghai kuomah riminhnik an raw ti hretuhai po po le, nuhmei lo ngîr vehai po po le, inkhâwm nasatakhai, Pathrosa Aigupta rama mi chêng po pohai chun Jeremia chu an dawn a,

JEREMIA 8:6

Ka ngai a, ka lo hriet a, anachu, thudik an hril nâwk a, mi tukhawm, “Ieng am ka lo thaw ta leh,” tiin a khawhlonaa inthawk chun ân sîr naw a, mi tin chun mâni lampui seng an hraw a, indonaa sakawr tlân bingbilet ang chun.

JEREMIA 9:2

Ka chipuihai hi ka mâksana, an kuoma inthawka ka fe hmang theina dingin, thlalêra hin khuol inzinhai riekna hmun nei lang chu aw! anni chu uirehai le, mi khawhlohai um khâwm an ni vawng el si a.

JEREMIA 9:7

Chuleiin, sipaihai Lalpa chun hieng hin a tih: Ngai ta, anni chu suktui ka ta, ka fie ding a nih; ka chipuihai naunu lei chun ieng dang am thaw tâng ka ta?

EZEKIEL 22:30

Anni lai chun mi, ram chu ka suksiet nawna dinga dâi chu siem ṭha ding le, ram ta dinga, ân âwngnaa ka hmaa ngîr ding ka zawng a, nisienlakhawm, tukhawm ka hmu naw a,

EZEKIEL 9:9

Chun, ama chun ka kuomah, “Juda le Israel sûngkaw suolna chu a nasa êm êm a, ram chu thisenin a sip a, khawpui sûng chu rorêlna pawisak nawnain a sip a, ‘Lalpa chun ram hi a nghatsan ta a, Lalpa chun a hmu nawh,’ an ti si a.

DANIEL 12:4

Nisienlakhawm, nang aw Daniel, hun tâwp chena dingin thuhai chu khâr la, lekhabu chu châr tlat rawh: mi tamtak chu hnungtieng hmatieng tlân an ta, hrietna chu a pung ding a ni si a,” tiin.

JOEL 2:9

Khawpui chunga chun an inchâwm a; kul chungah an tlân a; in sûngahai chun an hang lâwn a; inru angin tukverahai an lût a.

AMOS 8:12

Lalpa thu hre châka zawngin, tuipuia inthawka tuipui dangah, Hmartienga inthawkin saktieng tlânvêl an ta, nisienlakhawm, hmu naw ni hai.

ZEKARIA 2:4

“Tlân la, hi tlangvâl kuoma hin, ‘mipui tam lei le ranruol leiin Jerusalem chu khuo kul um lohai anga hluo el nîng a tih,’ tiin hril rawh.

LUKA 14:21

Chun, suok chun a pu kuomah chuong thu chu a va hril a. Chun, in neitu chu a lunginsen a, a suok kuoma chun, ‘Suok la, kawtthlêrahai, kâwmkârahai, fe zeu zuou la, pasiehai, piengsuolhai, mitdelhai, keinbaihai, hitaka hin hung ṭhuoi lût rawh,’ a ta.

2 THESSALONIKA 2:10

bohmang zinghai dinga fel nawna hlêmna tinrêng leh nîng a tih, sandama an um theina dinga thutak hmangaina chu an pawm naw leiin.