JEREMIA 49:39 - Pathien Lekhabu Inthieng (BSI)

³⁹ Amiruokchu, ni nuhnungahai chun hieng hi hung nîng a ta; Elam sal intângna chu hung la kîr nâwk ka tih, Lalpa chun a tih”tiin.

JEREMIA 49:39 ပူးပေါင်းရင်းမြစ်များ

JOB LEKHABU (THE BOOK OF JOB) 42:10

Chun, Lalpa chun Job chu a ruolhai ta dinga a ṭawngṭai lai chun a chan chu a sukṭha ta a; Job chu Lalpa chun a hmaa a nei lêt hni chu a pêk ta a.

ISAI 2:2

Ni nuhnungahai chun Lalpa in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

JEREMIA 12:15

Anni ka hmalthlâk hnunga chun hung kîr nâwk ka ta, an chungah lunginsietna nei ka tih; chun, mi tin chu mâni rochan senga chun hung ṭhuoi nâwk ka ta, mi tin chu mâni ram senga chun.

JEREMIA 48:47

Nisienlakhawm, Moab sal intângna chu nakie tieng niahai chun la hung la kîr nâwk ka tih, Lalpa chun a tih”tiin. Moab chunga rorêlna chu chuong chen chu a nih.

JEREMIA 49:38

chun, Elama chun ka lalṭhungpha chu inṭhut ka ta, chutaka lal le rorêltuhai chu sukbohmang ka tih; Lalpa chun a tih.

JEREMIA 49:6

Nisienlakhawm, Ammon mihai sal intângna chu hung la kîr nâwk ka tih, Lalpa chun a tih”tiin.

EZEKIEL 29:14

chun, Aigupta sal nina chu hung intlungtir nâwk ka ta, an piengna Pathros rama chun inkîrtir nâwk ka ta; chutaka chun lalram inhnuoi nîng an tih.

EZEKIEL 38:16

ka mi Israelhai chu hung do i ta, sûmpuiin ram a hung tuom ding ang elin; chun, ni nuhnungahai chun aw Gog, an mithmu ngeia nangmaa sukthienga ka um phaa hnam tamtakhai chun an mi hriet theina dingin, ka ram chu indodâl tir ka ti che.

EZEKIEL 39:25

“Chuleiin, Lalpa Pathien chun hieng hin a tih; Tuhin Jakob sal intângna chu hung la kîr ka ta; Israel sûngkuo pumpui ta ding chun zângaina nei ka tih; chun, ka hming inthieng khawm humhal bawk ka tih.

DANIEL 10:14

Ni nuhnungahai chun i mihai chu iengin am a hung tlâkbuok ding a na ti inhriettir ding chein tuhin ka hung a nih; thilhmulâwk kha ni tamtakhaia ding a la ni chau si a,” a ta.

DANIEL 2:28

amiruokchu, vânah Pathien, thurûkhai phuongtu chu a um a, ama chun lal Nebukadnezzar chu ni nuhnunga thil um dinghai chu ân hriettir a nih. I mang le i khum chunga i lua i thil hmulâwkhai chu hienghi an nih:

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

AMOS 9:14

Chun, ka mi Israelhai chu sala inthawkin ṭhuoi kîr nâwk ka ta; khaw ṭâwphai chu siem nâwk an ta, hluong an tih; chun, grêp huonhai siem an ta, a uoin dâwn an tih; huonhai khawm siem an ta, a ra chu fâng an tih.

MIKA 4:1

Nisienlakhawm, ni nuhnungahai chun hieng ang hi hung nîng a ta; Lalpa in umna tlâng chu tlâng lienhai chunga chun sukdet nîng a ta, tlâng chînhai chunga chun chawisângin um bawk a tih; chutaka chun chi tinrênghai chu fe hum hum an tih.