JEREMIA 49:37 - Pathien Lekhabu Inthieng (BSI)

³⁷ Chuongchun, Elam chu an hmêlmahai hmaa beidawng dingin siem ka ta, an hringna zawngtuhai hmaa le chun. Chun, an chunga chun thil ṭha naw, ka lunginsenna ṭiumtak chu hung intlungtir ka tih, Lalpa chun a tih; chun, an hnunga chun kâwlhnâm inhnawttir ka ta, anni chu ka sukbohmang vawng hmakhat chun;

JEREMIA 49:37 ပူးပေါင်းရင်းမြစ်များ

JEREMIA 30:24

A thaw hmakhat chun Lalpa lunginsenna chu hung kîr nâwk ta naw ni a; a lungrila a tum chu a thaw hmakhat chun: hi hnung tieng nihaia chun la hrieng in tih,”tiin.

JEREMIA 48:2

Moab inpâkna chu a um ta naw a; Hesbona chun a chungah thil ṭhanaw chu an rawt a, ‘Thaw ro, hnam ninaa inthawkin ama chu tuithlâr ei tiu,’ tiin. Nang khawm Aw Madmen, sukto ṭawk la nîng i tih; kâwlhnâmin hung hnawt bawk a ti che.

JEREMIA 48:39

Ieng anga sukkhawi am a na? Ieng angin am an ṭap inrûm a? Moab chun inzak leiin iengtin am a hnunginnghat el a; chuongchun, Moab chu a vêla umhai ta ding chun lungsukzîngna le hrilsîm nîng a tih.

JEREMIA 49:22

Ngai ta u, hung suok a ta, mupui angin vuong a tih, chun, a thlahai chu Bozra chunga chun phar a ta; chun, chu nia chun Edoma mi thilthawtheihai lungril chu nuhmei na tuor lai lungril ang nîng a tih” tiin.

JEREMIA 49:24

Damaska chu a hung hrât naw a, tlân hmang dingin ân her a; inthinnain ama chu a man a; thuokdawngna le lungngaium chun ama a chel tlat ta a; nuhmei nauhase nat tuor ang elin.

JEREMIA 49:29

An puon inhai le an ran ruolhai chu lâng an ta; an ta dingin an puonhai, an bûr le bêlhai po po le an sanghâwngseihai po po ṭhuoi hmang an tih; chun, an kuoma chun, ‘Kil tina ṭitna ruok a nih,’ tiin mi khêk an tih.

JEREMIA 49:38

chun, Elama chun ka lalṭhungpha chu inṭhut ka ta, chutaka lal le rorêltuhai chu sukbohmang ka tih; Lalpa chun a tih.

JEREMIA 49:5

Ngai ta, i chunga chun ṭitna ka hung intlungtir ding a nih, sipaihai PATHIEN, Lalpa chun a tih: i vêla umhai po poa inthawk chun inumtir ka ta; mi tin chu hnawt suok letdêr an ti cheu a, ân vâkhmang tahai chu kei khâwmtu ding tukhawm um naw ni hai.

JEREMIA 50:36

Chapohai chunga chun kâwl- hnâm chu a um a, invêtpui an ta, kâwlhnâm chu a mi thilthawtheihai chungah a um a, beidawng an tih.

JEREMIA 6:19

Aw leihnuoi, lo hre ta, ngai ta, ka thuhai chu an ngai naw leiin hi hnam chunga hin thil ṭha naw, an ngaituonahai ra ngei chu kân tlungtir ding a nih; ka dân hlak chu an lo hnâwl a.

JEREMIA 9:15

chuleiin, sipaihai Lalpa Israel Pathien chun hieng hin a tih: Ngai ta, hi hnam hi, anni ngei hi sairam khâin vai ka ta, tûr pawl tui dâwn dingin pêng ka tih.

JEREMIA 9:16

An thlatuhai le anni khawma an hriet ngailo hnamhai laia chun sukdar ka ta; anni chu ka sukbohmang vawng hmakhat chun an hnungah kâwlhnâm tir ka tih.

EZEKIEL 12:14

Chun, a pâwlhai po po le, ama vêla ama ṭhangpuituhai ding po po chu kil tinah the dar ka ta; an hnunga kâwlhnâm chu phawi ka tih.

EZEKIEL 32:23

chuonghai thlânhai chu vânsam kilkhâwrtakahai chun siein a um a, an rêng chun kâwlhnâma lo tlu tah, thata lo um tah, mi hringhai rama ṭitumna lo inumtirtuhai chu an nih.

EZEKIEL 5:12

Nanga hmun thuma ṭhea hmun khat chu hripuiin thîng an ta, i sûnga chun ṭâmnaa fâkzoin um an tih; chun, hmun thuma ṭhea hmun khat chu i vêla chun kâwlhnâmah tlûng an ta; chun, a hmun thuma ṭhea hmun khat dang chu the dar ka ta, an hnunga chun kâwlhnâm keidawk ka tih.

EZEKIEL 5:2

Khawpui lailunga chun a hmun thuma ṭhea hmun khat chu meiah râwng i ta, chu pha chun khawpui rûnna chu suktlung nîng a ta; a hmun thuma ṭhea hmun khat dang chu lâng i ta, a vêlin kâwlhnâmin sât nawi i ta; chun a hmun thuma ṭhe a hmun khat dang chu thliah vawr dar i ta, chu hnunga chun keiin kâwlhnâm keidawk ka tih.

LEVI DÂN 26:33

Hnam danghai laia chun sukdar ka ti cheu a, a hnawt ding cheuin kâwlhnâm chu phawi ka ta, chuongchun, in ramhai chu sukrêm nîng a ta, in khuohai chu ṭâwp a tih.