JEREMIA 49:31 - Pathien Lekhabu Inthieng (BSI)

³¹ Tho unla, hnam nuomsipa khawsa le pawisak hrim nei lo an khâta chênga, dai kawtkhâr amanih, kawtkhâr thîrhai amani khawm nei lo hai chu thaw ro, Lalpa chun a tih.

JEREMIA 49:31 ပူးပေါင်းရင်းမြစ်များ

INPÂKNA HLABU 123:4

Mi inhawitirhai dêuna le, Chapohai hmusitnain, Kan hringna hi a sukchau sâwt taluo a nih.

INPÂKNA HLABU 73:12

En ta, hienghai hi mi rilohai an ni hi, Inhawitirtaka umin an hausa deu deu hlak.

ISAI 32:11

Nuhmei um mei meihai, inthin ro; mi ngaisamhai, lunginzîngtakin um ro, inhlîp unla, saruokin insiem unla, in kâwngahai chun saiip puon bi ro.

ISAI 32:9

Nuhmei um mei meihai, tho unla, ka râwl hi ngai ta u; naunu ngaisamhai, ka thu hrila hin na sit ro.

ISAI 42:11

Thlalêr le an khawpuihai chun an râwl insuo raw se, Kedarhai umna khuohai chun: Sela khuoa umhai chu hlimtakin hla sak hai sienla, tlâng sîpa inthawk chun khêk raw se,

ISAI 47:8

Chuongchun, nang nunkhuo phâm a, ngaisamtaka um a, mâni lungrila, “Keima ka nih, keima naw chu mi dang hrim hrim an um nawh, hmeithaiah ṭhung naw ning a, nauhai chân thu khawm hre bawk naw ning,” titu, hi hi hre rawh;

JEREMIA 48:11

Moab chu a tleirâwl laia inthawk ta khan nuomtâwla um hlak a ni a, uoin nawng ang elin dettakin a um zing a, bêl pakhata inthawka bêl dangah bun ruokin a la um ngai naw a, sala khawm a lân tâng bawk nawh; chuleiin, amaa rim inhnikna chu a la um zing a, a rim inhnikna chu suksiet a la ni nawh.

EZEKIEL 30:9

Chu nia chun Ethiopia mi pawisakna neilotuhai chu sukṭi dingin ka hmaa inthawkin mitirhai chu lawnghaiin suok an ta; an chunga chun tuorna nasatak, Aigupta nia ang khan um an tih, en ta, a hung mêk si a.

EZEKIEL 38:11

khuohai kul neilova an umna rama chun hang fêng ka ta, to ṭawk ṭawka chênghai, himtaka chênghai kuoma chun; an rêngin kul neilovin an chêng a, dai kawtkhârhai le kalna thîrtluonhai bovin;

EZEKIEL 39:6

Magog le thlierkâra chêngtuhai chunga chun mei tir ka ta; chun, Lalpa chu ka nih ti mi hre tâng an tih.

MIKA 7:14

Karmel tlâng kâra khawsâwttaka um i rochan berâm ruol, I mihai chu i hembâwk hmangin châwm la, inhma ang khan Basan le Gileada châwmin um tâwl raw hai se,

NAHUM 1:12

Lalpa chun hieng ang hin a tih: “An hrât thei tâwpin hrât hai sienla khawm, tam khawm tamtak ni hai sien khawm, chuongsa khawm chun vât thlûkin um an ta, bohmang an tih. Lo sukrimsi ta lang che khawm sukrimsi nâwk ta naw ning che.

ZEPHANIA 2:15

Hi hi khawpui hlim, fîmkhur lotaka khawsa a, a lungrila, “Kei ka nih, kei naw chu tu dang khawm an um nawh,” titu chu: iengtiziea râusana umin ran ruol riekna hmun a hung ni el am a ni ta leh aw! tukhawm a fe khêl taphawt chun inhlîp an ta, an kut thinkhum an tih.

NAMBAR 23:9

Iengtin am Pathien vaukhâwng lo chu vaukhâwng ka ta? Lungpui chunga inthawk dâmin anni chu ka hmu si a, Tlânga inthawk dâmin anni chu ka hmu a; Ngai ta, hnam a tuma um det sa a nih, Hnam danghai le angkhata inngai ngai lo.

DÂN PAHNINA 33:28

Chun, Israel chu râlmuongtakin a um a, Jakob tuisunsuo chu a pumbil a, Bu le uoin rama chun, Anih, a vânhaiin dâidâw an infartir a,