JEREMIA 49:2 - Pathien Lekhabu Inthieng (BSI)

² Chuleiin, ngai ta u, nihai chu a hung tlung mêk, Lalpa chun a tih: Ammon thlahai Rabba chunga chun indona ṭhâwnglâwk ri chu hriet ngei dingin inumtir ka ta; chuongchun, râusan hmun pâwng el hung nîng a ta; a naunuhmeihai chu meiin kâng an tih; chuongchun, ama lo neitu chu Israel chun nei ve thung a ta, Lalpa chun a tih.

JEREMIA 49:2 ပူးပေါင်းရင်းမြစ်များ

2 SAMUEL 11:1

Chun, kum dâm a hung invawi a, lalhai indo dinga an suok hlak lai chun, Davidin Joab chu a tir a, a mihai le Israel mihai po po leh; chun, Ammon mihai chu an sukbohmang a, Rabba khuo an inhuol a, David ruok chu Jerusalemah a um a.

INPÂKNA HLABU 48:11

I rorêlhai leiin, Zion tlâng chu lâwmtakin um sienla, Juda naunuhai chu hlimtakin um raw se.

INPÂKNA HLABU 97:8

Zion tlâng chun a hriet a, lâwmtakin a um a; Juda naunuhai chu hlimtakin an um bawk a, Aw Lalpa, i rorêlnahai leiin.

ISAI 11:14

Chuongchun, annihai chu thlangtienga Philistin mihai liengkoa chun zuk vuongin zu fûng an ta; khawsak nauhai chu rawk hmunkhat an tih; Edom le Moab mihai chungah an kut thlâk an ta; Ammon thlahai chun an thu awi tâng an tih.

ISAI 17:1

Damaska khaw phurrik chu. Ngai ta, Damaska chu khawpui ni ta lo dingin lâk hmang a ni tah; chuongchun, in chim khâwm el ni tâng a tih.

JEREMIA 4:19

Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

JEREMIA 49:1

Ammon mihai chungchâng thu chu: Lalpa chun hieng hin a tih: “Israel hin naupasal a nei naw a ni maw? Rohluotu ding a nei naw maw? Chuong a ni si chun ieng dinga Milkom hin Gad hi a nei a, a mihai chu khawpuia hai chun chêng am an ni a?

EZEKIEL 21:20

Ammon thlahai Rabba kuoma le inhumhimna Juda rama Jerusalema kâwlhnâm hungna dingin lampui ruot la;

EZEKIEL 21:25

Chun, nang aw thi khawp raua hliem mi rilo, Israel lal, ama ni chu a hung tlung mêk a, a tâwpnaa hremna huna hin;

AMOS 1:14

chuleiin, Rabba khaw kul chungah mei sêm chawk ka ta; chun, indo nia khêk le, thlivir nia thlipui leh, a lal inhai chu kâng vawng a ta;

OBADIA 1:19

Simtieng mi chun Esau tlâng chu chang an ta, ram phaia mihai chun Philistin ram chu chang an tih; Ephraim lo le Samari lo chu chang an tih;

NAMBAR 10:9

In rama hmêlma hnuoisietu cheu do dinga in fe ding phâ râlkhêl mûtin tawtawrâwthai chu in mût ding a nih; chuongchun, Lalpa in Pathien hmaa chun hriet zing nîng in tih, chun, in hmêlmahaia inthawk chun sanhim ni bawk in tih.

NAMBAR 21:25

Israel mihai chun chuong khuo po po chu an lâk a, chuongchun, Israel mihai chu Amor mihai khuohai po poa chun an um a, Hesbon le a khawper po poa dâm chun.

DÂN PAHNINA 13:16

Râllâk sum po po chu khawlaiah la khâwm in ta; chun, khuo le râllâk sum po po chu Lalpa in Pathien kuomah pumrawhmang thilinhlân dingin râwng in ta, pil pâwng el ni kumkhuo tâng a tih, inngîr ni nâwk ta ngai naw nih.

DÂN PAHNINA 3:11

(Basan lal Og chau a nih, Repha mihai laia la um sun chu; a khum chu thîr a na, Ammon thlahai khuo Rabaa chun a la um zing a ni naw am a nih? Mihriem tawnga inkhiin a dungtieng tawng kuo, a khangtieng tawng li a nih.)

JOSUA 17:11

Issakar le Aser rama chun Manasse chun Beth-sean le a sîrvêl khuohai, Ibleam le a sîrvêl khuohai, Dora umhai le a sîrvêl khuohai, En-dora umhai le a sîrvêl khuohai, Taanaka umhai le a sîrvêl khuohai, Megiddoa umhai le a sîrvêl khuohai, zo khawsâng pathumhai chu a nei a.

JOSUA 17:16

Josef nauhai chun, “Tlâng ram hi kan ta dingin a hun naw a nih, phai rama Kanaan mi chênghai po po, Beth-sean le a khawpuia umhai le Jezreel ruoma umhai hin thîr tawlailîr an nei seng si a,” an ti a.