JEREMIA 49:17 - Pathien Lekhabu Inthieng (BSI)

¹⁷ “Chun, Edom khawm chu maktia um ding el ni bawk a ta, mi a fe khêltu tinhai chun mak tîng an ta; a sietna po poa chun inchek an tih.

JEREMIA 49:17 ပူးပေါင်းရင်းမြစ်များ

1 LALHAI 9:8

chun, hi in hi insâng hle sienkhawm, a fe khêl taphawthai chun maktiin lân hui an ta, ‘Iengdinga Lalpain hi ram le hi in hi hieng ang lâwma a thaw am a na?’ la tîng an tih.

JEREMIA 18:16

an ram chu makti dinga siem ding le, hahîpa siem dingin; mi tin chu fe khêl taphawt chun maktîng an ta, an lu thin an tih.

JEREMIA 49:13

Keima insâlin kân khâm ta si a, Lalpa chun a tih: Bozra chu makti ding el nîng a ta, thusekawk, suksieta um, ṭawngsephur nîng a tih; chun, chutaka khawpuihai po po chu kumkhuoa sie ni bawk an tih.

JEREMIA 50:13

Lalpa lunginsenna lei chun hluoin um naw ni a, a pumpuia râusan nîng a ta, mi tin Babulon fekhêltuhai phawt chun mak tîng an ta, a sietna po poa chun inchek an tih.

JEREMIA 51:37

Babulon chu hmun dêng pâwng el, sihalhai ta dinga chêngna hmun ding le, maktia um ding le, hluotu um lova inchek khum el ding nîng a tih.

EZEKIEL 25:13

Lalpa Pathien chun hieng hin a tih: Edom chunga chun ka kut inlet ka ta, amaa inthawk chun ramsa le mihriem khawm sât thlâng ka tih, Temana inthawkin râusanah siem ka ta; Dedan chenin kâwlhnâmah tlûng an tih.

EZEKIEL 27:36

Hnamhai laia dâwrkaihai chun an diriem che a, Nangma chu ṭium i lo ni ta a, iengtika khawm um nâwk ta naw ti nih,’ ” tiin.

EZEKIEL 35:15

Râusan a ni leia Israel sûngkuo rochan chunga chun i lo hlim ta ang khan, i chungah chuong ang tak chun ka thaw ding a nih; Aw Seir tlâng, Edom tlâng po po, a rêng elin, râusan nîng in tih; chun, Lalpa chu ka nih ti mi hre tâng an tih.

EZEKIEL 35:3

a kuoma chun hieng hin ti rawh: Lalpa Pathien chun hieng hin a tih: Ngai ta, nang chu ka dodâl che a, aw Seir tlâng, i chunga chun ka kut kân let ding a nih; chun, nang chu râusana le maktiah ka siem ding che a nih.

EZEKIEL 35:7

Chuongchun, Seir tlâng chu râusan le maktia um dingin siem ka ta; chun, amaa inthawka fe suokhai le, kîr nâwkhai chu sâtthlâng ka tih.

MIKA 6:16

Omri thuruothai chu vawng zing a ni si a, Ahab sûngkuo thilthaw po pohai leh; an remruothaia chun in fe a nih; chuleiin, hmun râusanah ka siem ta ding che a nih, a sûnga chênghai hi nuizatbûr dingin; chun, ka mihai hmingsietna chu phur in tih.”

ZEPHANIA 2:15

Hi hi khawpui hlim, fîmkhur lotaka khawsa a, a lungrila, “Kei ka nih, kei naw chu tu dang khawm an um nawh,” titu chu: iengtiziea râusana umin ran ruol riekna hmun a hung ni el am a ni ta leh aw! tukhawm a fe khêl taphawt chun inhlîp an ta, an kut thinkhum an tih.

DÂN PAHNINA 29:22

“Chun, ruolthar la hung um dinghai, in hnunga in nauhai la hung um dinghai le, ram dang mi hlataka inthawka hung dinghai chun, chu rama hri le Lalpain natna ân vawitirhai;