JEREMIA 49:16 - Pathien Lekhabu Inthieng (BSI)

¹⁶ I ṭiumna chungthua chun, i lungril chapona chun a hlêm che a nih; Aw nang lungpui kak kârhaia chêngtu, muol insângnahai cheltu: i bu chu mupui bu anga insânga chun sep la khawm, chutaka inthawk chun ka hung sukhnuoi ding che a nih, Lalpa chun a tih.

JEREMIA 49:16 ပူးပေါင်းရင်းမြစ်များ

2 LALHAI 14:7

Edom mihai chu Machi Ruomah sîng khat a that a, Sela khuo chu a thaw a, a lâk a, a hming dingin Joktheel ân bûk a, tu chen hin an la ti a nih.

JOB LEKHABU (THE BOOK OF JOB) 39:27

Muvânlai chu insângtaka inlêng a, Chungtienga a bu siem chu nanga thupêk am a nih?

THUVARHAI 16:18

Chapona hi sietna hmaah a fe hlak a; Chun, lungril uong chu tlûkna hmaah.

THUVARHAI 18:21

Thina le hringna hi lei thilthawtheinaa um an na, Achu hmangaitu chun chutaka inthawka ra chu fâng a tih.

THUVARHAI 29:23

Mi chu a chapona chun ama chu sukhnuoi a ta, Lungrila inngaitlâwm ruok chun chawimawina hmûng a tih.

HLAHAI HLA 2:14

Aw ka vaṭhu, lungpui kawi kârahai chun chêng a, Ṭênbaram kuokârhaia um, I hmêl mîn hmutir la, i râwl mîn hriettir rawh; I râwl chu ân nêm a, i hmêl hlak ngaino a bei si a.

ISAI 10:14

ka kut hin chi tin hausaknahai hlak chu vate bu angin a zawng suok a; miin vate tui a pui râusan hnunghai an lâk angin, leihnuoi hluotuhai po po hi ka lâk vawng tah a nih; thla zâp amanih, bâu ka amanih, inhrâm hrim hrim khawm an um dêr si naw a,” a ti a nih.

ISAI 2:21

hnuoi hi nasatak taka sukhnîng dinga a tho pha, Lalpa ṭiumnaa inthawk le, a mawina ropuinaa inthawk chun, lungpui pûkahai le râwl lungpui kakahai chun lût an tih.

ISAI 49:25

Nih e a, Lalpa chun hieng ang hin a tih, ‘Mi hrâttak salhai meu khawm lâkpêkin um an ta, mi ṭium râllâkhai chu sansuokin um an tih; nangma dotu chu ka do ding a ni si a, i nauhai khawm ka sandam ding a nih.

JEREMIA 48:14

‘Mi thilthawthei, indonaa mi hrât khawkhênghai ei nih,’ ieng tin am in ti thei a?

JEREMIA 49:15

Ngai ta, hnamhai laia a china le, mihai laia hmusitumah ka siem ta che a.

JEREMIA 50:29

“Thalkâptuhai, thalngul kuoi- hai po po chu Babulon chunga chun ko khâwm ro; a vêl el chun riekngha unla, chutaka inthawk chun tukhawm insuokthlengtir naw ro; a sinthaw ang pei chun ama chu thung unla, a lo thaw ta ang tak khan ama chungah thaw ve ro; Lalpa chungah, Israel Mi Inthieng chunga chun a lo chapo ta si a.

JEREMIA 51:53

Babulon chu vân chenin vûm sienkhawm, a hrâtna insâng khawm chu la sukhrât zuol pei sienkhawm, keia kuoma inthawkin suksetuhai an hung ding a ni si a, Lalpa chun a tih.

AMOS 9:2

Mithi khuo chenin cho tlang hai sien khawm, chutaka inthawk chun ka kutin la suok ka ta, vânah lâwn hai sien khawm, chutaka inthawk chun hnûk thlâng ka tih.

HABAKKUK 2:9

Mi suol kuta inthawka sansuok a ni theina dinga, A bû insângtaka a sep theina dinga, A insûng ta dinga hlâwkna indik naw latu chu a chung a rik ie!

MALAKI 1:3

Esau ruok chu ka theida a, a tlânghai chu râusanin ka siem a, a rochan chu thlalêr sihalhai kuomah ka pêk kha,” a ta.