JEREMIA 49:13 - Pathien Lekhabu Inthieng (BSI)

¹³ Keima insâlin kân khâm ta si a, Lalpa chun a tih: Bozra chu makti ding el nîng a ta, thusekawk, suksieta um, ṭawngsephur nîng a tih; chun, chutaka khawpuihai po po chu kumkhuoa sie ni bawk an tih.

JEREMIA 49:13 ပူးပေါင်းရင်းမြစ်များ

INṬANNA 22:16

“Lalpa chun,‘Mâni le mâni insâlin kân khâm a nih: Hi thil hi i thaw ta lei le, i naupa, i nei sun khawm chu în ro naw leiin

INṬANNA 36:33

Bela chu a thi a, Bozra mi Zera naupa Jobab chu a aiin ân lal a.

1 CHANCHIN SUINA 1:44

Bela chu a thi a, Bozraa Zera naupa Jobab chun ama aiin ro a rêl a.

ISAI 34:6

Lalpa kâwlhnâm chu thisenin a khawp a, thâunaa sukthâuin a um ta a; berâmte le kêlte thisenin, berâmchal kal thâu dâmin; Lalpa chun Bozra khuoa chun inthâwina a nei a. Edom rama chun thatna nasatak a nei bawk si a.

ISAI 45:23

‘Khûp tinrêng chu ka hmaah dingṭhaṭhuon tâng an ta, lei tinrêng khawmin ṭawng inkhâmin thu tiem tâng an tih,’ tiin mâni le mâni insâlin ṭawng kân khâm tah; thu chu felna ruokin ka baua inthawkin a suok ta a, hung kîr nâwk ta naw nih.

ISAI 63:1

Edom rama inthawka hung, Bozra khuoa inthawka silfên suksen sil saw tu am a na? A puon sila ropuitak, a hrâtna a nasatzie anga hung saw? Keima, feltaka thu hril a, sandam kawnga mi hrâttak kha ka nih.

JEREMIA 18:16

an ram chu makti dinga siem ding le, hahîpa siem dingin; mi tin chu fe khêl taphawt chun maktîng an ta, an lu thin an tih.

JEREMIA 19:8

Hi khawpui hi maktia le thuokdawngumah siem ka ta; mi tin a fe khêltuhai taphawt chun mak tîng an ta, an thuok dawng a tih, chu chu hmun po po a se ta lei chun.

JEREMIA 44:26

Chuleiin, Aigupta rama Juda chêng po pohai, Lalpa thu chu lo ngai ta u: Ngai ta u, ‘Lalpa Pathien chu a hring zing angin,’ tiin, Aigupta ram po poa Juda mi tukhawm baua chun ka hming chu lam a ni ta nawna dingin, ka hming ropuitak chu sâlin ṭawng kân khâm a nih, Lalpa chun a tih.

JEREMIA 48:24

Kerioth chunga dâm, Bozra chunga dâm; Moab rama khawpui hla le hnaiahai po po chunga dâm chun.

JEREMIA 49:22

Ngai ta u, hung suok a ta, mupui angin vuong a tih, chun, a thlahai chu Bozra chunga chun phar a ta; chun, chu nia chun Edoma mi thilthawtheihai lungril chu nuhmei na tuor lai lungril ang nîng a tih” tiin.

JEREMIA 51:14

Sipaihai Lalpa chun, ‘Matheiloâin, leiṭha ang elin, mihriemin hung suksip ngei ngei ka ti che a, chun, i chunga chun hung khêk khum an ti che,’ tiin ama le ama insâlin a lo inkhâm ta a.

JOEL 3:19

Juda nauhai chunga nunsetaka thawa, an ramah mi thiem thisen an insuo leiin Aigupta ram chu bo a ta, Edom ram chu thlalêr ram ṭâwl nîng a tih.

AMOS 1:12

chuleiin, Teman hmun chunga chun mei tir ka ta, Bozra khaw lal inhai chu kâng vawng a tih,” tiin.

AMOS 6:8

Lalpa, sipaihai Pathien chun, Lalpa Pathien chun ama le ama insâlin ṭawng ân khâm a: “Jakob chapona chu ka tirdak a, a lal inhai ka theida a; chuleiin, khuo le a sûnga um po pohai chu kân mantir ding a nih,” tiin.

OBADIA 1:18

Jakob sûnghai chu mei nîng an ta, Josef sûnghai chu meichawk nîng an tih. Esau sûnghai chu bupâwl ding nîng an ta, anni lai chun chawk an ta, kâng hmang vawng an tih; Esau sûnghai chu a mahla hrim um naw ni hai; Lalpa chun a ti ta si a.