JEREMIA 49:11 - Pathien Lekhabu Inthieng (BSI)

¹¹ I nau, pa bohai kha mâksan la, keiin hringin hlâng ka tih; chun, i hmeithai khawm chun mi ring bawk raw se.

JEREMIA 49:11 ပူးပေါင်းရင်းမြစ်များ

INPÂKNA HLABU 146:9

Lalpa chun mikhuolhai chu a vawng ṭha hlak a, Pa neilo le hmeithai chu a chel zing hlak a; Mi rilohai lampui ruok chu a sukletling hlak.

INPÂKNA HLABU 68:5

Pathien a umna inthienga um chu, Pa nei lohai pa le hmeithaihai ngaituotu a nih.

INPÂKNA HLABU 82:3

Rimsihai le pa nei nawhai ro chu rêl unla, Rinum tuorhai le pasiehai chunga chun sukdik ro.

HOSEA 14:3

Assuria chun mi sandam naw ni a, Sakawr chunghaia chun chuong nâwng kan ta, Kan kutsuokhai kuoma chun, ‘Kan Pathien in nih,’ ti ngai ta nâwng kan tih, Fahrahai chun nangmaa hin Lunginsietna an lo hmu hlak a ni si a,” tiin.

JONA 4:11

Ninevi khuo, khaw ropuitak, a sûngah mi nuoi khat le sîng hni nêka tam, an changtieng le vawitieng khawm thlier thei lohai le ran ruol tamtak umna hi, ka lunginsiet naw ding am a nih?” a ta.

ZEKARIA 7:10

hmeithai amanih, fahrâ amanih, mikhuol amanih, mi pasie amani khawm chu nêksâwr naw unla, chun, nangni tukhawma mâni unau chungah a lungrilin thil suol suongtuo naw raw se,” tiin.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

DÂN PAHNINA 10:18

Pa nei nawhai le hmeithaihai chu feltakin ro a rêlpêk hlak a; ram dang mihai chu, fâk ding le silfênhai pein a hmangai hlak.

1 TIMOTHE 5:5

Hmeithai taktak mâkhât chaua um chun Pathien chungah beiseina a nei tlat a, a sûn a zânin hni le ṭawngṭaiin a um rawp hlak.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai lova insiem hi.