JEREMIA 48:9 - Pathien Lekhabu Inthieng (BSI)

⁹ Moab kuoma chun a vuong hmang theina dingin thlahai pe la: a khawpuihai chu râusan a ni ding a na, mi a chêng hrim hrim um lovin.

JEREMIA 48:9 ပူးပေါင်းရင်းမြစ်များ

INPÂKNA HLABU 11:1

Lalpaa chun ka ringna kân nghat hlak a, Iengtiziea ka hringna kuoma hin, “In tlânga chun vate angin vuong hmang ro,” in ti?

INPÂKNA HLABU 55:6

Chuongchun, “Aw, vaṭhu anga thla nei ka va nuom de! Chuongchun, vuong dai ka ta, lungmuongtakin um ka tih.

ISAI 16:2

Chuongchun, Moab naunuhai chu vate a bua inthawka rau dara vuong vuonghai angin Arnon vadung kaia chun an um ding annâwm.

JEREMIA 44:22

Thil tirdakum in thawhai lei le, in thilthawhai suol lei chun Lalpa chun a tuor pei ta naw a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 46:19

Aw nang naunuhmei Aigupta rama chêng, sala intâng dinga fe dingin incheibâwl rawh, Noph chu râusan nîng a ta, hluotu boin a kâng ding a ni si a.

JEREMIA 48:28

“Aw Moab hluotuhai, khawpuihai chu mâksan unla, râwlahai chun va chêng ro; pûk bau sîra a bu septu vâṭhu ang chu ni ro.

ZEPHANIA 2:9

Chuleiin, kei le kei insâlin, sipaihai Lalpa, Israelhai Pathien chun a tih: “Matheilovin Moab chu Sodom ang hung nîng a ta, Ammon mihai chu Gomorra, chikhurhai hmun le zakthlai bil râusan kumkhuo ang chu hung nîng a tih. Ka mi a la um sunhai chun anni chu suksieng an ta, ka mi a la um sunhai chun hluong an tih.”

THUPUONGSUO 12:14

Chuongchun, thlalêra a hmuna chun a vuong lût theina dingin nuhmei chu mupui lientak thla khing hni an pêk a, chutaka chun rûlpui hmu phâk nawah hun khat le hunhai le hun chenve sûng po châwm an tih.