JEREMIA 48:8 - Pathien Lekhabu Inthieng (BSI)

⁸ Khawpui tina chun suksetu hung tlung a ta, khawpui ieng khawm suokthleng naw ni, phairuomhai khawm chu suksiet nîng a ta, phaizâwl khawm chu sukbohmang nîng a tih; Lalpain a hril ta angin.

JEREMIA 48:8 ပူးပေါင်းရင်းမြစ်များ

JEREMIA 15:8

Tuisuorieta phaiphin nêk hmanin an hmeithaihai chu ka sukpung lem a, sûn changlai chun nuhai le tlangvâlhai chunga chun suksetu ka hung intlungtir a, amânu chunga chun ṭitnahai le lunginzîngnahai kân tlâktir thut a.

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 48:18

“Aw nang Dibona chêng naunuhmei, i ropuinaa inthawkin hung thla la, dangchârin ṭhung rawh; Moab suksetu chu i chungah a hung tlung a, i kul nghethai chu a suksiet ta si a.

JEREMIA 51:56

ama chunga chun suksetu chu a hung ta si a, Babulon chung ngeia chun; a mi thilthawtheihai chu manin an um a, an thalngulhai khawm chu a tliek innawi vawng a; Lalpa chu phuba latu Pathien a ni si a, ama chun thung ngei ngei a tih.

JEREMIA 6:26

Aw ka chipui naunu, saiip puonin inbel la, pilvuta chun inbuol rawh; naupasal khât sûn angin sûn la, sûnna natak el chun, ei chunga chun suksetu chu a hung vak ding a ni si a.

EZEKIEL 25:9

Ngai ta, Moab sîr khat, khawpui hmawrtâwnghaia inthawkin, a ram ropuina Beth-jesimoth, Baal-meon le Kiriathaim tieng chu ka hawng ding a nih;

JOSUA 13:17

Hesbon le chu phai rama khawpui po po, Dibon le Bamoth-baal dâm, Beth-baal-meon dâm,

JOSUA 13:21

Chuong chu, phai ram khawpui po po dâm, Hesbona rorêla um Amor mihai lal Sihon ram po po dâm a nih; ama chu Mosiein, Midian mihai hotuhai Evi, Rekem, Zur, Hur le Reba hai le chun a lo sukbohmang ta a; anni chu Sihon mihai ram sûnga lo chêng hrim an nih.

JOSUA 13:9

Arnon ruom sîra um Aroera inthawk le, ruom laitaka khawpui le, Medeba phai ram po po, Dibon chenin;