JEREMIA 48:42 - Pathien Lekhabu Inthieng (BSI)

⁴² Chun, Moab chu Lalpa dodâla ân chawimawi leiin, hnam ninaa inthawka sukbohmang nîng a tih.

JEREMIA 48:42 ပူးပေါင်းရင်းမြစ်များ

THUVARHAI 16:18

Chapona hi sietna hmaah a fe hlak a; Chun, lungril uong chu tlûkna hmaah.

ISAI 16:14

Tu ruok hin chu Lalpain, “Inhlawfa kum tiema kum thum sûngin Moab ropuina chu, a mipui nasatakhai pumin hmusituma inumtirin um a ta, a la um sunhai chu tlâwmterek el, hril khawp lo nîng an tih,” tiin a hril tah.

ISAI 37:23

Tu am i sukhmingsietin, i hrilsiet a? Tu chung âm i râwl i sukpuom a, i mit i suksâng? Israel Mi Inthieng chung ngeiah.

ISAI 7:8

Suria lu chu Damaska a na, Damaska lu chu Rezin ringawt hi a ni el si a; kum sâwmruk le kum nga bo hmain Ephraim chu chi ti tlâk lova um dingin suksiet vawngin um a tih;

JEREMIA 30:11

Nangma sandam ding chein i kuomah ka um si a, Lalpa chun a tih: nang ka sukdarna tieng chea hnamhai po po tâwpna letdêr chu siem ka ta, nang ruok chu suktâwp letdêr naw ning che; amiruokchu, rorêlnain sukdik lem ka ti che a, hrem lovin ieng kawnga khawm mâksan naw ning che.

JEREMIA 48:2

Moab inpâkna chu a um ta naw a; Hesbona chun a chungah thil ṭhanaw chu an rawt a, ‘Thaw ro, hnam ninaa inthawkin ama chu tuithlâr ei tiu,’ tiin. Nang khawm Aw Madmen, sukto ṭawk la nîng i tih; kâwlhnâmin hung hnawt bawk a ti che.

EZEKIEL 35:13

Chun, i bauin keia chungah nang le nang în chawimawi a, ka chunga i thuhrilhai i sukpung a; ka hriet a nih.

DANIEL 11:36

“Chun, lal chun a nuom ang angin thâwng a ta, ama le ama chu inchawimawi a ta, pathien po po chunga chun ama chu inchawisâng a tih; chun, pathienhai Pathien chu kalin thil râpthlâktak takhai chu hril a tih, thaw dinga tum ta po chu thaw a ni ding a na, lunginsenna chu hrîkthlâk a ni hmakhat chu hlawtling pei a tih.

MATTHAI 7:2

In sawisêl ang bawkin sawisêlin um in tih, in inkhina ngai bawka inkhipêk ni nâwk in tih.

2 THESSALONIKA 2:4

Ama chu, Pathiena an inbûk taphawt le sakhuo po po doin an chunga um tumin inchawimawi a tih; chuongchun, Pathien biekina ṭhungin Pathien ang rauin intâr suong a tih.

THUPUONGSUO 13:6

Chuongchun, Pathien hrilsein a bau a ka ta a, a hming le a umna, vâna umhai chu hrilse dingin.