JEREMIA 48:36 - Pathien Lekhabu Inthieng (BSI)

³⁶ Chuleiin, Moab ta dingin ka lung chu theihle angin ân ri a, Kirheresa mihai ta dingin ka lung chu theihle angin ân ri a nih; chuleiin, tamtak a ihmu tahai khawm chu a bohmang tah a nih.

JEREMIA 48:36 ပူးပေါင်းရင်းမြစ်များ

2 LALHAI 3:25

Chun, khawpuihai chu an sukchim a, ram ṭhatna hmun poah mi tinin lung an pei seng a, an suksip pei a; chun, tuikhur hnâr nei po po chu an sukbit bawk a, thing ṭhahai po po chu an phûrthlûk a, Kir-hareseth khuoa lung chau an mâksan a; nisienlakhawm, vailungdêngna dêng mihai chun an inhuola, an rûn ta a. .

THUVARHAI 11:4

Lungsen nia chun hausakna chu a ṭhahnem chuong naw a, Felna ruok chun thinaa inthawkin a sansuok.

THUVARHAI 13:22

Mi ṭha chun a tuhai ta ding chenin rohluo ding a mâkpêk hlak a, Mi suol hausakna chu mi fel ta dinga siekhâwl chau a nih.

THUVARHAI 18:11

Mi hausa hausakna chu a khawpui dettak a na, Ama ngairuotnahaia ngei chun bang insâng ang a nih.

ISAI 15:5

Moabhai leiin ka lungril chu a khêk a; an mi ṭhahai chu Zoar khuoa le Eglath-selisijah-ah an tlân a, Luhith lam tunga chun ṭap pumin an fe a nih; Horonaim lampuia chun sietna khêkin an khêk suok a nih.

ISAI 15:7

Chuleiin, an sum la nei sunhai le an sie ṭhathai chu Phahrâm Vadung râla chun fe hmangpui an tih.

ISAI 16:11

Chuleiin, ka rîhai chu Moab lunginsiet leiin ṭingṭang angin ân ri a, ka phîng sûng chu Kirheres lunginsiet leiin ṭingṭang angin ân ri bawk a.

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnemngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

JEREMIA 17:11

Indik lova hausaknahai neitu chu, varung ama awpkêu ni si lo te kei khâwmtu ang chu a nih; a dam sûng la la chun ama chu mâksan an ta, a tâwpa chun ama chu invêt nîng a tih.

JEREMIA 4:19

Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

JEREMIA 48:31

Chuleiin, Moab ta ding chun ka ṭap inrûm ding a nih; anih, Moab po po ta ding chun khêk ka tih; Kir-heres mihai chu ka ṭa ding a ni si a.