JEREMIA 48:14 - Pathien Lekhabu Inthieng (BSI)

¹⁴ ‘Mi thilthawthei, indonaa mi hrât khawkhênghai ei nih,’ ieng tin am in ti thei a?

JEREMIA 48:14 ပူးပေါင်းရင်းမြစ်များ

INPÂKNA HLABU 11:1

Lalpaa chun ka ringna kân nghat hlak a, Iengtiziea ka hringna kuoma hin, “In tlânga chun vate angin vuong hmang ro,” in ti?

INPÂKNA HLABU 33:16

Lal hrim hrim hi sipaihai tam lei ngawta sandama um an um ngai nawh: Mi hrât hi hrât bêk bêk lei ngawta sanhim an ni ngai nawh.

THUHRILTU 9:11

Ka thlîr nâwk a, nisa hnuoia chun intlânsiekna chu a hrâthai ta ding chau a ni naw a, indona chu a hrâthai ta ding chau a ni naw a, bei chu mi varhai ta ding chau a ni naw a, hausakna chu hrietthiemna nei mihai ta ding chau a ni naw a, ditsakna chu themthiemhai ta ding chau a ni nawh; amiruokchu, hun le remchâng chu an rênga kuomah a tlung seng a ni lem ti ka hmu a.

ISAI 10:13

Ama chun, “Ka kut hrâtnain ka thaw tah a nih, ka varna le hin; ka bengvâr si a: chi tin ramrihai hlak chu ka sawn a; an rohai hlak ka lâkpêk a, lalṭhungphaa ṭhunghai hlak chu mi huoitak thaw angin ka hnûk thlâk ta a;

ISAI 10:16

Chuleiin, Lalpa, sipaihai Lalpa chun, a mi thauhai laia chun chêrna tir a ta, a ropuina hnuoia chun meichawk lai zing ang hin mei sêmin um a tih.

ISAI 16:6

Moabhai chapona thu, an chapo êm êm a ni ti ei lo hriet a, an ṭawng mingemzie le an chapozie le, an lunginsenzie thu chu, an uongnahai chu iengkhawm a ni nawh.

JEREMIA 49:16

I ṭiumna chungthua chun, i lungril chapona chun a hlêm che a nih; Aw nang lungpui kak kârhaia chêngtu, muol insângnahai cheltu: i bu chu mupui bu anga insânga chun sep la khawm, chutaka inthawk chun ka hung sukhnuoi ding che a nih, Lalpa chun a tih.

JEREMIA 8:8

Iengtiziein am, “Kan var a, Lalpa dân chu kan kuomah a um annâwm” in ti a na? Nisienlakhawm, ngai ta u, lekhaziektuhai ziekhmawl indik naw chun indik lotakin a lo thaw ta a.

JEREMIA 9:23

Lalpa chun hieng hin a tih: mi var chun a varna suong naw raw se; mi thilthawthei khawm chun a thilthawtheina suong bawk naw raw se; mi hausa khawm chu a hausakna suong bawk naw raw se;

EZEKIEL 30:6

Lalpa chun hieng hin a tih: Aigupta chelngirtuhai khawm chu tlûng an ta; A thilthawtheina chapona khawm hung inhnuoi a tih; Migdola inthawka Suene chenin kâwlhnâmin tlûng an tih, Lalpa Pathien chun a ti a nih.

ZEPHANIA 2:10

Sipaihai Lalpa mihai chunga chun anni chu an insuklienin, anni chu an lo hrilsiet ta leiin hi thil hi an chapopui dingin an hmu ding a nih.