JEREMIA 48:13 - Pathien Lekhabu Inthieng (BSI)

¹³ An ringtak Bethel chu Israel sûngkaw ta dinga inzapuium a ni ang khan, Moab chu Kemos chun inzapui a tih.

JEREMIA 48:13 ပူးပေါင်းရင်းမြစ်များ

1 LALHAI 11:33

ama chun a mi mâksan a, Zidon mi pathiennu Astoreth hai, Moabhai pathien Kemos hai, Ammonhai thlahai pathien Milkom hai dâm a biek lei le ka mithmua thilṭha thaw ding le ka thuruothai le ka rorêlhai hi pawm dinga a pa David anga ka lampuihai a hraw naw leiin.

1 LALHAI 11:7

Chuongchun, Solomon chun Jerusalem bula tlângah Moab mihai pathien tirdakumtak Kemos ta dingin le, Ammon mihai pathien tirdakumtak Molek ta dingin bâwlhmun a lo siem ta a.

1 LALHAI 18:40

Chun, Elija chun an kuomah, “Baal zâwlneihai hi man unla, pakhat khawm insuo naw ro,” a ta. Chun, an man a, Elija chun Kison vadunga chun a ṭhuoi thlâk a, chutaka chun a that tâwl a.

2 CHANCHIN SUINA 25:15

Chuleichun, Lalpa lunginsen chu Amazia chunga chun a hung ṭal ta a, a kuoma chun zâwlnei a tir a, a kuomah, “I kuta inthawka an mihai ngei khawm sanhim thei si lo, mipuihai pathienhai chu iengdinga i zawng am a na?” a ti a.

ISAI 16:12

Chun, Moab chu ân lang pha chun bâwlhmuna insuksâwla, ṭawngṭai dinga a hmun inthienga a hung pha chun hlawtling naw nih.

ISAI 2:20

Chuong niahai chun mihai chun an tangka milimhai le an rângkachak milimhai, biek dinga an insiempêkhai chu, buikelet kuoma le bâk kuoma chun pei an ta,

ISAI 45:16

Muolphotakin um an tih, anih, an rêngin inzaktakin um an tih; milim siemtuhai chu inzaknaa chun lût tâwl an tih.

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siemfâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

JEREMIA 48:12

“Chuleiin, ngai ta u, nihai chu a hung tlung mêk, Lalpa chun a tih; ama kuoma chun bunthlatuhai chu tir ka ta, anni chun ama chu bunthlâng an tih, a bûrhai chu sukruok an ta, a bûrhai chu suknawi dar an tih.

JEREMIA 48:39

Ieng anga sukkhawi am a na? Ieng angin am an ṭap inrûm a? Moab chun inzak leiin iengtin am a hnunginnghat el a; chuongchun, Moab chu a vêla umhai ta ding chun lungsukzîngna le hrilsîm nîng a tih.

JEREMIA 48:46

Aw Moab, i chung a va rik de! Kemosa mihai chu hmanglo an nih, i naupasalhai chu sala ṭhuoiin an um a, i naunuhmeihai khawm chu salah an intâng si a.

JEREMIA 48:7

I sinthawhaia le i roa chun i ringna în nghat leiin, nang khawm man nîng i ta; Kemos khawm chu sala intâng dingin fêng a ta, a thiempuhai le a rorêltuhai leh.

RORELTUHAI 11:24

I pathien Kemos-in i puola a lo ruotpêk che chu i nei el ding a ni naw am a nih? Chun, Lalpa kan Pathienin kan hmaa a lâkpêkhai chu kan nei ding a nih.