JEREMIA 48:10 - Pathien Lekhabu Inthieng (BSI)

¹⁰ Lalpa sin hmusittaka thawtu chu ṭawngsephurin um raw se; thisen insuo dinga a kâwlhnâm la kîrtu chu ṭawngsephurin um bawk raw se.

JEREMIA 48:10 ပူးပေါင်းရင်းမြစ်များ

1 LALHAI 20:39

Chun, lal a hung tlung chun lal chu a lo ko a, “I siehlaw hin indona rûnpui hmunah ka va fe a; chun, ngai ta, mi pakhat hi a hung ngha a, ka kuomah mi pakhat a hung ṭhuoi a, ‘Ama hi lo vêng tlat rawh, a tlânhmang hlau chun a hringna aiah i hringna chân i tih, annawleh tangka talent khat i pêk ding a nih,’ a ta.

1 LALHAI 20:40

Chun, i siehlaw hi ka buoi êm kâr chun a lo fe hmang dai el ta a,” a ta. Chun, Israel lal chun a kuomah, “Chuong ang tak chu a nih, i chunga thu tlu chu, nangma ngeiin i sukthlûk diem ta chu teh,” a ta.

1 LALHAI 20:42

Chun, ama chun a kuomah, “Lalpa chun hieng ang hin a tih, ‘Ṭawngsie ka înphur ta chu în suo ta leiin a hringna aiah i hringna; a mihai aiah i mihai chân i tih,’ tiin,” a ta.

2 LALHAI 13:19

Chuongchun, Pathien mi chu a chunga chun a lunginsen ta a, “Vawi nga, vawi ruk lai i sun ding i sawnnaw; chuongchun, Suria mihai chu bohmang dêr khawpin i hne ding a nih. Amiruokchu, Suria mihai chu vawi thum chau i hne ding a ni ta hi,” a ta.

JEREMIA 11:3

chun, an kuoma chun hieng hin hril la; Israel Pathien Lalpa chun hieng hin a tih: Hi thuthlung thuhai hre lo mi chu ṭawngsephurin um raw se:

JEREMIA 47:6

Aw nang Lalpa kâwlhnâm, i châwl ṭawk ṭawk hma po chu ieng chen am nîng a ta? nang chu i bâwma chun inthun nâwk el rawh, châwl la, um ṭawk ṭawk rawh.

JEREMIA 47:7

Lalpa chun thaw ding a pêk si che chun iengtin am châwl thei i ta? Askelon le tuisuoriet panga umhai thaw dingin a ruot che a nih.

JEREMIA 50:25

Lalpa chun a râlthuom siekhâwmna chu a hawng a, a lunginsenna hriemhreihai chu a hung lâk suok a, Lalpa sipaihai Lalpa chun Kaldaihai rama chun thaw ding a nei si a.

JEREMIA 50:27

A bâwngchalhai po po chu that vawng unla, sa thattu kuomah infetir ro; an chung a va rik de! an ni, anni hung hremna hun chu a hung tlung ta si a. Babulon rama inthawka tlânsea suokthlenghai râwlhai chu e!

JOSUA 10:19

Nangni ruok chu um naw unla, in hmêlmahai chu hnawt pei unla, a hnung dâlhai kha that unla, an khuoa hrim hrim inlûttir naw ro, Lalpa in Pathien chun anni chu in kutah a pêk ta si a,” a ta.

RORELTUHAI 5:23

Lalpa vântirkoin, ‘Meroz chu ṭawngsie inphur ro, Chutaka umhai chu nasatakin ṭawngsie inphur ro. Lalpa ṭhangpui dinga an hung naw leiin, Lalpain mi hrâttak a thawnaa ṭhangpui ding chun,’ a tih.

1 SAMUEL 15:3

Amalek mihai do dingin fe la, an thil nei po po hla hrim hrim nei dêr lovin sukbohmang vawng rawh; nuhmei le pasal, naute khawm, nêne ne laihai dâm, bâwngchal le berâm dâm, sanghâwngsei le sabengtung dâm leh sukhlum vawng rawh,’ a ti a nih,” a ta.

1 SAMUEL 15:9

Amiruokchu, Saula le mipuihai chun Agag chu an hla a, berâm ṭha ṭhahai, bâwngchal ṭha ṭhahai, a thau thau dâm, berâmte le a ṭha po po leh, chuonghai chu an sukhlum nuom naw a; a ṭha naw le an dit naw po chu an sukhlum vawng a.