JEREMIA 47:3 - Pathien Lekhabu Inthieng (BSI)

³ A mi hrâthai ketin tet rîka le, a sakawr tawlailîrhai tlân rîka le, tawlailîr kehai innâwt rîka chun pahai chu an ṭi a, an nauhai enkai theilo lêkin an kuthai a zawi thla a;

JEREMIA 47:3 ပူးပေါင်းရင်းမြစ်များ

ISAI 5:28

an thalhai chu inzumtak a na, an thalngulhai po po chu kuoi sain a um ṭhup a; an sakawr tinhai chu meitâwklung ang nîng an ta, an tawlailîr kehai chu thlivir ang ela ngai ni bawk an tih.

JEREMIA 46:9

Nangni sakawrhai, hang fe unla, nangni sakawr tawlailîrhai, lunginsen ro; mi thilthawtheihai khawm chu fe suok raw hai seh; Ethiopia le Put mihai, phaw hmang mihai le, Lud mi thalngul kuoi hmang mihai chu.

JEREMIA 50:42

Anni chun thalngul le fei an chawi a; an rilo hle a, lunginsietna an nei nawh; an râwlhai chu tuisuoriet angin ân rûm a, sakawr chungahai chun an chuong a; Aw Babulon naunu, nangma chunga chun, indonaa mi angin, mi tin chu an intlar a nih.

JEREMIA 8:16

Dana inthawk chun a sakawrhai hnâr hnâwt ri chu ân hriet a; a mi hrât hung inhrosatna ria chun ram pumpui chu ân hnîng a. Anni chu an hung a, ram po po le a sûnga umhai chu an fâk zo si a; khawpui le a sûnga chênghai le khawm chun.

EZEKIEL 23:24

Chun, nanga chunga chun hriemhreihai, sakawr tawlailîrhai, tawlailîrhai, mipui inkhâwm nasatak leh hung do an ti che a; a vêlin, thîr lukhumhai, âwmphawhai le phawhai le an hung ep ding che a nih; chun, an kuoma chun rorêlna dân ang peiin i chungah rorêlpêk an ti che.

NAHUM 2:4

Tawlailîrhai chu kawtthlêra chun an tlân bur bur a, lamlien lienhaia chun an insuk sawk sawk a, meiser angin an inlang a, kâwlinlep angin an tlân thuok thuok a nih.

NAHUM 2:8

Tienlaia inthawk tah Ninevi khuo hi dîl ang a na; amiruokchu, an tlân hmang a, “Ngîr ro, ngir ro,” tiin an ko a, nisienlakhawm, tukhawm an ngha kîr nawh.

THUPUONGSUO 9:9

Thîr âwmphaw ang hi âwmphaw an nei a; an thla zâp ri chu indona tawlailîr ri, sakawr tamtak indo dinga tlân dur dur ri ang a nih.

RORELTUHAI 5:22

Chun, sakawrhai chun an ke an tet tlut tlut a, An ke tinhaia hnuoia inchâwm inchâwmin.