JEREMIA 46:6 - Pathien Lekhabu Inthieng (BSI)

⁶ Mi hrât chu tlân hmang naw sienla, mi thilthawthei khawm chu suokthleng naw raw se; hmâra chun Euphrates vadungpui panga chun an insui a, an tlu a.

JEREMIA 46:6 ပူးပေါင်းရင်းမြစ်များ

2 LALHAI 23:29

Ân lal lai chun Aigupta lal Pharao-Neko chu Assuria lal do dingin Euphrates vadungah a hang fe a; chun, lal Josia chun ama chu a hang thaw a; chun, Pharao-Neko chun ama chu a hmu phingleh Megiddo khuoah a that ta a.

2 LALHAI 24:7

Chun, Aigupta lal chu a rama inthawkin a hung suok nâwk ta naw a; Babulon lal chun Aigupta ram vadungtêa inthawka Euphrates vadung chena Aigupta lal ram huop po po a lâk ta si a.

INPÂKNA HLABU 27:2

Thil ṭha naw thawhai, mi dotuhai le ka hmêlmahai chun, ka sa fâk tuma an mi thaw lai khan, An insui a, an tlu tâwl ta a.

THUHRILTU 9:11

Ka thlîr nâwk a, nisa hnuoia chun intlânsiekna chu a hrâthai ta ding chau a ni naw a, indona chu a hrâthai ta ding chau a ni naw a, bei chu mi varhai ta ding chau a ni naw a, hausakna chu hrietthiemna nei mihai ta ding chau a ni naw a, ditsakna chu themthiemhai ta ding chau a ni nawh; amiruokchu, hun le remchâng chu an rênga kuomah a tlung seng a ni lem ti ka hmu a.

ISAI 8:15

Chuongchun, mi tamtakin chu chu insuiin tlûng an ta, suknâwiin um an ta, âwk an ta, manin um an tih,” tiin.

JEREMIA 1:14

Chun, Lalpa chun ka kuomah, “Hmâr tienga inthawkin ram hluotuhai po po chungah thil ṭha naw hung so suok a ta.

JEREMIA 20:11

Nisienlakhawm, Lalpa chu mi huoisen, ṭium tak angin ka kuomah a um a; chuleiin, a mi sukrinumtuhai chu insui thlûng an ta, mi hne naw ni hai; muolphotakin um an ta, hlawtling naw ni haia, an kumkhuo hmingsietna chu theinghilin um naw nih.

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 4:6

Zion tienga chun puonzâr chu khai unla, himna dingin tlânhmang unla, muong naw ro; hmar tienga inthawkin thil ṭha naw sietna nasatak chu ka hung intlungtir ding a ni si a.

JEREMIA 46:10

Chu ni chu Lalpa, sipaihai Lalpa ni, a hmêlmahai chunga phuba a lâk theina dinga, phuba lâkna ni a ni si a; kâwlhnâm chun fazo a ta, tlai a tih; chun, an thisen chu a khawp tâwkin dawn bawk a tih; Lalpa sipaihai Lalpa chun hmârtieng ramah Euphrates vadungpui panga chun inthâwina chu a nei si a.

JEREMIA 46:12

Hnamhai chun în zakna chu an lo hriet a, i khêkri chun hnuoi chu a sip zo tah; mi thilthawthei chu mi thilthawtheia ma chun ân suithlu a, an pahni hni chun an tlu rêl a nih.

JEREMIA 46:16

Mi tamtak chu insuithlu dingin a siem a, anih, an intlûk thuo pei a, “Tho unla, hi kâwlhnâm nêksâwrnaa inthawk hin eini mihai laia ngei le, ei piengna ram ngeia khan fe nâwk ei tiu,” an ti a.

JEREMIA 50:32

Chun, mi chapo chu insui a ta, tlûng a tih, tukhawma ama chu keitho naw ni hai; a khawpuiahai chun mei sêm ka ta, ama vêla umhai po po chu kâng hmang vawng a tih.

JEREMIA 6:1

Nangni Benjamin thlahai, Jerusalem sûnga inthawk chun himna dingin tlânhmang ro; Tekoaa chun tawtawrâwt mût unla, Beth-hake-rema chun inchikna chu khai unla; thil ṭha naw chu, bohmangna le chun, hmâr tienga inthawk chun a hung dâk si a.

DANIEL 11:19

Chun, ama rama kul tieng ngei chu nghâng a ta; nisienlakhawm, insui a ta, tlûng a ta, ama chu hmu ni ta ngai naw ni.

DANIEL 11:22

Ama hmaa chun tuilêt hrâtnain anni chu la hmang a ta, suksiet nîng an tih; anih, thuthlung hotu ngei khawm chu suksiet nîng a tih.