JEREMIA 46:28 - Pathien Lekhabu Inthieng (BSI)

²⁸ Aw ka siehlaw Jakob, ṭi naw rawh, Lalpa chun a tih; i kuomah ka um si a, nang ka hnawt hmangna che tienga hnamhai po po chu suktâwp vawng ka ta, nang ruok chu suktâwp letdêr naw ning che a; rorêlnain sukdik lem ka ti che a, ieng kawnga khawm hrem lovin mâksan naw ning che,” tiin.

JEREMIA 46:28 ပူးပေါင်းရင်းမြစ်များ

INPÂKNA HLABU 46:11

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 46:7

Sipaihai Lalpa chu ei kuomah a um a, Jakob Pathien chu ei kulbîng insâng a nih.

ISAI 27:7

Ama vawtuhai a vuok ang takin ama chu a vuok vêm a nih? annawleh, ama thathai that ang takin ama chu thatin a um vêm a nih?

ISAI 27:9

Chuleiin, hi hin Jakobhai rîtlona chu sâwpfai nîng a ta, hi hi an suol fe hmangpuina ra ruok a nih; Aserahai le nisa limhai chu tho nâwk ta lo ding khawpin maichâm lung po po chu tlak lung suknawi rem rum ang elin an siem hi.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

ISAI 44:1

“Tu ruok hin chu aw Jakobhai ka siehlawhai, aw Israelhai ka ithlanghai, ngai ro khai;

ISAI 45:23

‘Khûp tinrêng chu ka hmaah dingṭhaṭhuon tâng an ta, lei tinrêng khawmin ṭawng inkhâmin thu tiem tâng an tih,’ tiin mâni le mâni insâlin ṭawng kân khâm tah; thu chu felna ruokin ka baua inthawkin a suok ta a, hung kîr nâwk ta naw nih.

JEREMIA 1:19

Chuongchun, do an ti che a; amiruokchu, hne naw ni hai che; nangma sanhim ding chein i kuomah ka um si a, Lalpa chun a tih,” tiin.

JEREMIA 10:24

Aw Lalpa, mi sukdik la, amiruokchu, rorêlnain, i lunginsennain ni lovin, chuong naw chun iengkhawm ni lovin mi siem rawi i tih.

JEREMIA 15:20

Chun, hi hnam ta ding hin dârsen bang kulah siem ka ti che a; nang chu hung do hlak an ti che a, nisienlakhawm, hne ngai naw ni hai che; sandam ding le sansuok ding chein i kuomah ka um zing si a, Lalpa chun a tih.

JEREMIA 23:4

Anni châwmtu ding berâmpu an chunga chun sieng ka ta; ṭit khawm ṭi ta naw ni hai a, beidawng ngai ta bawk naw ni hai a, tlâksam hrim khawm um ta naw ni, Lalpa chun a tih.

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 30:10

Chuleiin, Aw Jakob, ka siehlaw, ṭi naw rawh, Lalpa chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni si a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

JEREMIA 30:11

Nangma sandam ding chein i kuomah ka um si a, Lalpa chun a tih: nang ka sukdarna tieng chea hnamhai po po tâwpna letdêr chu siem ka ta, nang ruok chu suktâwp letdêr naw ning che; amiruokchu, rorêlnain sukdik lem ka ti che a, hrem lovin ieng kawnga khawm mâksan naw ning che.

JEREMIA 4:27

Lalpa chun hieng hin a ti si a, “Ram pumpui chu râusan nîng a ta, a tâwp ruok chu intlungtir naw ning.

JEREMIA 5:10

“Grêp tlar lai chun hang fe unla, sukse ro; tâwp ṭhuoina ruok chu thaw naw unla, a kauhai chu la thla unla, Lalpa ta an ni si naw a.

JEREMIA 5:18

Nisienlakhawm, chuong niahai khawm chun, i tâwp dêrna ding chu thaw naw ning, Lalpa chun a tih.

JEREMIA 51:46

In lungrilhai chu thidang naw sienla, chu rama thuthang hriet ding lei khawm chun ṭi bawk naw ro; kum khat chu thuthang chu hung a ta, chu hnunga chun kum dangah thuthang bawk chu hung a tih, thawluina le, rorêltu le rorêltu inkalna dâm.

DANIEL 2:35

Chun, thîr dâm, pil dâm, dârsen dâm, tangkaruo dâm le rângkachak dâm chu inang rawngin an innawi ta a; nipui laia hrizâwlhaia busi ang el an hung ni ta a; chun, anni ta ding hrimin hmun hmu a ni ta naw a, thli chun a lên hmang vawng ta a; chun, kha lung milim deltu kha tlâng ropuitak a hung na, khawvêl po po a hluo sip ta a.

HABAKKUK 3:2

Aw Lalpa, i ṭawng ka hriet a,ka ṭi ta a; Aw Lalpa, hieng kumhai sûng hin i sinthaw chu hung sukhar rawh. Kumhai laia hin hung inhriettir la, Lunginsennaa khawm zângaina chu hre zing rawh.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

THILTHAWHAI 18:10

kei i kuomah ka um annâwm, sukna ding chein tukhawmin i chungah kut thlâk naw ni hai; hi khuoa hin mi tamtak ka nei si a,” a ta.

1 KORINTH 11:32

Rorêlpêka ei um khawmin, khawvêl mihai anga thiemnaw changa ei um nawna dingin Lalpa thununin ei um hlak a nih.

2 TIMOTHE 4:17

Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.

JOSUA 1:5

I dam sûng po po chun tukhawm i hmaah ngîr thei naw ni hai a, Mosie kuoma ka um ang khan i kuoma khawm ka um ve ding a nih; inhlâwsamtir naw ning che a, mâk khawm mâksan naw tawp ka ti che.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.