JEREMIA 46:21 - Pathien Lekhabu Inthieng (BSI)

²¹ A sûnga mi inhlawfahai khawm chu, ran ina bâwngtêhai ang an nih; anni khawm chu an hnungkîr a, an tlânhmang hmunkhat a; an ngir hrim hrim nawh; an lunginzingna ni, anni hremna hun chu an chungah a hung tlung si a.

JEREMIA 46:21 ပူးပေါင်းရင်းမြစ်များ

2 SAMUEL 10:6

Chun, Ammon mihai chun David theida zâwng an lo ni tah ti an hung inhriet chun Beth-rehoba mi Suria mihai le Zobaa mi Suria mihai, sipai sîng hni le, lal Maaka mi sîng khat leh, Topa mihai sîng khat le sâng hni leh an incha a, an ruoi a.

2 LALHAI 7:6

Lalpain Suria sipaihai chu tawlailîr ri dâm, sakawr ri dâm, sipai tamtak ri dâm ân hriettir a nih, chuongchun, “Ngai ta u, Israel lal hin, Hit lalhai, Aigupta lalhai hi eini mi thaw ding hin a hung ruoi a ni hi,” tiin an inbiek a.

INPÂKNA HLABU 37:13

Lalpa chun ama chu nuisan a ta, A ni a hung tlung ding a ni tah ti a hriet leiin.

THUVARHAI 15:17

Bâwngchal châwm thau buthlêng chutaka intheidana umna nêkin. Thlaihna buthlêng chutaka hmangaina umna chu a ṭha lem.

ISAI 10:3

Chuongchun, an hung kan nia cheu le hlataka inthawka râusanna hung tlung dinga inthawk ieng am thaw tâng in ta le? Ṭhangpuina hniin tu kuom âm tlân tâng in ta le? In ropuina chu khâw lai am mâksan tâng in ta le?

ISAI 34:7

Ramsielchalhai khawm chu an ruola sât thlûkin um an ta, bâwngchalhai, bâwngchalngênghai leh; an ram chun thisen inrui a ta, an pilvut chu thâunaa sukthâuin um a tih.

JEREMIA 18:17

Sak thli ang elin anni chu an hmêlmahai kuomah sukdar vawng ka ta, an lungngai nia chun ka hmai ni lovin ka hnungtieng inentir ka tih,” tiin.

JEREMIA 46:22

A rî chu rûlpui rî ang a na; a hmêlmahai chun kalchawiruolin, hreipuihai leh thing phûrtuhai angin an hung rûn a.

JEREMIA 46:5

Iengtizie am an ta le? An beidawng zo a, an hnungtawl ta a; an mi hrâthai chu hnein an um a, an tlân dar a, hnungtieng an ngha ta nawh; ṭium chu sîr tinah a um a nih, Lalpa chun a tih.

JEREMIA 46:9

Nangni sakawrhai, hang fe unla, nangni sakawr tawlailîrhai, lunginsen ro; mi thilthawtheihai khawm chu fe suok raw hai seh; Ethiopia le Put mihai, phaw hmang mihai le, Lud mi thalngul kuoi hmang mihai chu.

JEREMIA 48:44

Ṭitnaa inthawka tlân chu khurthima chun tlâng a ta, khurthima inthawka suok chu chânga chun âwk a tih; anni hremna kum chu ama chungah, Moab chunga ngei chun, kân tlungtir ding a nih, Lalpa chun a tih.

JEREMIA 49:8

Tlân hmang unla, hnung kîr unla, chêng inthûk unla, Aw Dedan hluotuhai, ama chunga chun Esau lunginzîngna chu ka hung intlungtir ding a ni si a, ama ka hrem hun ngei chu.

JEREMIA 50:11

Aw nangni ka rochan hung rûntuhai, in hlima in lâwm lei le, sazukpui bu chilse a, sakawr hrâttak inhrâm anga in tha a fân leiin; in nu chu nasatakin inzak a tih;

JEREMIA 50:27

A bâwngchalhai po po chu that vawng unla, sa thattu kuomah infetir ro; an chung a va rik de! an ni, anni hung hremna hun chu a hung tlung ta si a. Babulon rama inthawka tlânsea suokthlenghai râwlhai chu e!

EZEKIEL 30:22

Chuleiin, Lalpa Pathien chun hieng hin a tih; Ngai ta, Aigupta lal Pharao chu ka dodâl a, a tliek ta hnung a kut hrâthai chu suktliek ka tih;

EZEKIEL 35:5

Hun tâwpa hremna huna, an vângsiet lai hunah Israel thlahai chu kâwlhnâm thilthawtheina kuoma i lo pêk a, anni chu hmêlmâkna rê lo i nei leiin;

HOSEA 9:7

Hremna nihai chu a hung tlung a, Thungna nihai chu a hung tlung ie! Israel chun chu chu hrieng a ta; I rîtlona chu a tamin intaina a tam leiin. Zâwlnei chu ân vêt a, thlarau mi chu ân hâi a nih.

AMOS 6:4

saiha khuma zâl a, an ṭhungpha sei chunghaia inzi a, berâm ruol laia berâmte le sebâwng umna laia sebâwng tuoihai fa a;

OBADIA 1:13

Ka mihai an vângduoi ni khan an kul kawtkhâra khan i lût ding a ni nawh; anih, an vângduoi ni khan an tuornahai kha i thlîr el ding a ni nawh, an vângduoi ni khan an sum le pai chunga i kuthai în nghat ding ân nawh.

MIKA 7:4

Anni laia mi ṭhatak khawm chu buor ang a na, mi indiktak khawm chu hlohlingnei nêkin a se lem; i vêngtuhai ni, fanga i um ni ngei chu a hung tlung tah, chu chu an lunginzîngna ni nîng a tih.

MATTHAI 22:4

Chun, ama chun, ‘Ka ifielhai kuoma khan, ngai ta u, ka ruoi chu kân zo tah; ka bâwngchalhai le ka ran châwm thauhai ka that a, iengkim inzo a ni tah, inneina ruoi fa dingin hung ta ro ti ro,’ tiin suok dang a tir nâwk a.

DÂN PAHNINA 32:15

“Jakobin khawptakin a fâk a, Jesurun chu a hung hausa a, a hung hel ta a. A hung thâu a, a hung inchawm a, a hung nâm ta a; A siemtu Pathien a nghatsan a, A sandamna Lungpui chu a ngainêp a.