JEREMIA 46:2 - Pathien Lekhabu Inthieng (BSI)

² Aigupta chungthuah: Juda ram lal Josia naupa Jehoiakim inlal kum li kuma Babulon lal Nebukadnezzarin a rûn, Aigupta lal Pharao-neko sipai Euphrates vadungpui panga Karkemisa umhai chungthu chu:

JEREMIA 46:2 ပူးပေါင်းရင်းမြစ်များ

2 LALHAI 18:21

Ngai ta, hi luong hmawl pawr Aigupta hi i ring a ni âwm a; chu chu miin a ringsan chun a kutah sun a tih, Aigupta lal Pharao chu ama ringtuhai po po chunga chun chuong ang chu a ni hlak a nih.

2 LALHAI 23:29

Ân lal lai chun Aigupta lal Pharao-Neko chu Assuria lal do dingin Euphrates vadungah a hang fe a; chun, lal Josia chun ama chu a hang thaw a; chun, Pharao-Neko chun ama chu a hmu phingleh Megiddo khuoah a that ta a.

2 LALHAI 23:33

Chun, Pharao-Neko chun Jerusalema rorêl thei ta lo dingin Hamath rama Ribla khuoah ân tângtir a; chun, an ram chu tangka talent za khat le rângkachak talent khat ân chawitir a.

2 LALHAI 24:7

Chun, Aigupta lal chu a rama inthawkin a hung suok nâwk ta naw a; Babulon lal chun Aigupta ram vadungtêa inthawka Euphrates vadung chena Aigupta lal ram huop po po a lâk ta si a.

ISAI 10:9

Hamath khuo chu Arpad khuo ang el a ni tah a ni naw am a nih? Samari khuo chu Damaska khuo ang el a ni tah a ni naw am a nih?

ISAI 19:1

Aigupta ram phurrik chu, Ngai ta, Lalpa chu sûm hrâttak chunga chuongin Aigupta ram a hung tlung tah ie! Aigupta ram milimhai chu a hmaa chun inthin dar dar an ta, Aigupta mihai lungril chu an sûnga chun intuihmang el a tih.

ISAI 19:19

Chu nia chun Aigupta ram laia chun Lalpa ta dingin maichâm um a ta, a ramria chun Lalpa ta dingin lungphun um a tih.

JEREMIA 25:1

Juda ram lal Josia naupa Jehoiakim inlal kum linaa Juda mipui po po chungthua Jeremia kuoma thu hung tlung chu: chu kum ma chu Babulon lal Nebukadnezzar inlal kum khatna a na;

JEREMIA 25:19

Aigupta lal Pharao le a siehlawhai, a lalhai le a mihai po po leh;

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 36:1

Juda ram lal Josia naupa Jehoiakim inlal kum linaa chun hi thu hi Lalpa kuoma inthawk chun Jeremia kuomah a hung tlung ta a:

JEREMIA 43:11

Ama chu hung a ta, Aigupta rama chu hung hrem a ta, thinaa pêk dinghai chu thinaah, sala intâng dinghai chu salah, kâwlhnâma dinghai chu kâwlhnâm kuoma pêk nîng an tih.

JEREMIA 45:1

Juda ram lal Josia naupa Jehoiakim inlal kum, kum linaa, Jeremia baua inthawka lekhabua thuhai a ziek laia, Neria naupa Baruk kuoma zâwlnei Jeremia thuhril thu chu:

JEREMIA 46:14

Aiguptaa chun hril unla, Migdola chun puong unla, Nopha khawm chun puong unla, Tahpanhesa le chun: “Ngîr dawk la, inbuotsai rawh; i vêla chun kâwlhnâm chun a fâk zo pei ta si a,” ti ro.