JEREMIA 46:18 - Pathien Lekhabu Inthieng (BSI)

¹⁸ Laltak a hming khawm sipaihai Lalpa chun, ka hring zing angin; tuisuoriet panga Karmel ang le, tlânghai laia Tabor tlâng angin, ama chu hung ngei ngei a tih.

JEREMIA 46:18 ပူးပေါင်းရင်းမြစ်များ

INPÂKNA HLABU 89:12

Sim le hmâr chu nanga siem a na, Tabor le Hermon chun i hming leiin hlimin hla an sak hlak.

ISAI 47:4

A mîn tlantu chu a hming sipaihai Lalpa a na, Israelhai Mi Inthieng chu.

ISAI 48:2

(Khawpui inthienga mi an inti si hlak a, Israelhai Pathien chungah ringna an innghat bawk a nih; a hming chu sipaihai Lalpa a nih).

JEREMIA 10:10

Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

JEREMIA 10:16

Jakob chanvo chu hieng ang hi a ni ve naw a; thil po pohai siemtu chu a na; Israel chu a rochan hnam a na; sipaihai Lalpa chu a hming a nih.

JEREMIA 4:13

Ngai ta, ama chu sûmhai angin a tungin hung a ta, a sakawr tawlailîrhai chu thlivir ang nîng an tih, a sakawrhai khawm chu mupuihai nêkin an hrât lem a nih. Ei chung a va rik de! suksietin ei um si a.

JEREMIA 4:7

Sakeibaknei chu a chîmbuka inthawk chun a hung suok ta a, hnamhai sukbohmangtu ding chu; a lampuia chun a thang mêk a, a hmuna inthawk chun a suok ta a, i ram chu râusana siem ding le, i khawpuihai khawm hluotuhai um lova sukse dingin.

JEREMIA 44:26

Chuleiin, Aigupta rama Juda chêng po pohai, Lalpa thu chu lo ngai ta u: Ngai ta u, ‘Lalpa Pathien chu a hring zing angin,’ tiin, Aigupta ram po poa Juda mi tukhawm baua chun ka hming chu lam a ni ta nawna dingin, ka hming ropuitak chu sâlin ṭawng kân khâm a nih, Lalpa chun a tih.

JEREMIA 48:15

Moab chu suksietin a um a, a khawpuihai hlak chu meiin a khu a, a tlangvâlhai hlak chu that thlâk zo an ni ta a, Laltak, a hming sipaihai Lalpa chun a tih.

JEREMIA 51:17

Mi tin el chu an lo intlaw ta a; hrietna boin an lo um ta a, rângkachak suttu tinhai khawm chu an milem kera siemhai lei chun sukzakin an um ta a, an milim sunghai chu khêlhlip el a ni si a, annia chun inthuokna khawm a um si naw a.

JEREMIA 51:57

Chun, a lalhai le a mi varhai le, a rorêltuhai le, a lal aiawtuhai le a mi thilthawtheihai chu sukrui ka ta; kumkhuoa innaa chun in an ta, tho ta naw ni hai, Laltak, a hming khawm sipaihai Lalpa chun a tih.

AMOS 4:13

Ngai ta, tlânghai inngîr suok a, thli siem a, mihriem kuoma chun a ngaituona chu ieng am a na ti hrilsuokpêk a, zîngkâr chu sukthim a, hnuoi hmun insâng sirtu chu a hming Lalpa, sipaihai Pathien chu a ni si a.

MALAKI 1:14

Amiruokchu, a berâm ruol lai a chal, tiemkam sa tah neia, Lalpa kuoma demuma inthâwi a, hlêmtu chu ṭawngsephurin um raw se: lal ropuitak ka ni si a, ka hming khawm Jentailhai kuom chena khawm ṭi a um a nih, sipaihai Lalpa chun a tih.

MATTHAI 5:35

Jerusalem sâlin inkhâm bawk naw ro, achu lal ropuitak khawpui a ni si a.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

JOSUA 12:22

Kedes lal pakhat; Karmel tlânga Jokneam lal pakhat;

JOSUA 19:22

ramri chu Tabor, Sahazuma le Beth-semes a va tlung a nih; chuongchun, an ramri suokna chu Jordanah a nih; khawpui sâwmparuk, a khaw chînhai leh.

RORELTUHAI 4:12

Chun, Abinoam naupa Barak chu Tabor tlângah a hang fe ti Sisera chu an hril a.

RORELTUHAI 4:6

Naphtali ram Kedesa inthawkin Abinoam naupa Barak chu ân cha a, a kuomah, “Lalpa Israelhai Pathienin, ‘Naphtali thlahai le Jebulun thlahai mi sîng khat ṭhuoi la, Tabor tlângah hang fe rawh.