JEREMIA 46:10 - Pathien Lekhabu Inthieng (BSI)

¹⁰ Chu ni chu Lalpa, sipaihai Lalpa ni, a hmêlmahai chunga phuba a lâk theina dinga, phuba lâkna ni a ni si a; kâwlhnâm chun fazo a ta, tlai a tih; chun, an thisen chu a khawp tâwkin dawn bawk a tih; Lalpa sipaihai Lalpa chun hmârtieng ramah Euphrates vadungpui panga chun inthâwina chu a nei si a.

JEREMIA 46:10 ပူးပေါင်းရင်းမြစ်များ

2 LALHAI 24:7

Chun, Aigupta lal chu a rama inthawkin a hung suok nâwk ta naw a; Babulon lal chun Aigupta ram vadungtêa inthawka Euphrates vadung chena Aigupta lal ram huop po po a lâk ta si a.

JOB LEKHABU (THE BOOK OF JOB) 24:1

“Iengkimthawthei chun iengdinga rorêlna hunhai chu a ruot naw am a na? Iengdinga ama hretuhai chun a nihai chu an hmu naw am a na?

ISAI 13:6

Inrûm rak rak ro, Lalpa ni chu a hnai ta si a, Iengkimthawtheia inthawka suksietna a hung tlung angin a hung tlung ding a nih.

ISAI 2:12

Sipaihai Lalpa ni chu inngaisâng le, chapo po po chunga le chawisânga um po pohai chunga chun a la um ding a ni si a; chuongchun, suktlâwmin um a tih;

ISAI 31:8

“Chu pha chun Assuria mi chu, mihriem kâwlhnâma sukthlûk ni lovin, kâwlhnâm sukthlûkin um a tih; chun, kâwlhnâm mihriemhai ta ni lovin ama chu fa zo a tih; kâwlhnâma inthawk chun tlân hmang a ta, a tlangvâlhai chu sie chawitu hung ni tâng an tih.

ISAI 61:2

Lalpa lungawi kum thu le ei Pathien phubalâk ni thu hril ding dâm, lungngaihai po po thlamuon ding dâm,

ISAI 63:4

Phubalâk ni chu ka lungrilah a um si a, ka mi intlanhai kum chu a hung tlung ta bawk a nih.

JEREMIA 12:12

Thlalêra bâwlhmun tlângahai po po chun suksetuhai chu an hung a, ram pakhat tâwpa inthawka ram dang tâwp chen chun Lalpa kâwlhnâm chun a fâk zo a, tisa hrimin muongna an nei nawh.

JEREMIA 46:14

Aiguptaa chun hril unla, Migdola chun puong unla, Nopha khawm chun puong unla, Tahpanhesa le chun: “Ngîr dawk la, inbuotsai rawh; i vêla chun kâwlhnâm chun a fâk zo pei ta si a,” ti ro.

JEREMIA 46:2

Aigupta chungthuah: Juda ram lal Josia naupa Jehoiakim inlal kum li kuma Babulon lal Nebukadnezzarin a rûn, Aigupta lal Pharao-neko sipai Euphrates vadungpui panga Karkemisa umhai chungthu chu:

JEREMIA 46:6

Mi hrât chu tlân hmang naw sienla, mi thilthawthei khawm chu suokthleng naw raw se; hmâra chun Euphrates vadungpui panga chun an insui a, an tlu a.

JEREMIA 50:15

A vêlin ama chu khêkkhum unla; ama chu a hung inpêklût ta a, a kulhai chu a chim a, a banghai chu sukchim an na. Lalpa phubalâkna a ni si a; ama chunga chun phuba la unla, amain a lo thaw ta ang khan a chunga khawm thaw ve ro.

JEREMIA 50:18

Chuleiin, sipaihai Lalpa Israel Pathien chun hieng hin a tih: Ngai ta u, Assuria lal ka hrem ang bawk khan Babulon lal le a ram chu ka hrem ding a nih.

JEREMIA 51:6

Babulona inthawk chun tlân suok unla, mi tinin a hringna sandam raw se; a khawhlonaa sât thlâkin um naw unla, Lalpa phuba lâkna hun a ni si a; ama chun thungna chu pêng a tih;

EZEKIEL 21:28

“Chun, nang mihriem naupa, thu hril la, Ammon thlahai le anni vaulâwkna, chungthua chun Lalpa Pathien chun hieng hin a tih, ti rawh: Kâwlhnâm, kâwlhnâm chu thatna dingin phawi a ni a, kâwlinlep ang ela tle zawr zawr dinga nâwt tlêt a nih.

JOEL 1:15

Chu ni chu a chung a rik ie! Lalpa ni chu a hnai ta si a, Iengkimthawtheia inthawka bohmangna ang hung tlung a tih.

JOEL 2:1

Ziona chun tawtawrâwt mût unla, ka tlâng inthienga chun inrâlringna sukri ro, hi ram sûnga mi po pohai chu inthin raw se; Lalpa ni chu a hung tlung mêk a, a hnai ta si a;

ZEKARIA 6:6

Tawlailîr sakawr dum ihnûk chu hmâr ram tieng a fe suok hlak a; a vâr ihnûk chun a zui a; chun, a râng ihnûk chu simtieng rama chun a fe suok a.

LUKA 21:22

Chuong ni chu phuba lâk ni a nih, thu an ziek po po a hung tlung theina dingin.

DÂN PAHNINA 32:42

Ka thalhai chu thisenin sukrui ka ta, Ka kâwlhnâm chun thisen lem a tih; Thathai le salhai thisen le Hmêlma hotuhai lu chenin,” tiin.