JEREMIA 45:5 - Pathien Lekhabu Inthieng (BSI)

⁵ Chun, nang chun i ta dingin thil ropuihai chu i zawng a ni maw? Zawng naw rawh, ngai ta, mihriem po po chungah thil ṭhanaw ka hung intlungtir ding a ni si a, Lalpa chun a tih; chun, i hringna ruok chu i fena tieng tiengah sanhim ka ti che,” tiin.

JEREMIA 45:5 ပူးပေါင်းရင်းမြစ်များ

INṬANNA 6:12

Chun, Pathienin hnuoi hi a en a; chun, ngai ta, a se zo tah: tisa po poin hnuoia hin an umdân an suksiet zo ta si a.

1 LALHAI 3:11

Chun, Pathien chun a kuomah, “Nangin i ta dinga dam sâwtna hni lo a, hieng ang hi i hni lem leiin le, i ta dinga hausakna khawm hni lo a, i hmêlmahai thina ding khawm hni lo a, i ta dinga rorêl thiemna i hni leiin, ngai ta, i hni ang chun ka thaw ta a;

1 LALHAI 3:9

Chuongchun, i mihai rorêlpêkna dingin i siehlaw hi hrietna lungril hung pe la, a sie le a ṭha ka thlier theina dingin, i mi hieng zât zozai hi tuin am ro rêlpêk thei a ta le?” a ta.

2 LALHAI 5:26

Chun, ama chun a kuomah, “A be ding chea a tawlailîra inthawka mi hung ṭum lai khan ka lungril chu i kuomah a fe ve pei a ni naw am a nih? Tangka dâm, silfên dâm, oliv huon dâm, grêp huon dâm, berâm dâm, sebâwng dâm, suokpa le suoknu dâm hi lâk hun a nîm a nih?

INPÂKNA HLABU 131:1

Lalpa, ka lungril hi a chapo naw a ka mithai hi ân sâng bawk nawh; Thil ropuitakhaiah ka ṭhangsa ve ngai nawh, Ka ta dinga thilmak taluohaia khawm.

ISAI 66:16

Meiin a nih Lalpain a ngaituo ding chu, a kâwlhnâmin a nih mi po po a ngaituo ding chu; chuongchun, Lalpa isukhlumhai chu tamtak nîng an tih.

JEREMIA 21:9

Tukhawm hi khawpui sûnga um chu kâwlhnâmin, ṭâmin, hripuiin thîng a ta, amiruokchu, fe suok a, mi ân huoltuhai cheu Kaldaihai kuoma vân pe chu hring a ta, a hringna chu indona Lâwmman angin nei a tih.

JEREMIA 25:15

Israel Pathien, Lalpa chun ka kuomah hieng hin a ti si a: “Hi lunginsenna no ka kuta hi la la, hnam an kuoma ka tirnahai po po che chu indâwntir tâwl rawh.

JEREMIA 25:16

Chun, dâwn an ta, hnungtieng hmatieng insâwn an ta, invêt an tih; anni laia kâwlhnâm ka tir ding lei chun,” tiin.

JEREMIA 25:26

hmâr tienga lalhai a hla le hnaia mihai, pakhat khatin, hnuoi phêk chunga um khawvêla lalram po po hai leh: chun, Sesak lal chun anni zoa chun dâwn vêng a tih.

JEREMIA 25:31

Ri chu hnuoi tâwp chenah hung tlung a ta; Lalpa chun hnamhai le chun inkalna an nei si a; mi tin chu phût a ta; mi rilohai ruok chu kâwlhnâm pêng a tih, Lalpa chun a tih,”tiin.

JEREMIA 38:2

“Lalpa chun hieng hin a tih: Khawpui sûnga umhai chu kâwlhnâm le ṭâm le, hripuiin thîng an ta; Kaldaihai kuoma va fe chu hring an tih; a hringna chu insanhim a ta, hring a tih,

JEREMIA 39:18

Sandam ngei ngei ka ti che a, kâwlhnâmah i tlu naw ding a ni si a; amiruokchu, i hringna chu nangma ta dinga sanhim nîng a tih; i ringna chu keimaa hin i sie leiin, Lalpa chun a tih,” tiin.

ZEPHANIA 3:8

Lalpa chun, “Chuleichun, kei mi nghâk unla, râllâk la dinga ka ngirsuok ni chen chu. Ka lungawinawna ṭium tak le ka lunginsenna nasatak chu bun khum dinga, ramhai ka kei khâwmnaah chun hnamhai ṭhuoi khâwm chu ka thiltum a ni si a; leihnuoi hluo po po chu ka îtthîkna mei chun a kânghmang ding a ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:16

Ngaituo hmunkhatin um tuo seng unla, inngaituo sâng taluo naw unla, mi chînhai inruolpui lem ro. Intivar naw ro.

HEBRAIHAI 13:5

In lungril putzie chu tangka ngainatna ṭhang naw ni raw se, in thil nei sunhaia chun lungawi ro; ama ngeiin, “Iengtika khawm thlâthlam naw tawp ka ti che a, mâksan ngai naw bawk ka ti che,” a ti si a.